دانش نواز کی شاہ رخ خان کے ساتھ سیلفی، صارفین کے دلچسپ تبصرے
اشاعت کی تاریخ: 9th, July 2025 GMT
اداکارہ و ہدایت کار دانش نواز کی بالی ووڈ اداکار شاہ رخ خان کے ساتھ ایک تصویر وائرل ہو رہی ہے جو دانش نواز نے اپنے آفیشل انسٹاگرام اکاؤنٹ پر شیئر کی ہے۔
شیئر کی گئی تصویر میں دانش نواز نے رات کے وقت سیاہ چشمہ لگا رکھا تھا جبکہ شاہ رخ خان ان کے ساتھ کھڑے مسکراتے ہوئے دکھائی دے رہے ہیں۔
View this post on Instagram
A post shared by IMAGES (@dawn_images)
اس تصویر کو مختلف سوشل میڈیا پیچز کی جانب سے شیئر کیا گیا جس پر صارفین دلچسپ تبصرے کرتے نظر آئے۔ کئی صارفین کا کہنا تھا کہ یہ تصویر آرٹیفیشل انٹیلی جنس (اے آئی) سے بنائی گئی ہے جبکہ چند صارفین نے کہا کہ یہ اسنیپ چیٹ کا فلٹر ہے۔
ایک صارف کا کہنا تھا کہ شاہ رخ خان پاکستانی اداکار دانش نواز کے مداح لگ رہے ہیں۔ رابعہ نامی صارف کہتی ہیں کہ آپ ساحر لودھی کے ساتھ تصویر لے لیتے ویسے ہی شاہ رخ خان کے ساتھ تصویر بنوانے کے لیے اتنی محنت کی ہے۔
ایک سوشل میڈیا صارف کا کہنا تھا کہ یہ یقینی طور پر اے آئی سے ہی تیار کی گئی تصویر ہے کیونکہ شاہ رخ خان اب اتنے نوجوان نظر نہیں آتے جبکہ ایک صارف نے کہا کہ بالی ووڈ اداکار ایسے پوز بھی نہیں بناتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی بالی ووڈ دانش نواز شاہ رخ خان.
ذریعہ
ذریعہ: WE News
کلیدی لفظ: اے ا ئی بالی ووڈ دانش نواز شاہ رخ خان شاہ رخ خان دانش نواز کے ساتھ
پڑھیں:
بجٹ میں کرپٹو کرنسی کے لین دین پر ٹیکس عائد کیے جانے کا امکان
اسلام آباد:نئے بجٹ میں کرپٹو ٹرانزیکشنز کو ٹیکس نیٹ میں لانے کے لیے کرپٹو ٹریڈنگ سے حاصل ہونے والے منافع پر کیپیٹل گین ٹیکس عائد کیے جانے کا امکان ہے۔
ذرائع کا کہنا ہے کہ کرپٹو ٹریڈنگ پر 10 سے 30 فی صد تک کیپیٹل گین ٹیکس نافذ کیا جا سکتا ہے اس بارے میں بین الاقوامی مالیاتی فنڈ (آئی ایم ایف) کی مشاورت کے بعد کرپٹو سیکٹر کو ٹیکس نیٹ میں شامل کرنے پر غور کیا جا رہا ہے۔
ذرائع کے مطابق آئی ایم ایف نے تمام ڈیجیٹل کاروبار سے حاصل ہونے والے گین پر ٹیکس عائد کرنے کا مطالبہ کیا ہے جبکہ کرپٹو لین دین میں کیپیٹل گین ٹیکس کی وصولی کی بھی تجویز دی گئی ہے۔
ذرائع کا کہنا ہے کہ انکم ٹیکس ایکٹ 2001ء کے سیکشن 37 میں کرپٹو ٹرانزیکشنز سے متعلق کیپیٹل گین کی شق شامل کیے جانے کا امکان ہے۔ اس سلسلے میں سیکشن 37 میں شق 37 سی کا اضافہ کر کے کرپٹو لین دین سے کیپیٹل گین وصول کیا جا سکتا ہے۔
ذرائع کے مطابق پاکستان میں تقریباً 90 لاکھ افراد کرپٹو کرنسی استعمال کرتے ہیں اور حکومت کو کرپٹو ٹرانزیکشنز سے اربوں روپے اضافی ریونیو حاصل ہونے کی توقع ہے اور کرپٹو ٹریڈنگ سے حاصل ہونے والا منافع جلد ٹیکس کے دائرے میں آ سکتا ہے۔
ذرائع کا مزید کہنا ہے کہ پاکستان ورچوئل ایسیٹ ریگولیٹری اتھارٹی کو کرپٹو صارفین کے لیے ٹیکس اقدامات تجویز کرنے کی ہدایات دی گئی تھیں، جب کہ کرپٹو صارفین کی تعداد، ٹرانزیکشنز اور ٹیکس میکنزم کا جائزہ لینے کے لیے ایک کمیٹی بھی قائم کی گئی تھی۔
ذرائع کا کہنا ہے کہ چند ماہ قبل مرکزی بینک نے ورچوئل اثاثوں کو قانونی حیثیت دینے اور ڈیجیٹل کرنسی متعارف کرانے کا فیصلہ کیا تھا۔ اس اقدام کے تحت پاکستانی روپے کو ڈیجیٹل کرنسی میں تبدیل کر کے ورچوئل اثاثوں کی خریداری ممکن بنائی جا سکے گی، جب کہ پاکستانی روپے کی شکل میں موجود رقم کو کرپٹو کرنسی میں ایکسچینج بھی کیا جا سکے گا۔
ذرائع کے مطابق ورچوئل اثاثوں کو اشیا، خدمات اور ایکو سسٹم سے باہر خریداری کے لیے استعمال نہیں کیا جا سکے گا، جب کہ ڈیجیٹل کرنسی صرف ورچوئل اثاثوں کے لیے پاکستان میں قائم دفاتر کو جاری کی جائے گی۔
ذرائع کا مزید کہنا ہے کہ کرپٹو کرنسی کے لیے قانونی فریم ورک بھی تیار کیا جا چکا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ