پاک بحریہ کے سربراہ نے نیوی افسروں، جوانوں کو اعزازات سے نوازا
اشاعت کی تاریخ: 12th, July 2025 GMT
اسلام آباد (خبرنگار خصوص) پاک بحریہ کے اہلکاروں میں عسکری اعزازات تفویض کرنے کی تقریب بحریہ آڈیٹوریم، کراچی میں منعقد ہوئی۔ ترجمان پاک بحریہ کے مطابق سربراہ پاک بحریہ ایڈمرل نوید اشرف نے تقریب میں بطور مہمان خصوصی شرکت کی اور افسران وجوانوں کو مختلف عسکری اعزازات سے نوازا۔ ستارہ امتیاز (ملٹری) حاصل کرنے والے افسران میں کموڈور راشد محمود شیخ، کموڈور تصور اقبال، کموڈور عامر اقبال، کموڈور راشد نذیر، کموڈور ذیشان شاہد، کموڈور ڈاکٹر ندیم قریشی،کموڈور ڈاکٹر طارق معراج رسول خان، کموڈور ڈاکٹر عطاء اللہ، کموڈور محمد عمیر، کموڈور شاہد واصف، کموڈور ثاقب حبیب، کموڈور فیصل اقبال قاضی اور کیپٹن سید عاطف حسین بخاری شامل تھے۔ تمغہ امتیاز (ملٹری) حاصل کرنے والوں میں کیپٹن نوید احمد، کمانڈر عمران رضا، کمانڈر بابر ابن سلیم، کمانڈر نجیب اللہ خان نیازی، کمانڈر رضوان اللہ، سرجن کمانڈر محسن رضا خان، کمانڈر امتیاز محمد، کمانڈر محمد انور، لیفٹیننٹ کمانڈر سید نعمان مسعود، لیفٹیننٹ کمانڈر ولید عارف اور لیفٹیننٹ کمانڈر محمد عمر شامل تھے۔ تمغہ بسالت؛ کمانڈر منور احمد بھٹی، کمانڈر نعیم احمد خان، صدام حسین پی ایم ٹی-I اور زین علی پی ایم ٹی-II نے وصول کیا۔ پاک بحریہ کے ایم سی پی اوز ، سی پی اوز اور سیلرز کو 31 تمغہ خدمت (ملٹری)-I، 53 تمغہ خدمت (ملٹری)-II اور 99 تمغہ خدمت ( ملٹری)-III جبکہ 60 افسران، ایم سی پی اوز/ سی پی اوز/ سیلرز اور نیوی سویلینز کو چیف آف دی نیول سٹاف کی جانب سے ستائشی اسناد سے نوازا گیا۔ تقریب میں پاک بحریہ کے سینئر، حاضر سروس اور ریٹائرڈ افسران کی بڑی تعداد نے شرکت کی۔
.ذریعہ: Nawaiwaqt
کلیدی لفظ: پاک بحریہ کے سی پی اوز
پڑھیں:
سینٹ کٹس اینڈ نیوس میں پاکستان کا پہلا ہائی کمشنر تعینات، اسناد ریاستی سربراہ کو پیش
BASSETERRE, SAINT KITTS AND NEVIS:پاکستان نے کینیڈا میں اپنے ہائی کمشنر محمد سلیم کو جنوری 2024 میں سفارتی تعلقات قائم ہونے والے ملک سینٹ کٹس اور نیوس میں اپنا پہلا ہائی کمشنر تعینات کردیا، جنہوں نے اپنی اسناد میزبان ملک کے سربراہ کو پیش کردیا۔
کینیڈا میں پاکستان کے ہائی کمیشن سے جاری اعلامیے کے مطابق بیسیٹرے میں گورنمنٹ ہاؤس میں منعقدہ تقریب میں محمد سلیم نے پاکستان کے ہائی کمشنر کی حیثیت میں اپنی دستاویزات سینٹ کرسٹوفر (سینٹ کٹس) اور نیوس کی گونر جنرل ڈیم مارسیلا کو پیش کیں۔
تقریب کے دوران پاکستانی ہائی کمشنر محمد سلیم نے پاکستانی قیادت اور عوام کی جانب سے سینٹ کیٹس اور نیوز کی گورنر اور عوام کو خیرسگالی کا پیغام پہنچایا اور دونوں ممالک کے درمیان تعلقات کو مضبوط بنانے کے عزم کا اعادہ کیا۔
پاکستانی ہائی کمشنر نے اس موقع پر باہمی تعاون میں اضافے سے دو طرفہ فواد کو اجاگر کیا۔
کینیڈا کے دارالحکومت اوٹاوا میں ہائی کمشنر محمد سلیم کو بیک وقت سینٹ کٹس اور نیوز کا نان ریذیڈنٹ ہائی کمشنر کا منصب دیا گیا ہے۔
پاکستان اور سینٹ کٹس اینڈ نیوز کے سفارتی تعلقات جنوری 2024 میں قائم ہوئے ہیں اور محمد سلیم یہاں تعینات ہونے والے پہلے پاکستانی سفیر ہیں۔
انہوں نے تازہ قائم ہونے والے سفارتی تعلقات کو مضبوط بنانے اور سیاسی، تجارتی، سرمایہ کاری، ترقی اور سیاحت سمیت دیگر شعبوں میں مشترکہ تعاون بڑھانے کے لیے اپنے عزم کا اظہار کیا۔
اعلامیے میں کہا گیا کہ پاکستانی ہائی کمشنر کی جانب سے اسناد پیش کرنا دونوں ممالک کے درمیان تعلقات کا تاریخی سنگ میل ہے اور آنے والے برسوں میں تعاون مضبوط بنانے کے لیے راہ ہموار کرنے کی علامت ہے۔
صدر ٹرمپ نے ٹیکساس کو آفت زدہ قرار دے دیا