قانون سازوں کی تنخواہیں اور ٹیکسز بڑھنے ، سہولیات کی کمی پر سینئر صحافی رؤوف کلاسرا برس پڑے
اشاعت کی تاریخ: 12th, July 2025 GMT
اسلام آباد (ویب ڈیسک) اراکین اسمبلی کی تنخواہوں میں اضافہ ہونے لیکن عوام کے لیے نوکریاں نہ دینے اور پیسے کی بچت کے دعووں پر سینئر صحافی و تجزیہ نگاررؤوف کلاسرا برس پڑے اور کہا کہ اراکین اسمبلی کے ترقیاتی فنڈز کے لیے بھی پیسہ ہے لیکن پنجاب میں سکولوں اور ہسپتالوں کو بھی پرائیویٹ لوگوں کے حوالے کردیاگیا۔
ٹی وی پروگرام میں گفتگو کرتے ہوئے رؤوف کلاسرا کاکہناتھاکہ "آپ کہتے ہیں کہ پیسے بچا رہے ہیں، نوکریاں دینا ہمارا کام نہیں تو حکومت خود کیا کررہی ہے، آپ نے چوبیس کلومیٹر کا شہر اسلام آبادکے ڈپٹی کمشنر آفس کے کام ، کلیریکل یا اسسٹنٹ ڈائریکٹر کے کاموں کے لیے ایک وزیر رکھا ہوا ہے، پورے محکمے رکھے ہوئے ہیں،پچاس ساٹھ وزیر ہیں، وزیر، مشیر اور اسٹنٹ شامل کرتے ہوئے خیال نہیں آتا کہ ہمارا کام نوکری دینا نہیں۔
ان کاکہناتھاکہ پھر کہہ رہا ہوں کہ اسلام آباد کو آٹھ سے دس سے زیادہ وزیروں کی ضرورت نہیں، آپ نے رکھ لیے ہیں تو ان کی تنخواہیں دیکھ لیں، ابھی 600فیصد تنخواہیں بڑھادی ہیں، ایم این ایز اور ایم پی ایز ہمیں تو بتارہے ہیں کہ آپ کے لیے پیسے نہیں، تنخواہیں نہیں بلکہ پنشن بھی نہیں ہے لیکن سپیکر قومی اسمبلی اور چیئرمین سینٹ نے اپنی تنخواہیں بڑھا لیں، ان لوگوں کے لیے اتنا پیسہ کہاں سےآگیا؟یہ لوگ تو ترقیاتی فنڈ بھی لے رہے ہیں، ساڑھے پانچ سو بلین روپے کے ترقیاتی فنڈزاراکین اسمبلی کو دیں گے جس میں شاہد خاقان عباسی کے بقول آپ 30فیصد کمیشن لیتے ہیں، سارے لوگ نہیں لیتے، کچھ اچھے بھی ہوں گے ، اپنے اللے تللوں پر آپ کو کوئی مسئلہ نہیں، پنجاب میں سکولوں اور ہسپتالوں کو آؤٹ سورس کردیاگیا، نہ آپ تعلیم دے رہے ہیں، نہ نوکریاں دے رہے ہیں، پیسے لے رہے ہیں، ٹیکس لے رہے ہیں، گیس کی قیمت ابھی 50فیصد بڑھادی ہے، موٹروے کا ٹول بڑھ گیا، بینک ودڈرال پر ٹیکس بڑھ گیا۔
بھارتی خفیہ ایجنسی کے ٹویٹر اکاونٹس نے لورالائی واقعہ سے قبل ہی دہشتگردی کی خبری دی تھی : وسیم عباسی کا انکشاف
شہباز شریف حکومت نے کہا ہے ہمارا کام نوجوانوں کو نوکریاں دینا نہیں کیونکہ پیسے نہیں ہیں۔ ٹھیک ہوگیا۔ لیکن پچاس ساٹھ وزیر، مشیر رکھنے ہوں تو پیسہ ہے، سپیکر کی تنخواہ اکیس لاکھ کرنی ہو، ایم این ایز نے تنخواہ چھ سات لاکھ کرنی لی، پنجاب میں سکول اور ہسپتال پرائیوٹ لوگوں کے حوالے کر… pic.
صحافی کاکہناتھاکہ مطلب ٹیکسز روزانہ بڑھا رہے ہیں لیکن سہولیات کم ہوتی جارہی ہیں، ہم لوگ اگر احتجاج کریں تو گلا پکڑ لیتے ہیں کہ آپ جمہوریت کے دشمن ہیں، نہ نوکری خود دے رہے ہیں اور نہ ہی نوکریاں دیے جانے کا ماحول بنا رہے ہیں، اپنے لیے تمام سہولیات ہیں، پنجاب میں مریم نواز صاحبہ نے آؤٹ سورس کرکے لوگوں کو دے دیے ہیں تو پھر ٹیکسز کس چیز کے لے رہے ہیں؟
اصلی ایس پی نے بھکر میں نقلی ایس پی کو گرفتار کرا دیا، پولیس یونیفارم اور وائرلیس سیٹ بھی برآمد
مزید :
ذریعہ
ذریعہ: Daily Pakistan
کلیدی لفظ: لے رہے ہیں کے لیے
پڑھیں:
پیٹرولیم مصنوعات کی قیمتوں میں ایک بار پھر بڑا اضافہ، پیٹرول اور ڈیزل مہنگے
لاہور(ڈیلی پاکستان آن لائن) وفاقی حکومت نے پیٹرولیم مصنوعات کی قیمتوں میں اضافے کا اعلان کرتے ہوئے نیا نوٹیفکیشن جاری کر دیا ہے۔ پیٹرولیم ڈویژن کے مطابق پیٹرول اور ڈیزل کی قیمتوں میں اضافے کا یہ فیصلہ کیا گیا ہے جس کا اطلاق آج رات 12 بجے سے ہوگا۔
نوٹیفکیشن کے مطابق پیٹرول کی فی لیٹر قیمت میں 6 روپے 39 پیسے کا اضافہ کیا گیا ہے، جس کے بعد پیٹرول کی نئی قیمت 327 روپے 12 پیسے مقرر ہو گئی ہے۔ اسی طرح ہائی اسپیڈ ڈیزل کی قیمت میں 7 روپے 83 پیسے کا اضافہ کیا گیا ہے اور اب ڈیزل کی نئی قیمت 375 روپے 4 پیسے ہوگی۔ پیٹرولیم ڈویژن کی جانب سے جاری کردہ یہ نئی قیمتیں آج رات سے نافذ العمل ہوں گی اور 23 جولائی تک برقرار رہیں گی۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع