ایم ڈی نوائے وقت گروپ رمیزہ نظامی کی میاں اظہر کے اہلخانہ سے تعزیت
اشاعت کی تاریخ: 26th, July 2025 GMT
لاہور (رپورٹ: ندیم بسرا) سینئر سیاستدان، سابق گورنر پنجاب میاں محمد اظہر مرحوم کی تعزیت کا سلسلہ ان کے لواحقین کے ساتھ جاری ہے۔ میاں محمد اظہر کی سیاست میں خدمات کوئی ڈھکی چھپی نہیں ہیں اور ان کو سیاست کا ایک ماہر کھلاڑی سمجھا جاتا تھا۔ ان کا معمار نوائے وقت مجید نظامی مرحوم سے دیرینہ تعلق تھا اور وہ مجید نظامی سے بھائیوں کی طرح لگائو رکھتے تھے اور انہیں اپنے سیاسی صلاح کار سمجھتے اور انہوں نے اپنا رشتہ ان کے ساتھ نہایت عزت و احترام کے ساتھ برقرار رکھا۔ وہ اکثر نظامی صاحب کے پاس نوائے وقت کے دفتر اور ان کی رہائش گاہ پر آجاتے اور مختلف سیاسی سمیت دیگر ایشوز پر ان سے رہنمائی لیتے تھے۔ ان کا شریف خاندان سے دیرینہ تعلق تھا اور میاں شریف مرحوم انہیں اپنے بیٹوں کی طرح سمجھتے تھے۔ ماضی میں شریف خاندان اور میاں اظہر مرحوم کے درمیان جب کچھ غلط فہمیاں ہوئیں تو اس کو ختم کروانے میں مجید نظامی صاحب کا ہی کردار تھا اور شاید یہی وجہ ہے کہ مجید نظامی جب اس دنیا سے پردہ کر گئے تو میاں محمد اظہر نے کہا تھا کہ وہ ایک اچھے، سمجھدار صلاح کار سے محروم ہوگئے ہیں۔ ان کی نظامی صاحب سے وابستگی بہت پرانی تھی اور میاں اظہر نے نظامی صاحب کی زندگی میں اس رشتے کو ہمیشہ عزت و احترام کے ساتھ ہی نبھایا ہے۔ ان کی نواز شریف اور شہباز شریف سے زیادہ قربت داری تھی۔ ایم ڈی نوائے وقت گروپ رمیزہ مجید نظامی نے میاں محمد اظہر کی وفات پر ان کی رہائش گاہ پر جاکر ان کے بیٹے سابق ایم این اے، سابق وفاقی وزیر حماد اظہر اور دیگر اہلخانہ کے ساتھ تعزیت کی اور میاں اظہر مرحوم کے دنیا سے جانے کو فیملی کے لئے بڑا صدمہ قرار دیا اور کہا کہ اللہ تعالیٰ انہیں جنت میں جگہ دے اور اہل خانہ کو اتنا بڑا صدمہ برداشت کرنے کی ہمت عطا فرمائے۔ واضح رہے میاں اظہر یکم ستمبر 1944 کو پیدا ہوئے۔ 1987میں لاہور کے مئیر منتخب ہوئے۔ 1990سے 1993تک گورنر پنجاب رہے۔ 1993 اور 1997 میں قومی اسمبلی کے رکن منتخب ہوئے۔ 2024 کے عام انتخابات میں ممبر قومی اسمبلی بنے۔ ان کے بیٹے میاں حماد اظہر 2018 ممبر قومی اسمبلی رہے اور وفاقی وزیر کے عہدے پر کام کیا۔
.ذریعہ: Nawaiwaqt
کلیدی لفظ: میاں محمد اظہر میاں اظہر نوائے وقت اور میاں کے ساتھ اور ان
پڑھیں:
پاکستان سعودی عرب کا ہر سطح پر بھرپور دے گا: وزیراعظم شہباز شریف کی سعودی ولی عہد کو یقین دہانی
وزیراعظم پاکستان شہباز شریف نے سعوی ولی عہد شہزادہ محمد بن سلمان کو یقین دہانی کرائی ہے کہ پاکستان سعودی عرب کا ہر سطح پر بھرپور ساتھ دے گا۔
دوحہ میں منعقدہ ہنگامی عرب اسلامی سربراہ اجلاس کے موقع پر وزیراعظم پاکستان شہباز شریف اور سعودی عرب کے ولی عہد و وزیراعظم شہزادہ محمد بن سلمان بن عبدالعزیز آل سعود کے درمیان دوطرفہ ملاقات ہوئی۔ اس موقع پر نائب وزیراعظم و وزیر خارجہ اسحاق ڈار اور فیلڈ مارشل سید عاصم منیر بھی موجود تھے۔
یہ بھی پڑھیں: اسپیکر پنجاب اسمبلی کی رولنگ: کیا اپوزیشن کے 26 ارکان کی معطلی کا معاملہ حل ہوگیا؟
ملاقات نہایت خوشگوار اور دوستانہ ماحول میں ہوئی جس میں دونوں رہنماؤں نے دوحہ پر اسرائیلی جارحیت کے بعد کی صورتِ حال پر تبادلۂ خیال کیا۔
وزیراعظم شہباز شریف نے اسرائیلی کارروائی کو شدید الفاظ میں مسترد کرتے ہوئے کہاکہ یہ عمل مشرق وسطیٰ میں قیام امن کی کوششوں کو سبوتاژ کرنے کی دانستہ سازش ہے۔
وزیراعظم نے اس موقع پر سعودی ولی عہد کی جرات مندانہ اور بصیرت افروز قیادت کو خراج تحسین پیش کیا جس کے نتیجے میں امت مسلمہ ایک اہم موڑ پر متحد ہو رہی ہے۔
انہوں نے یقین دہانی کرائی کہ پاکستان ہر سطح پر سعودی عرب کا بھرپور ساتھ دے گا، خصوصاً اقوام متحدہ کی سلامتی کونسل میں، جہاں پاکستان اس وقت غیر مستقل رکن ہے، اور دیگر تمام عالمی و علاقائی فورمز بشمول او آئی سی میں بھی پاکستان کی حمایت جاری رہے گی۔
شہباز شریف نے کہاکہ دوحہ میں ہنگامی اجلاس کا انعقاد دنیا کو یہ پیغام دیتا ہے کہ مسلمان اسرائیل کی غیر قانونی اور غیر ذمہ دارانہ جارحیت کے خلاف یک زبان ہیں، جو خطے کے امن و استحکام کے لیے شدید خطرہ ہے۔
ملاقات کے دوران دونوں رہنماؤں نے پاکستان اور سعودی عرب کے تاریخی اور برادرانہ تعلقات کو مزید وسعت دینے کے عزم کا اعادہ کیا۔
وزیراعظم نے مشکل اور کڑے وقت میں پاکستان کے ساتھ سعودی عرب کی مسلسل حمایت پر ولی عہد کا شکریہ ادا کیا۔
اس موقع پر شہزادہ محمد بن سلمان نے وزیراعظم پاکستان کے رواں ہفتے متوقع سرکاری دورہ ریاض کا ذکر کرتے ہوئے کہاکہ اس دورے سے دونوں ممالک کو دوطرفہ تعلقات کے ساتھ ساتھ علاقائی اور عالمی امور پر بھی جامع بات چیت کا موقع ملے گا۔
وزیراعظم شہباز شریف نے خادم الحرمین الشریفین شاہ سلمان بن عبدالعزیز آل سعود کے لیے دلی احترام اور نیک خواہشات بھی پہنچائیں۔
یہ بھی پڑھیں: پاکستان اور سعودی عرب کا سرمایہ کاری بڑھانے پر اتفاق
سعودی ولی عہد نے بھی وزیراعظم پاکستان کی قیادت کو سراہتے ہوئے قطر کے ساتھ اظہارِ یکجہتی کے لیے پاکستان کی سفارتی کوششوں، بالخصوص سلامتی کونسل اور او آئی سی میں کردار کی تعریف کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews شہباز شریف شہزادہ محمد بن سلمان عرب اسلامی سربراہی اجلاس وزیراعظم پاکستان وی نیوز یقین دہانی
کرینہ کپور کے دلچسپ جواب پر مداحوں میں چہ میگوئیاں