اورنگی ٹاؤن میں جبران قتل کیس کا مرکزی ملزم گرفتار
اشاعت کی تاریخ: 13th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر)اورنگی ٹاؤن میں اپنے والد کے جنازے پر سعودی عرب سے آنے والے نوجوان جبران ولد جمعہ خان کے قتل اور کمسن بچے کو گولی مارنے کے مقدمات میں مرکزی ملزم پرویز علی ولد ساجن علی کو پولیس نے گرفتار کر لیا۔ ملزم نے دوران تفتیش 30 سے زائد وارداتوں میں ملوث ہونے کا اعتراف کرتے ہوئے کئی چونکا دینے والے انکشافات کیے ہیں۔22 سالہ جبران کو رواں ہفتے قذافی چوک، کلا میدان، اورنگی ٹاؤن میں اس وقت لوٹ مار کے دوران فائرنگ کر کے قتل کیا گیا، جب وہ والد کے انتقال پر کراچی آیا تھا۔اس سے کچھ لمحے قبل ہی، یہی ملزمان علاقے میں ایک اور راہگیر سے اسلحے کے زور پر موبائل فون چھین چکے تھے، جس کا مقدمہ FIR نمبر 255/2025 کے تحت درج ہے۔ پولیس نے جائے واردات سے شواہد اکٹھے کیے اور ملزم کے موبائل فون، شناخت کو دیگر وارداتوں سے ملا کر وارداتوں کی کڑیاں جوڑیں۔مزید برآں، ایک اور واقعے میں ڈھائی سالہ معاویہ کو گولی مار کر زخمی کرنے کے مقدمے میں بھی پرویز کی شناخت متاثرہ بچے کے والد محمد راحیل نے کی، جس کا مقدمہ FIR نمبر 254/2025 بجرم 392/394/34 ت پ کے تحت درج ہے۔پولیس کے مطابق واقعے کی سی سی ٹی وی فوٹیج اور اہلِ محلہ کے بیانات نے ملزم کے خلاف ثبوتوں کو ناقابل تردید بنا دیا ہے۔ فوٹیج میں ملزم کو واردات کے دوران واضح طور پر شناخت کیا گیا ہے
.
ذریعہ
ذریعہ: Jasarat News
پڑھیں:
کرایہ داری ایکٹ کی خلاف ورزی پر کریک ڈاؤن تیز، 5600 سے زائد ملزمان گرفتار
عرفان ملک:لاہور پولیس نے کرایہ داری ایکٹ کی خلاف ورزی کرنے والوں کے خلاف کریک ڈاؤن میں مزید تیزی لاتے ہوئے رواں سال اب تک 5600 سے زائد ملزمان کو گرفتار کر لیا ہے.
ترجمان لاہور پولیس کے مطابق اقبال ٹاؤن ڈویژن میں کرایہ داری ایکٹ کی خلاف ورزی پر سب سے زیادہ 2132 ملزمان گرفتار کیے گئے، جبکہ صدر ڈویژن میں 1555 اور سٹی ڈویژن میں 1040 افراد کو حراست میں لیا گیا, شہر کے مختلف تھانوں میں 651 مقدمات کا اندراج بھی یقینی بنایا گیا ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
سی سی پی او لاہور بلال صدیق کمیانہ نے کہا ہے کہ کرایہ داری ایکٹ پر سختی سے عملدرآمد یقینی بنایا جا رہا ہے کیونکہ جرائم پیشہ عناصر کی شناخت اور ان کی نقل و حرکت پر نظر رکھنے کے لیے کرایہ داری رجسٹریشن انتہائی ضروری ہے۔
انہوں نے کہا کہ غیر رجسٹرڈ کرایہ داروں کی آڑ میں جرائم پیشہ افراد پناہ لے سکتے ہیں، اس لیے قانون کی خلاف ورزی کرنے والوں کے خلاف بلاامتیاز کارروائی جاری رہے گی اور غیر قانونی یا مشکوک افراد کو کرائے پر جگہ فراہم کرنے والے مالکان کے خلاف بھی قانونی کارروائی عمل میں لائی جائے گی۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
بلال صدیق کمیانہ نے مکان مالکان، کرایہ داروں اور پراپرٹی ڈیلرز کو ہدایت کی کہ وہ فوری طور پر کرایہ داری ایکٹ پر عملدرآمد یقینی بنائیں اور تمام ضروری کوائف متعلقہ پولیس ریکارڈ میں درج کروائیں تاکہ شہر میں امن و امان کی صورتحال کو مزید بہتر بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ