پی ٹی آئی رہنماؤں کا جیل سے ایک اور خط، ‘حکومت نے میڈیا، عدلیہ، پارلیمنٹ کو تبادہ کردیا’
اشاعت کی تاریخ: 8th, July 2025 GMT
لاہور:
پاکستان تحریک انصاف (پی ٹی آئی) سینئر رہنماؤں نے کوٹ لکھپت جیل لاہور سے ایک اور خط لکھا ہے، جس میں انہوں نے حکومت پر تنقید کرتے ہوئے کہا ہے کہ موجودہ حکومت نے میڈیا، عدلیہ اور پارلیمنٹ کو تباہ کردیا ہے۔
پی ٹی آئی رہنماؤں شاہ محمود قریشی، ڈاکٹر یاسمین راشد، میاں محمود الرشید، اعجاز احمد چوہدری اور عمر سرفراز چیمہ نے مشترکہ خط میں کہا ہے کہ دو بڑی جماعتوں کے سربراہوں نواز شریف اور بینظیر بھٹو کے درمیان طے پانے والا معاہدہ میثاق جمہوریت انہی جماعتوں کے باعث ناکام ہو چکا ہے۔
انہوں نے لکھا ہے کہ میثاق جمہوریت آئین کی بالادستی، عدلیہ کی آزادی کو یقینی بنانے کے لیے کیا گیا تھا لیکن دونوں بڑی جماعتوں کے رہنماؤں نے اپنے ذاتی مفادات کے لیے میثاق جمہوریت کو تباہ کیا۔
پی ٹی آئی رہنماؤں نے کہا ہے کہ پاکستان کو مجموعی مسائل سے باہر نکالنے کے لیےآئین کی بالادستی اور قانون کی حکمرانی نہایت ضروری ہے۔
سابق وزیرخارجہ شاہ محمود قریشی اور دیگر پی ٹی آئی رہنماؤں نے کہا کہ موجودہ حکومت نے میڈیا پر پیکا، عدلیہ پر 26 ویں ترمیم اور پارلیمنٹ کو فارم 47 کے ذریعے تباہ کیا ہے، ملک میں عوام کو جمہوری حق کی مکمل پاس داری حاصل ہونی چاہیے۔
.ذریعہ: Express News
کلیدی لفظ: پی ٹی آئی رہنماؤں
پڑھیں:
بھارت نے پاکستان کی بڑے کرکٹ ایونٹ سے بے دخلی کا دعویٰ کردیا
نئی دہلی(سپورٹس ڈیسک) آئندہ سال متوقع ورلڈ کلبز ٹی20 چیمپئن شپ میں پاکستان کو شریک نہ کیے جانے کا بھارتی دعویٰ سامنے آیا ہے۔
بھارتی میڈیا کی رپورٹ کے مطابق پاکستان سپر لیگ (PSL) کی فاتح ٹیم کو اس مجوزہ ایونٹ میں مدعو کیے جانے کا امکان نہیں۔
بھارتی میڈیا نے دعویٰ کیا کہ پاکستان کرکٹ بورڈ (پی سی بی) کو گزشتہ ماہ لندن میں ہونے والے کرکٹ کنیکٹ اجلاس کے موقع پر منعقدہ خصوصی میٹنگ میں شرکت کی دعوت دی گئی تھی، جہاں پی ایس ایل کے سی ای او کو شرکت کرنا تھی، مگر کوئی نہیں آیا۔
بھارتی میڈیا کے مطابق مذکورہ اجلاس انگلینڈ اینڈ ویلز کرکٹ بورڈ (ای سی بی) کی جانب سے آئی سی سی کی حمایت کے ساتھ بلایا گیا تھا، جس میں دنیا کی معروف فرنچائز پر مبنی ٹی20 لیگز کے سی ای اوز نے شرکت کی۔
بھارتی میڈیا نے اپنی رپورٹ میں کہا کہ اس میٹنگ میں ورلڈ کلبز چیمپئن شپ کے فارمیٹ، شیڈول، ونڈو وغیرہ پر بات چیت کی گئی۔ امارات لیگ، بگ بیش لیگ، دی ہنڈریڈ، SA20، میجر لیگ کرکٹ (MLC)، کیریبین پریمیئر لیگ (CPL) کے سی ای اوز شریک تھے۔ اس اجلاس میں پاکستان کو بھی مدعو کیا گیا تھا۔
بھارتی میڈیا کے مطابق ابتدائی طور پر یہ عالمی ایونٹ پانچ ٹیموں پر مشتمل ہوگا، تاہم حیران کن طور پر انڈین پریمیئر لیگ (IPL) کی کوئی ٹیم اس میں شامل نہیں ہوگی۔
بھارتی میڈیا نے دعویٰ کیا کہ پی سی بی کے کسی رکن نے اس اجلاس میں شرکت نہیں کی۔
Post Views: 2
پاکستان اور افغانستان کے درمیان تعلقات کی موجودہ صورتحال کیا ہے؟