نارتھ کراچی میں نوجوان کی پرسرار موت ‘مقتول ڈاکو نکلا
اشاعت کی تاریخ: 13th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر ) نارتھ کراچی میں ایک گھر سے پراسرار طور پر ملنے والی نوجوان کی لاش کی شناخت حمزہ کے نام سے کر لی گئی، جو کہ پولیس ریکارڈ کے مطابق ایک منظم ڈکیتی گروہ کا سرگرم رکن تھا۔ تفتیشی حکام نے مشکوک موت قرار دیتے ہوئے ساتھیوں پر قتل یا واردات کے دوران زخمی چھوڑنے کا شک ظاہر کیا ہے۔ بلال کالونی پولیس کے مطابق حمزہ ولد ضمیر کی لاش نارتھ کراچی سیکٹر فائیو ای کے مکان نمبر 106 سے ملی، جو اس کے قریبی ساتھی فیروز کے زیرِ استعمال تھا۔ ابتدائی تحقیقات میں انکشاف ہوا ہے کہ فیروز نہ صرف حمزہ کا قریبی دوست تھا بلکہ وہ خود بھی متعدد ڈکیتیوں میں ملوث ہے اور مقامی تھانوں میں اس کا ریکارڈ موجود ہے۔ابتدائی تفتیش میں یہ بات سامنے آئی ہے کہ فیروز نے مقتول کے دوسرے بھائی عمر ولد ضمیر کو فون کر کے کہا کہ “حمزہ کی طبیعت خراب ہے، فوراً آؤ۔” تاہم جب عمر موقع پر پہنچا تو حمزہ مردہ حالت میں پڑا تھا،جب کہ فیروز اور اس کے اہل خانہ موقع سے فرار ہو چکے تھے۔ مقتول حمزہ کا ایک بھائی عمیر پہلے ہی ڈکیتی کے الزام میں گرفتار ہے، اور وہ بھی اسی گروہ سے منسلک تھا۔ شبہ ظاہر کیا جا رہا ہے کہ حمزہ یا تو حالیہ کسی واردات کے دوران زخمی ہو کر فیروز کے گھر پہنچا، یا پھر کسی اندرونی تنازع یا شراکت داری میں جھگڑے کے نتیجے میں قتل کیا گیا۔تفتیشی افسران کا کہنا ہے کہ نعش کو عقب سے پیٹھ کی جانب گولی لگی تھی،مقتول کو گولی کسی اور جگہ لگی اور اسکے بعد اسکو اس مکان میں لایا گیا، لاش پر زخموں کے نشانات موجود ہیں اور یہ ممکنہ طور پر گولی لگنے یا تشدد کے بعد موت کا نتیجہ ہو سکتے ہیں۔ لاش کو ضابطے کی کارروائی کے بعد پوسٹ مارٹم کے لیے عباسی شہید اسپتال منتقل کر دیا گیا ہے، جب کہ میڈیکل رپورٹ کا انتظار ہے۔اہم بات یہ ہے کہ حمزہ کی لاش ملنے کے بعد سے فیروز اور اس کے گھر کے تمام افراد غائب ہیں، جو کہ معاملے کو مزید مشکوک بنا رہا ہے۔
.ذریعہ: Jasarat News
کلیدی لفظ: کے بعد
پڑھیں:
کراچی: ٹرالر کی ٹکر سے بائیک سوار طالب علم بحق، دوسرا زخمی
کراچی:ماڑی پور میں ٹریفک حادثہ میں ایک طالب علم جاں بحق دوسرا زخمی ہوگیا۔
چھیپا حکام نے بتایا کہ ماڑی پور ٹرک اڈا گیٹ نمبر 6 کے قریب ٹرالر نے ایک موٹر سائیکل کو ٹکر ماردی، حادثہ میں موٹر سائیکل پر سوار ایک نوجوان جاں بحق اور دوسرا زخمی ہوگیا۔ جاں بحق شخص کی لاش اور زخمی نوجوان کو طبی امداد کے لیے سول اسپتال منتقل کیا گیا۔
جاں بحق ہونے والے بائیک سوار کی شناخت 18 سالہ عصمت ولد اعجاز اور زخمی کی شناخت 18 سالہ نوید ولد ستورو کے ناموں سے ہوئی۔
چھیپا ترجمان چوہدری شاہد حسین کے مطابق دونوں نوجوان غلامان عباس اسکول کے طالب علم اور ہاکس بے کے رہائشی ہیں۔ دونوں اسکول سے چھٹی کے بعد گھر واپس جارہے تھے کہ ماڑی پور ٹرک اڈے کے گیٹ پر حادثہ ہوگیا۔
ابتدائی اطلاع کے مطابق موٹر سائیکل پر سوار دونوں نوجوانوں کو ٹرالر نے ٹکر ماری ہے یا اس کی زد میں آئے ہیں تحقیقات کررہے ہیں۔
پولیس نے ٹرالر کو تحویل میں لے کر تھانے منتقل کردیا۔ ٹرالر کا ڈرائیور فرار ہے۔ پولیس ڈرائیور کی گرفتاری کے لیے کارروائی کررہی ہے۔
مزارِ قائد کے تاریخی فانوس کو قومی عجائب گھر میں نصب کرنے کا فیصلہ