روس کی طرف سے یوکرین پر اب تک کا سب سے بڑا ڈرون اور میزائل حملہ
اشاعت کی تاریخ: 9th, July 2025 GMT
اسلام آباد (اُردو پوائنٹ ۔ DW اردو۔ 09 جولائی 2025ء) یوکرین کے صدر وولودیمیر زیلینسکی نے کہا ہے کہ پولینڈ اور بیلاروس کی سرحد کے ساتھ یوکرین کے شمال مغرب میں واقع لُٹسک شہر سب سے زیادہ متاثر ہوا ہے، تاہم 10 دیگر علاقوں کو بھی نشانہ بنایا گیا ہے۔
روس نے یوکرین پر اب تک کا سب سے بڑا فضائی حملہ کیا ہے، یوکرین
روس کے کییف پر بڑے ڈرون اور میزائل حملے، سات افراد ہلاک
لٹسک کے علاقے میں بہت سے فضائی اڈے موجود ہیں جو یوکرینی فوج کے استعمال میں ہیں۔
کارگو طیارے اور لڑاکا طیارے باقاعدگی سے اس شہر کے اوپر سے پرواز کرتے ہیں۔ یوکرین کے مغربی علاقے اس جنگ میں ایک اہم حیثیت رکھتے ہیں، کیونکہ غیر ملکی فوجی امداد وہاں کے ہوائی اڈوں اور اسلحے کے ڈپوؤں تک پہنچتی ہے، جس کے بعد اسے ملک کے دوسرے حصوں کو بھیجا جاتا ہے۔(جاری ہے)
روس کی طرف سے طویل فاصلے تک مار کرنے والے حملوں نے سپلائی کے اس نظام کو نشانہ بنانے کی کوشش کی ہے۔
روس نے حال ہی میں بڑے پیمانے پر فضائی حملے کر کے یوکرین کے فضائی دفاع کو تباہ کرنے کی کوشش کی ہے۔ سب سے بڑا فضائی حملہ چار جولائی کی رات کیا گیا تھا، اس سے پہلے کا سب سے بڑا فضائی حملہ ایک ہفتے سے بھی کم عرصے میں ہوا تھا۔
روسی فوج نے بھی ایک ہزار کلومیٹر طویل فرنٹ لائن کے کچھ حصوں کو نشانہ بنانے کے لیے ایک نئی مہم شروع کی ہے، جہاں یوکرین کی افواج شدید دباؤ کا شکار ہیں۔
دونوں اطراف سے ڈرون حملوں میں اضافہیوکرین کے فضائی دفاع نے رات بھر کے حملے کے دوران 296 ڈرونز اور سات میزائلوں کو مار گرایا جبکہ مزید 415 ڈرونز ریڈار سے غائب ہو گئے یا جام ہو گئے۔
یوکرینی صدر وولودیمیر زیلنسکی نے کہا کہ روس کے شاہد نامی ڈرونز کا مقابلہ کرنے کے لیے تیار کردہ یوکرین کے انٹرسیپٹر ڈرونز تیزی سے مؤثر ہو رہے ہیں۔
انہوں نے مزید کہا کہ روس کی طرف سے داغے کے بہت سے ڈرونز کو فضا میں تباہ کر دیا گیا۔ ساتھ ہی ان کا یہ بھی کہنا تھا کہ کچھ مغربی ممالک کے اشتراک سے طیارہ شکن ڈرونز کی ملکی پیداوار میں اضافہ کیا جارہا ہے۔مغربی فوجی تجزیہ کاروں کا کہنا ہے کہ روس بھی اپنی ڈرون مینوفیکچرنگ کو فروغ دے رہا ہے اور جلد ہی وہ یوکرین میں ایک رات میں ایک ہزار ڈرون لانچ کرنے کے قابل ہو جائے گا۔
یوکرین نے بھی حملہ آور ڈرون تیار کر لیے ہیں جو روس کے اندر طویل فاصلے تک مار کر چکے ہیں۔
روس کی وزارت دفاع نے آج بدھ کے روز کہا ہے کہ اس کے فضائی دفاع نے ماسکو کے علاقے سمیت چھ روسی علاقوں میں رات گئے یوکرین کے 86 ڈرون مار گرائے۔
ماسکو کے دو ہوائی اڈوں سے پروازیں عارضی طور پر معطل کردی گئیں۔
روس کے سرحدی علاقے کروسک کے گورنر الیگزینڈر خنشتین نے کہا ہے کہ گزشتہ شب یوکرین کے ایک ڈرون حملے میں تین افراد ہلاک اور سات دیگر زخمی ہو گئے جن میں ایک پانچ سالہ بچہ بھی شامل ہے۔
روس نے یوکرین میں بین الاقوامی قوانین کی بڑی خلاف ورزیاں کی ہیں، انسانی حقوق کی یورپی عدالتانسانی حقوق کے حوالے سے یورپ کی اعلیٰ ترین عدالت نے کہا ہے کہ روس نے یوکرین میں بین الاقوامی قوانین کی خلاف ورزی کی ہے۔ یہ پہلا موقع ہے جب کسی بین الاقوامی عدالت نے ماسکو کو انسانی حقوق کی خلاف ورزیوں کا ذمہ دار ٹھہرایا ہے۔
اسٹراسبرگ میں انسانی حقوق کی یورپی عدالت کے جج روس کے خلاف دائر چار مقدمات پر فیصلہ سنا رہے ہیں، جو یوکرین اور نیدرلینڈز کی جانب سے دائر کیے گئے ہیں۔
ان مقدمات میں تنازعے کے آغاز سے لے کر اب تک انسانی حقوق کی مبینہ خلاف ورزیوں کی وسیع رینج شامل ہے، جن میں ملائیشیا ایئرلائنز کی پرواز 17 کو مار گرانا اور یوکرین کے بچوں کا اغوا بھی شامل ہے۔
یوکرین میں جاسوسی کے الزام میں دو چینی شہری گرفتاریوکرین کی سکیورٹی سروس ایس بی یو نے آج بدھ نو جولائی کو کہا ہے کہ اس نے دو چینی شہریوں کو حراست میں لیا ہے جو بحریہ کی میزائل ٹیکنالوجی ملک سے اسمگل کرنے کی کوشش کر رہے تھے۔
خبر رساں ادارے اے ایف پی کے مطابق ایس بی یو نے یوکرینی دارالحکومت کییف میں چین کے جن دو شہریوں کو حراست میں لیا، وہ یوکرینی RK-360 ایم سی نیپچون میزائل سسٹم سے متعلق خفیہ دستاویزات غیر قانونی طور پر چین کو برآمد کرنے کی کوشش کر رہے تھے۔
ادارت: شکور رحیم
.ذریعہ: UrduPoint
کلیدی لفظ: تلاش کیجئے انسانی حقوق کی یوکرین میں یوکرین کے نے یوکرین کہا ہے کہ سب سے بڑا میں ایک کی کوشش کہ روس روس کی نے کہا روس کے
پڑھیں:
اسپین میں یوکرین کی حمایت جائز فلسطین کی ممنوع قرار،اسکولوں سے پرچم ہٹانے کا حکم
data-id="863a0a8" data-element_type="widget" data-widget_type="theme-post-content.default">
اسپین: میڈرڈ کی قدامت پسند حکومت نے سرکاری فنڈنگ سے چلنے والے تعلیمی اداروں میں فلسطین کی حمایت پر خاموشی سے پابندی عائد کردی ہے۔
عالمی میڈیا رپورٹس کےمطابق اسپین کے دارالحکومت نے مختلف اسکولوں کو فلسطین سے اظہارِ یکجہتی کے تمام نشانات، جن میں فلسطینی پرچم بھی شامل ہیں، ہٹانے کی ہدایات دی ہیں۔
رپورٹ کے مطابق حکومتی موقف یہ ہے کہ سرکاری اسکولوں کو غیر سیاسی ہونا چاہیے اور فلسطین کی حمایت ایک سیاسی معاملہ ہے، یہ ہدایات حال ہی میں جاری کی گئی ہیں کیونکہ اس سے قبل میڈرڈ ریجن کے کئی اسکول مہینوں تک فلسطین کے حق میں تقریبات کا انعقاد کرتے رہے ہیں۔
خیال رہےکہ اسی حکومت نے 2022 میں یوکرین جنگ کے بعد تعلیمی اداروں میں یوکرین کی حمایت کی سرگرمیوں کی حوصلہ افزائی کی تھی، جس سے اس فیصلے پر دوہرا معیار اختیار کرنے کا الزام لگ رہا ہے۔
واضح رہے کہ یہ معاملہ اسپین کی قومی سیاست میں بھی شدت اختیار کر رہا ہے، گزشتہ دنوں میڈرڈ ریجن کی پاپولر پارٹی کی سربراہ ایزابیل دیاس اییوسو نے وزیراعظم پیڈرو سانچیز کو سخت تنقید کا نشانہ بناتے ہوئے کہا کہ فلسطین کے حق میں مظاہرے ملکی آزادی اور کھیلوں کے تقدس پر حملہ ہیں۔
اسی دوران پاپولر پارٹی کے قومی سربراہ البیرتو نونیز فیخوو نے بھی حکومت کی فلسطین نواز پالیسی پر تنقیدکرتے ہوئے کہا کہ سانچیز اپنی ناکامیوں اور کرپشن اسکینڈلز سے توجہ ہٹانے کے لیے غزہ کو سیاسی ہتھیار کے طور پر استعمال کر رہے ہیں،میں آپ کو اجازت نہیں دوں گا کہ غزہ میں ہونے والی اموات کو ہسپانوی عوام کے خلاف استعمال کریں۔”
جواب میں وزیراعظم پیڈرو سانچیز نے فیخوو کو کڑی تنقید کا نشانہ بناتے ہوئے کہاکہ حالیہ سروے کے مطابق 82 فیصد اسپین کے عوام غزہ میں جاری اسرائیلی کارروائیوں کو نسل کشی قرار دیتے ہیں ۔
یاد رہے کہ اسپین کی بائیں بازو کی مخلوط حکومت یورپی یونین میں اسرائیلی جارحیت کے خلاف سب سے مؤثر آواز رہی ہے۔ 2024 میں اسپین نے فلسطین کو بطور ریاست تسلیم کیا، اس کے ساتھ ہی اسرائیل پر مستقل اسلحہ پابندی اور مقبوضہ فلسطینی علاقوں سے درآمدات پر بھی پابندی عائد کی۔
میڈرڈ ریجن کی حکومت کی اس پالیسی نے نہ صرف تعلیمی اداروں بلکہ عوامی سطح پر بھی شدید بحث کو جنم دیا ہے اور یہ واضح تضاد اجاگر کیا ہے کہ ایک طرف یوکرین کی حمایت کی اجازت دی جاتی ہے جبکہ فلسطین کی حمایت کو دبایا جا رہا ہے۔
غزہ کی صورتحال پر نظر ڈالیں تو یہ حقیقت سامنے آتی ہے کہ امداد کے نام پر امریکا اور اسرائیل دہشت گردی کر رہے ہیں جبکہ عالمی ادارے خاموش تماشائی بنے ہوئے ہیں اور مسلم حکمران بے حسی کا مظاہرہ کر رہے ہیں۔
میجر عدنان اسلم شہید کی نماز جنازہ چکلالہ راولپنڈی میں ادا کر دی گئی،وزیراعظم ، فیلڈ مارشل کی شرکت