مہاتیر محمد 100 برس کے ہو گئے، خود کو متحرک رکھنے کا راز افشا کردیا
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">
دنیا کے معمر ترین اور متحرک سیاستدانوں میں شمار ہونے والے ملائیشیا کے سابق وزیراعظم مہاتیر محمد نے زندگی کا ایک اور سنگ میل عبور کرتے ہوئے اپنی 100ویں سالگرہ منائی، جسے انہوں نے نہایت سادگی، وقار اور دانائی سے یادگار بنا دیا۔
ایک صدی پر محیط زندگی، سیاسی مدوجزر، قومی خدمت اور فکری بصیرت سے بھرپور سفر کا جشن مہاتیر محمد نے معمول کے دن کی طرح منایا، جس میں نہ تو کوئی شاندار تقریب ہوئی اور نہ ہی کسی رسمی پروٹوکول کا مظاہرہ۔
اپنی سالگرہ کے روز مہاتیر محمد نے اہلِ خانہ کے ہمراہ کیک کاٹا، دعائیں اور مبارکبادیں وصول کیں اور پھر بغیر کسی تعطیل کے وہ اپنی شناختی سفاری سوٹ میں دفتر روانہ ہو گئے، جہاں وہ اپنے روزمرہ کے معمولات میں مصروف رہے۔ اُن کی یہ باقاعدگی، نظم و ضبط اور کام کے لیے عزم آج بھی نوجوانوں کے لیے مشعلِ راہ ہے۔
بعد ازاں ایک خصوصی لائیو پوڈکاسٹ کے ذریعے مہاتیر محمد نے زندگی کے تجربات، مشاہدات اور اپنی طویل عمر کے راز پر کھل کر بات کی۔
انہوں نے کہا کہ انسان کی عمر کا تعلق قسمت اور صحت سے ہے اور اگر کوئی شخص مہلک بیماریوں سے محفوظ رہے تو لمبی زندگی گزار سکتا ہے، تاہم انہوں نے واضح کیا کہ صرف بیماری سے بچاؤ کافی نہیں، طویل اور با مقصد زندگی کے لیے شعور، نظم اور جسمانی و دماغی سرگرمی بھی ضروری ہے۔
مہاتیر محمد نے نوجوانوں اور عام افراد کو مشورہ دیا کہ زیادہ کھانے سے اجتناب کریں، ہلکی پھلکی ورزش کو معمول بنائیں، مسلسل مطالعہ کریں، لکھنے پڑھنے سے تعلق رکھیں اور لوگوں سے بات چیت اور مباحثے کے ذریعے ذہن کو متحرک رکھیں۔ ان کا کہنا تھا کہ اگر آپ کا دماغ زندہ ہے، سوچ رہا ہے، سوالات کر رہا ہے تو آپ واقعی زندہ ہیں۔
انہوں نے اپنی اس بھرپور زندگی کا سہرا اپنی شریکِ حیات 98 سالہ اہلیہ سیتی حسمہ کے سر باندھا اور کہا کہ ان کی زندگی میں مستقل تعاون، دوستی اور جذباتی سپورٹ کے بغیر وہ کبھی بھی ایسی زندگی نہ گزار پاتے۔ مہاتیر نے انہیں نہ صرف ایک اہلیہ بلکہ بہترین دوست، مشیر اور ہمسفر قرار دیا۔
پوڈکاسٹ کے دوران مہاتیر محمد نے عالمی سیاسی منظرنامے پر بھی کھل کر اظہارِ خیال کیا۔ انہوں نے فلسطینی عوام کے ساتھ مکمل یکجہتی کا اظہار کرتے ہوئے اسرائیل کی پالیسیوں کو جارحانہ، ظالمانہ اور غیر انسانی قرار دیا۔ انہوں نے کہا کہ دنیا کو فلسطینیوں کے حق میں آواز بلند کرنی چاہیے اور طاقتور اقوام کو ان مظالم پر خاموش تماشائی نہیں بننا چاہیے۔
مہاتیر محمد نے چین کے عالمی سیاست میں ابھار اور داخلی زوال کے پہلوؤں پر بھی گفتگو کی اور کہا کہ چین کا اثر و رسوخ پورے ایشیا پر نمایاں ہے، مگر اس کے اندرونی سیاسی و معاشی چیلنجز کو سمجھنا بھی ضروری ہے۔
سالگرہ کے دن کی تمام مصروفیات کے باوجود مہاتیر محمد نے دفتر میں خیر خواہوں اور ساتھیوں سے ملاقاتوں کا سلسلہ جاری رکھا۔ ان کے مشیر کے مطابق کسی پُرتعیش تقریب کا اہتمام نہیں کیا گیا بلکہ عملے نے ایک چھوٹا سا کیک کاٹا اور سابق وزیراعظم کو دلی مبارکباد پیش کی۔
مہاتیر محمد کی 100 سالہ زندگی صرف ایک طویل عمر کی کہانی نہیں بلکہ استقلال، بصیرت اور مسلسل جدوجہد کا وہ پیغام ہے جسے دنیا بھر کے رہنماؤں اور عوام کو سنجیدگی سے لینا چاہیے۔ ان کی زندگی اس بات کا ثبوت ہے کہ اگر ذہن اور جسم میں توازن ہو، خیالات تازہ ہوں اور مقاصد واضح ہوں تو عمر محض ایک عدد رہ جاتا ہے۔
.ذریعہ: Jasarat News
پڑھیں:
عمران خان اور بشریٰ بی بی کی سزا معطلی کے کیس پر جلد سماعت کیلیے پی ٹی آئی متحرک
ویب ڈیسک: عمران خان اور بشریٰ بی بی کی سزا معطلی کے کیس پر جلد سماعت کیلیے تحریک انصاف متحرک ہو گئی۔
ہائی کورٹ میں 190 ملین پاؤنڈز کیس میں سزا معطلی کے کیس کی سماعت جلد کرانے کے لیے پاکستان تحریک انصاف کی سرگرمیاں تیز ہوگئی ہیں
واضح رہے کہ ۔ 2 رکنی بینچ نے اس کیس کو جلد مقرر کرنے کی ہدایت کی تھی، تاہم بانی پی ٹی آئی اور ان کی اہلیہ بشریٰ بی بی کی سزا معطلی کی درخواست تاحال مقرر نہ ہو سکی۔
پاکستان میں مشرق ڈیجیٹل بینک کا آغاز، امارات سے پاکستانی مفت ترسیلات زر بھیج سکیں گے
عمران خان کی بہن علیمہ خان آج چیف جسٹس کے چیمبر میں کیس کی جلد سماعت کے لیے پہنچ گئیں۔ اس موقع پر نیاز اللہ نیازی، نعیم حیدر پنجوتھا اور خالد یوسف چوہدری بھی ہائی کورٹ میں موجود تھے جب کہ اسی دوران انتظار حسین پنجوتھا اور علی بخاری ایڈووکیٹ بھی عدالت پہنچے۔
Ansa Awais Content Writer
غزہ: اسرائیلی بمباری سے گزشتہ 24 گھنٹوں کے دوران 67 فلسطینی شہید