ایچ آر سی پی کا مداخلت اور رکاوٹیں ڈالے جانے پر اظہار تشویش
اشاعت کی تاریخ: 2nd, July 2025 GMT
ہیومن رائٹس کمیشن آف پاکستان نے ادارے کے کام میں مداخلت اور رکاوٹیں ڈالے جانے پر تشویش کا اظہار کیا ہے۔
ایچ آر سی پی نے حکومت سے مطالبہ کیا ہے کہ یقینی بنایا جائے کہ انسانی حقوق کے کارکن بلا خوف و خطر اپنا کام کر سکیں۔
ایک بیان میں ایچ آر سی پی نے کہا کہ کچھ عرصے سے ایچ آر سی پی کو بے بنیاد، غیر قانونی اور نا جائز کارروائیوں کا سامنا کرنا پڑ رہا ہے۔
کئی پروگراموں کے انعقاد میں رکاوٹیں ڈالی جارہی ہیں، دو اجلاسوں کے لیے ایچ آر سی پی سے این او سی کا تقاضہ کیا گیا، حالانکہ ایسی کوئی قانونی شرط نہیں ہے۔
اس کے علاوہ ملک بھر میں ایچ آر سی پی کے ارکان اور عملے کو ہراساں کرنے اور دھمکانے کے واقعات سامنے آئے ہیں۔
جبکہ پہلی بار ایچ آر سی پی کے چیئرپرسن کو کراچی میں پولیس نے طلب کر کے تفتیش کی ہے۔
ایچ آر سی پی نے حکام پر زور دیا ہے کہ وہ اجتماع، آزادی اظہار رائے اور انجمن سازی کے بنیادی حقوق کا احترام کریں۔
.ذریعہ: Jang News
کلیدی لفظ: ایچ آر سی پی
پڑھیں:
پیپلز پارٹی پنجاب کے معاملات میں مداخلت کرکے آئینی اختیارات سے تجاوز کر رہی ہے، عظمیٰ بخاری
وزیر اطلاعات پنجاب عظمیٰ بخاری : فائل فوٹووزیر اطلاعات پنجاب عظمیٰ بخاری کا کہنا ہے کہ کسی صوبے کے معاملات میں مداخلت غیر آئینی ہے، پیپلز پارٹی پنجاب کے معاملات میں مداخلت کرکے آئینی اختیارات سے تجاوز کر رہی ہے۔
پیپلز پارٹی کے رہنماؤں کے بیانات پر ردعمل دیتے ہوئے عظمیٰ بخاری نے کہا کہ جو ہر بات پر ’’مرسُو مرسُو‘‘ کرتے تھے وہ اب صوبائیت کارڈ کھیل رہے ہیں، آپ اپنے حواس کھو بیٹھے ہیں یا مریم نواز کی مقبولیت سے خوفزدہ ہیں؟ دو ہفتے پہلے میڈیا پر آپ کو کوئی گھاس نہیں ڈالتا تھا، آج آپ پنجاب کے سیلاب متاثرین اور کسانوں پر فقرے بازی کر کے خبروں میں جگہ بنا رہے ہیں۔
مریم نواز نے کہا کہ لاہور میں دی جانے والی خدمات کا دائرہ پورے پنجاب تک بڑھا دیا ہے، میں نہیں چاہتی کہ کہا جائے مریم نواز صرف لاہور کو ترقی دے رہی ہے۔
عظمیٰ بخاری نے کہا کہ سندھ میں آپ کی حکومت ہے آپ نے کسانوں سے گندم کیوں نہیں خریدی؟ پنجاب میں رہتے ہوئے سندھ کے وڈیروں کی غلامی کب تک کرتے رہیں گے؟ اپنے صوبے کا پانی استعمال کرنے کے لیے پنجاب کو دوسرے صوبے سے اجازت لینے کی ضرورت نہیں، پنجاب کے تمام وسائل پر پہلا حق پنجاب کے عوام کا ہے۔
صوبائی وزیر نے کہا کہ مریم نواز پنجاب کے کسانوں کو ان کے پانی کا حق ہر صورت دلائیں گی، مریم نواز پنجاب کے عوام کے حق کی بات کرتی ہیں تو آپ کو تکلیف کیوں ہوتی ہے؟
انہوں نے کہا کہ جس صوبے میں پیپلز پارٹی کی 17 سال سے حکومت ہے وہاں مسائل کے انبار لگے ہیں، پنجاب یاد رکھے گا، عوام مشکل میں تھے تو پیپلز پارٹی نے ان کی مشکلات کا مذاق اڑایا، پنجاب کے عوام پیپلز پارٹی کا یہ منفی رویہ کبھی بھولیں گے نہیں۔
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت