حوالہ ہنڈی میں ملوث بڑے بڑے لوگوں پر ہاتھ ڈالا جائے، محسن نقوی
اشاعت کی تاریخ: 8th, July 2025 GMT
فائل فوٹو
وفاقی وزیر داخلہ محسن نقوی نے کہا ہے کہ حوالہ ہنڈی میں ملوث بڑے بڑے لوگوں پر ہاتھ ڈالا جائے۔
وفاقی وزیر داخلہ محسن نقوی نے ایف آئی اے کراچی زون کا دورہ کیا جہاں انہوں نے اجلاس کی صدارت بھی کی اور اس دوران انہوں نے حوالہ ہنڈی مافیا کے خلاف مؤثر کریک ڈاؤن کا حکم دیا۔
محسن نقوی نے کہا کہ کسی کا دباؤ قبول کیے بغیر مافیا کے خلاف بلا امتیاز کارروائی کی جائے۔
انہوں نے بھکاریوں کو بیرون ملک بھجوانے والے ایجنٹ مافیا کی سرکوبی کا حکم دیتے ہوئے کہا کہ بھکاری مافیا پاکستان کا امیج خراب کر رہا ہے، ایجنٹس پر بلا امتیاز ایکشن نظر آنا چاہیے، مفرور ایجنٹس کو دیگر صوبوں کے تعاون سے گرفتار کیا جائے، بیرون ملک سے ڈی پورٹ ہو کر آنے والے بھکاریوں کی گرفتاری یقینی بنائی جائے۔
اسلام آ باد گداگری ؛ بیرون ملک سے بے دخل.
محسن نقوی نے مزید کہا کہ جعلی ادویات کا کاروبار کسی صورت برداشت نہیں، جعلی ادویات کے مکروہ دھندے میں ملوث لوگوں سے آہنی ہاتھوں سے نمٹا جائے، جعلی ادویات کے کاروبار میں ملوث لوگوں کی اصل جگہ جیل ہے۔
وزیر داخلہ محسن نقوی نے نان کسٹم مصنوعات کے خلاف بھرپور کارروائی اور 5 ہزار سے زائد ڈالر بیرون ملک لے جانے والے مسافروں کےخلاف بھی سخت ایکشن لینے کا حکم دیا۔
محسن نقوی نے حکام کو ہدایت کی کہ ایسے مسافروں کے خلاف قانون کے مطابق بھرپور کارروائی کی جائے۔
ذریعہ: Jang News
کلیدی لفظ: محسن نقوی نے بیرون ملک میں ملوث کے خلاف
پڑھیں:
دوسری عالمی باکسنگ چیمپئن شپ: محسن نقوی باکسنگ ایرینا پہنچ گئے
اسلام آباد (نیوزڈیسک)دوسری عالمی باکسنگ چیمپئن شپ کے تیسرے روز وزیر داخلہ و چیئرمین پی سی بی محسن نقوی بھی باکسنگ ایرینا پہنچ گئے۔
وزیر داخلہ اور پی سی بی سربراہ محسن نقوی نے جناح اسپورٹس کمپلیکس میں جاری انٹرنیشنل باکسنگ چیمپئن شپ فائٹ فار گلوری کے مقابلے دیکھے۔ پاکستانی نژاد برطانوی باکسر عامر خان بھی جناح اسپورٹس کمپلیکس میں موجود تھے۔
محسن نقوی نے باکسنگ مقابلوں میں گہری دلچسپی لی اور پاکستان میں انٹرنیشنل ایونٹ کے انعقاد کو سراہا۔محسن نقوی نے کامیاب باکسرز میں میڈل بھی تقسیم کیے۔
برطانوی باکسر جمیز میٹکالف نے ایشیاگولڈ مڈل ویٹ ٹائٹل اپنے نام کیا۔جیمز میٹکالف نے ڈومینیکا ریپبلک کے جیولو ڈی جیسس کو تیسرے راؤنڈ میں ناک آؤٹ کیا۔
ارجنٹائن کے باکسر البرٹو پلمیٹانے فلپائنی باکسر جوفر منٹانو کو شکست دے کر ڈبلیو بی اے ایشیاء ساؤتھ ویلٹر ویٹ کا ٹائٹل حاصل کیا۔
امریکی باکسر لارنس نیوٹن نے سپر بنٹم ویٹ باوٹ ٹائٹل اپنے نام کر لیا ۔لارنس نیوٹن نے ڈومینیکن ریپبلک باکسر جون السنٹرا کو ہرایا۔ فائٹ کا فیصلہ چھ راؤنڈ مکمل ہونے پر امریکی باکسر کے حق میں دیا گیا۔