حمیرا اصغر کی پرسرار موت کا معاملہ عدالت جا پہنچا، شہری نے قتل کا شبہ ظاہرکردیا
اشاعت کی تاریخ: 12th, July 2025 GMT
اداکارہ حمیرا اصغر علی کی کراچی کے علاقے ڈیفینس کے ایک فلیٹ سے انتہائی خراب حالت میں لاش برآمد ہونے کا معاملہ کراچی کی ضلعی عدالت تک جا پہنچا ہے، جہاں ایک شہری نے ان کی موت کو قتل قرار دیتے ہوئے مقدمہ درج کرانے کے لیے عدالت سے رجوع کر لیا ہے۔
واضح رہے کہ 42 سالہ حمیرا اصغر کی لاش 8 جولائی کو ڈیفنس ہاؤسنگ اتھارٹی کے فیز 6کے ایک اپارٹمنٹ سے اس وقت برآمد ہوئی جب مالک مکان کی جانب سے کرایہ ادا نہ ہونے پر عدالتی حکم کے تحت بے دخلی کی کارروائی کی جا رہی تھی۔
پولیس کے مطابق لاش انتہائی گل سڑ چکی تھی اور بظاہر یہ اندازہ لگایا جا رہا ہے کہ اداکارہ کی موت کم از کم چھ ماہ قبل، یعنی اکتوبر 2024 میں واقع ہوئی ہوگی۔
یہ بھی پڑھیں: اداکارہ حمیرا اصغر کی لاہور میں تدفین کردی گئی
اس واقعے پر نیا موڑ اُس وقت آیا جب کراچی کے شہری شاہزیب سہیل نے سیشن جج جنوبی کراچی کی عدالت میں درخواست دائر کی، جس میں مؤقف اختیار کیا گیا ہے کہ حمیرا کی موت طبعی نہیں بلکہ انہیں قتل کیا گیا ہے۔
درخواست گزار کے مطابق واقعے کی ویڈیوز اور شواہد اس جانب اشارہ کرتے ہیں کہ یہ فطری موت نہیں تھی، اداکارہ کا اپنے خاندان سے رابطہ منقطع ہونا اور ان کا لاش کی وصولی سے لاتعلق رہنا بھی شکوک کو جنم دیتا ہے، لہٰذا خاندان کو بھی تفتیش میں شامل کیا جائے۔
درخواست میں ایس ایس پی ساؤتھ اور ایس ایچ او گزری کو فریق بنایا گیا ہے اور عدالت سے استدعا کی گئی ہے کہ وہ واقعے کی جامع تحقیقات کا حکم دے اور قتل کا مقدمہ درج کرنے کی ہدایت دے۔
مزید پڑھیں: حمیرا اصغر کا آخری آڈیو پیغام کیا تھا اور یہ کسے بھیجا گیا تھا؟
ابتدائی تفتیش میں پولیس نے قتل کے امکان کو مسترد کر دیا تھا، کیونکہ اپارٹمنٹ اندر سے بند تھا اور زبردستی داخلے کے کوئی شواہد نہیں ملے۔
تاہم، فورینزک شواہد جیسے کہ ستمبر 2024 میں ایکسپائر ہونے والی اشیائے خورونوش، بجلی کی بندش، اور ان کے موبائل فون کی غیر فعالیت، اس بات کی تصدیق کرتے ہیں کہ موت کئی ماہ پرانی تھی۔ پولیس اب ان کے فون ریکارڈز اور دیگر ڈیجیٹل شواہد کی چھان بین کر رہی ہے۔
تماشا گھر اور فلم جلیبی میں نمایاں اداکاری سے مشہور حمیرا اصغر نہ صرف ایک باصلاحیت فنکارہ تھیں بلکہ وہ مصوری اور مجسمہ سازی میں بھی مہارت رکھتی تھیں۔ ان کے انسٹاگرام پر 7 لاکھ 15 ہزار سے زائد فالوورز تھے، اور ان کی آخری پوسٹ 30 ستمبر 2024 کو سامنے آئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اپارٹمنٹ پراسرار موت حمیرا اصغر ڈیفینس کراچی.ذریعہ: WE News
کلیدی لفظ: اپارٹمنٹ پراسرار موت ڈیفینس کراچی
پڑھیں:
شاہ محمود قریشی اسپتال منتقل،کن سابق ساتھیوں نے ملاقات کی، معاملہ کیا ہے؟
پاکستان تحریک انصاف کے سینیئر وائس چیئرمین شاہ محمود قریشی سے جمعے کو لاہور میں پارٹی کے سابق رہنماؤں نے ملاقات کی۔
یہ بھی پڑھیں: جیل سے رہائی کے بعد شاہ محمود قریشی عمران خان کی جگہ لے سکتے ہیں؟
ایک نجی ٹی وی کی رپورٹ میں بتایا گیا کہ شاہ محمود کو طبی معائنے کی غرض سے لاہور میں اسپتال لایا گیا تھا جہاں فود چوہدری، عمران اسماعیل اور مولوی محمود نے ملاقات کی۔
ملاقات کے دوران ملک کی سیاسی صورتحال، خیبر پختونخوا میں نئے وزیراعلیٰ اور کابینہ کے اور کشمیر میں تحریک عدم اعتماد کے حوالے سے گفتگو ہوئی۔
ٹی وی رپورٹ کے مطابق یہ تینوں سابق رہنما پارٹی میں خاص اہمیت کے حامل رہے ہیں لہٰذا ان کی شاہ محمود قریشی سے اس ملاقات کو ایک خاص اہمیت حاصل ہے۔
گو تحریک انصاف کی موجودہ قیات ان تینوں رہنماؤں کو پارٹی کا حصہ نہیں سمجھتے لیکن پھر بھی یہ تینوں خود کو پارٹی کا اہم جزو بتاتے رہتے ہیں۔
مزید پڑھیے: ’عمران خان سے پہلے جیل سے باہر آیا تو اپنے ہی لوگ کھا جائیں گے’، شاہ محمود قریشی جیل میں کیا سوچ رہے ہیں؟
ان تینیوں کی شاہ محمود قریشی سے ملاقات کسی نئی پیشرفت کا پیش خیمہ ہے جبکہ توقع ہے کہ بشمول اسد عمر پی ٹی آئی کے کچھ دیگر رہنماؤں کی بھی ملاقات ہوسکتی ہے۔
رپورٹ میں اس امکان کو رد نہیں کیا گیا کہ اس ملاقات کا مقصد تحریک انصاف میں ایک نیا دھڑا بنانا بھی ہوسکتا ہے۔
شاہ محمود قریشی کو کیا عارضہ ہے؟وی نیوز کے رپورٹ عارف ملک کے مطابق پاکستان تحریک انصاف کے وائس چیئرمین شاہ محمود قریشی کو لاہور کے کی پی کے ایل آئی اسپتال منتقل کیا گیا ہے۔
ذرائع کے مطابق شاہ محمود کے پتے میں پتھری بتائی جارہی ہے اور ان کی سرجری ہونی ہے۔
ذرائع کے مطابق شاہ محمود قریشی 28 اکتوبر سے پی کے ایل آئی میں داخل ہیں۔
مزید پڑھیے: سرکاری گاڑی جلانے کا کیس: شاہ محمود قریشی بری، یاسمین راشد، اعجاز چوہدری اور دیگر کو 10،10 سال قید کی سزا
یاد رہے کہ 9 مئی کے واقعات کے بعد سے شاہ محمود قریشی جیل میں قید ہیں۔ ابتدائی طور پر وہ راولپنڈی کی اڈیالہ جیل میں قید رہے تاہم اب وہ لاہور کی کوٹ لکھپت جیل منتقل ہو چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہ محمود قریشی عمران اسماعیل فواد چوہدری مولوی محمود وائس چیئرمین پی ٹی آئی شاہ محمود قریشی
کچھی: مسلح افراد کا سرکاری عمارتوں اور تھانوں پر حملہ، پولیس اہلکار شہید