کوئٹہ، وزیراعلیٰ اور کور کمانڈر کا یوم عاشورہ کے سکیورٹی انتظامات کا جائزہ
اشاعت کی تاریخ: 6th, July 2025 GMT
سی پی او آفس کے دورے کے موقع پر وزیراعلیٰ سرفراز بگٹی نے آئی جی پولیس کو ہدایت دیتے ہوئے کہا کہ جلوسوں، مجالس اور عوامی مقامات پر فول پروف سکیورٹی کو ہر صورت یقینی بنایا جائے۔ اسلام ٹائمز۔ وزیراعلیٰ بلوچستان سرفراز بگٹی، کور کمانڈر 12 کور لیفٹیننٹ جنرل راحت نسیم، آئی جی بلوچستان معظم جاں انصاری اور اعلیٰ حکام نے سی پی او آفس کا دورہ کیا اور یوم عاشورہ کی سکیورٹی انتظامات کا جائزہ لیا۔ اس موقع پر اعلیٰ حکام کو سکیورٹی انتظامات سے متعلق تفصیلی بریفنگ دی گئی۔ وزیراعلیٰ اور حکام نے سنٹرل پولیس آفس میں قائم D3C مانیٹرنگ روم کا بھی معائنہ کیا۔ وزیراعلیٰ سرفراز بگٹی نے انتظامیہ کو ہدایت دیتے ہوئے کہا کہ جلوس کے روٹس، حساس مقامات اور داخلی راستوں کی مؤثر نگرانی کی جائے۔ سکیورٹی ادارے مکمل الرٹ رہیں۔ یوم عاشورہ کے انتظامات میں معمولی کوتاہی بھی برداشت نہیں کی جائے گی۔ انہوں نے کہا کہ امن و امان کے قیام کے لئے حکومت، فورسز اور عوام یکجا ہیں۔ وزیراعلیٰ سرفراز بگٹی نے آئی جی پولیس کو ہدایت دیتے ہوئے کہا کہ جلوسوں، مجالس اور عوامی مقامات پر فول پروف سکیورٹی کو ہر صورت یقینی بنایا جائے۔
.
ذریعہ
ذریعہ: Islam Times
کلیدی لفظ: سرفراز بگٹی کہا کہ
پڑھیں:
آپریشن العزم ؛مستونگ کے علاقہ کھڈکوچہ میں کارروائی، فتنہ الہندوستان کے 4دہشتگرد ہلاک
کوئٹہ(ڈیلی پاکستان آن لائن)بلوچستان میں آپریشن العزم کے تحت دہشتگردوں کیخلاف کارروائیاں جاری ہیں۔
نجی ٹی وی چینل دنیا نیوز کے مطابق سکیورٹی ذرائع کاکہنا ہے کہ مستونگ کے علاقہ کھڈکوچہ میں کارروائی کے دوران فتنہ الہندوستان کے 4دہشتگرد ہلاک ہو گئے،دہشتگردوں سے بڑی تعداد میں اسلحہ اور گولہ بارود برآمدہوا۔
سکیورٹی ذرائع کے مطابق متعدد دہشتگردوں کے زخمی ہونے کی بھی مصدقہ اطلاعات ہیں،دہشتگردوں کی سہولت کاری میں ملوث متعدد مشتبہ افراد کو گرفتار کرلیاگیا۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع