میرپورخاص،آبادی کے عالمی دن کے موقع پر سیمینار کا انعقاد
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">
میرپورخاص(نمائندہ جسارت) آبادی کے عالمی دن کے موقع پر محکمہ بہبود آبادی کی جانب سے آگاہی سیمینار منعقد ہوا۔ اس موقع پر ڈسٹرکٹ پاپولیشن ویلفیئر آفیسر محمد اسماعیل منگریو نے کہا کہ صوبائی وزیر محکمہ صحت و بہبود آبادی عذرا پیچوہو اور سیکرٹری بہبود آبادی حفیظ اللہ عباسی کی ہدایات پر عالمی یوم آبادی کے موقع پر خاندانی منصوبہ بندی کی اہمیت کے حوالے سے آگاہی سیمینار کا انعقاد کیا گیا ہے کیونکہ تیزی سے بڑھتی ہوئی آبادی پوری دنیا کے لئے ایک چیلنج بن چکی ہے اس لئے بڑھتی ہوئی آبادی کو کنٹرول کرنے کے لئے ہمیں جامع منصوبہ بندی کرنی چاہئے اگر اس وقت ہم نے اپنی سوچ اور سمجھ کے ساتھ خاندانی منصوبہ بندی نہ کی توملکی وسائل میں کمی کے ساتھ ساتھ معاشی مسائل بھی جنم لیں گے جس کی وجہ سے ہماری آنے والی نسلوں کو بڑے مسائل کا سامنا کرنا پڑے گا اس لئے ہر فرد کو خاندانی منصوبہ بندی کے پروگراموں سے آگاہ ہونا چاہیے اور ان پر عمل درآمد کرنا چاہیے۔ انہوں نے مزید کہا کہ محکمہ بہبود آبادی اپنی روایات کو برقرار رکھتے ہوئے سندھ کے کونے کونے میں بڑھتی ہوئی آبادی، صحت کے بنیادی فوائد اور خاندانی منصوبہ بندی کے فوائد اور امت پر کام کر رہا ہے اس بار نوجوانوں کو بااختیار بنانے کے لئے دیہاتوں اور شہروں میں بچوں خصوصاً لڑکیوں کو تعلیم دلانے کے لئے مزید کوششیں کی جا رہی ہیں تاکہ لڑکیاں پڑھی لکھی اور قابل مائیں بن کر اپنے اور اپنے خاندان کے بارے میں اچھے فیصلے کرنے کی صلاحیت پیدا کر سکیں۔ اس موقع پر ڈسٹرکٹ ہیلتھ آفیسر ڈاکٹر امجد اعظم نے کہا کہ آگاہی سیمینار کا مقصد شہری اور دیہی خواتین کو طبی سہولیات کے ساتھ خاندانی منصوبہ بندی کے بارے میں معلومات فراہم کرنا ہے۔
.ذریعہ: Jasarat News
کلیدی لفظ: کے لئے
پڑھیں:
عرب اسلامی سربراہی اجلاس: ’گریٹر اسرائیل‘ کا منصوبہ عالمی امن کے لیے سنگین خطرہ بنتا جارہا ہے: امیر قطر
امیر قطر شیخ تمیم بن حمد الثانی نے کہا ہے کہ یرغمالیوں کی پرامن رہائی کے حوالے سے اسرائیل کے تمام دعوے حقیقت کے برعکس ہیں، جبکہ ’گریٹر اسرائیل‘ کا منصوبہ عالمی امن کے لیے سنگین خطرہ بنتا جارہا ہے۔
عرب و اسلامی ممالک کے ہنگامی سربراہی اجلاس سے خطاب کرتے ہوئے انہوں نے شرکا کو خوش آمدید کہتے ہوئے کہاکہ اسرائیل فلسطینی عوام کے خلاف نسلی صفائی میں ملوث ہے اور انسانیت دشمن جرائم کی تمام حدیں عبور کر چکا ہے۔
امیر قطر نے دوحہ میں اسرائیلی حملے کو کھلی جارحیت اور قطر کی خودمختاری و علاقائی سالمیت کی صریح خلاف ورزی قرار دیا۔
ان کا کہنا تھا کہ قطر نے ثالث کی حیثیت سے خطے میں امن کے قیام کے لیے سنجیدہ اور خلوص پر مبنی کوششیں کیں، تاہم اسرائیل نے مذاکراتی عمل سبوتاژ کر کے حماس کی قیادت کو نشانہ بنایا۔
اجلاس میں امیر قطر کے ساتھ وزیراعظم پاکستان شہباز شریف، ترک صدر رجب طیب اردوان، اردن کے بادشاہ عبداللہ دوم، سعودی ولی عہد محمد بن سلمان، جبکہ مصر اور تاجکستان کے صدور بھی شریک ہیں۔
اس موقع پر اسلامی تعاون تنظیم (او آئی سی) کے سیکریٹری جنرل حسین ابراہیم طہ نے اسرائیلی حملے کے بعد قطر کے ساتھ رکن ممالک کی مکمل یکجہتی کا اظہار کیا۔
اجلاس سے خطاب کرتے ہوئے انہوں نے کہاکہ یہ اجلاس اسرائیلی جارحیت کے خلاف متحد اور مضبوط مؤقف اپنانے کا بہترین موقع ہے۔ ہم ریاستِ قطر پر ہونے والے اس کھلے حملے اور اس کی علاقائی خودمختاری کی خلاف ورزی کی سخت مذمت کرتے ہیں۔
او آئی سی کے سربراہ نے مطالبہ کیاکہ عرب اور اسلامی ممالک اسرائیل کے خلاف مضبوط فیصلے کریں اور عالمی برادری خصوصاً اقوامِ متحدہ کی سلامتی کونسل اپنی ذمہ داریاں نبھاتے ہوئے اسرائیل کو اس کے جرائم پر جوابدہ بنائے۔
انہوں نے کہاکہ تنظیم فلسطینی مسئلے کے حل کے لیے ہونے والی بین الاقوامی کانفرنس کے نتائج اور دو ریاستی حل کی بھرپور حمایت کرتی ہے۔ ان کے بقول، ہمیں یقین ہے کہ اس سربراہی اجلاس کے فیصلے عرب و اسلامی یکجہتی کو مزید مستحکم کریں گے۔
واضح رہے کہ اسرائیل کی جانب سے قطر پر ہونے والے حالیہ فضائی حملے کے خلاف دوحہ میں ہنگامی عرب اسلامی سربراہی اجلاس ہورہا ہے، جس میں وزیراعظم شہباز شریف پاکستان کی نمائندگی کررہے ہیں۔
اس سے قبل سعودی عرب اور پاکستان سمیت تمام مسلم ممالک نے قطر پر ہونے والے حملے کی مذمت کرتے ہوئے عالمی برادری سے مطالبہ کیا تھا کہ وہ اسرائیل کو اس کے جرائم پر جوابدہ ٹھہرائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امیر قطر عالمی امن عرب اسلامی سربراہی اجلاس گریٹر اسرائیل وی نیوز
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام