بڑی خوشخبری ؛ یو اے ای کی پاکستانی پاسپورٹ پر ویزہ چھوٹ
اشاعت کی تاریخ: 27th, July 2025 GMT
سٹی 42: متحدہ عرب امارات نے پاکستانی سفارتی اور سرکاری پاسپورٹس پر ویزہ چھوٹ دے دی
نائب وزیر اعظم اسحاق ڈار نے متحدہ عرب کی پاکستان کو ویزا چھوٹ کا اعلان ایکس پر کیا، نائب وزیر اعظم اسحاق ڈار نے کہا میری متحدہ عرب امارات کے نائب وزیر اعظم و وزیر خارجہ، میرے بھائی شیخ عبداللہ بن زاید آل نہیان سے ہوئی,ملاقات 24 جون کو ابوظہبی میں ہوئی تھی, ملاقات کے دوران دونوں برادر ممالک کے درمیان سفارتی اور سرکاری پاسپورٹس پر باہمی ویزہ چھوٹ پر اتفاق ہوا,اس سلسلے میں ہم دونوں نے ایک مفاہمتی یادداشت پر دستخط کیے, تاکہ اس معاہدے کو مؤثر اور نافذ العمل بنایا جا سکے،یہ طے پایا کہ MoU پر دستخط کے 30 دن بعد یہ ویزہ چھوٹ نافذ العمل ہو جائے گی,مجھے یہ اطلاع دیتے ہوئے خوشی ہو رہی ہے کہ امارات کے حکام نے پاکستانی سفارتی اور سرکاری پاسپورٹس پر ویزہ چھوٹ کی تصدیق کی ہے۔
اے سی شالیمار اور پیرافورس پرمسلح لینڈمافیاکاحملہ ؛ پولیس نے دو ملزم گرفتار کرلیے
اسحاق ڈار نے کہا انہوں نے تصدیق کی ہے کہ 25 جولائی سے تمام یو اے ای ہوائی اڈوں پر نافذ العمل ہو چکی ہے,مجھے یہ اعلان کرتے ہوئے بھی خوشی ہو رہی ہے کہ اسی نوعیت کی باہمی سہولت متحدہ عرب امارات کے شہریوں کے لیے بھی تمام پاکستانی ہوائی اڈوں پر نافذ کر دی گئی ہے۔
.ذریعہ: City 42
کلیدی لفظ: ویزہ چھوٹ
پڑھیں:
اسحاق ڈار کا کینیڈین ہم منصب سے رابطہ، تجارت و سرمایہ کاری بڑھانے پر اتفاق
اسلام آباد (خبر نگار خصوصی، آئی این پی) پاکستان اور کینیڈا نے، تجارت و سرمایہ کاری بڑھانے پر اتفاق کیا ہے۔ یہ اتفاق رائے ! نائب وزیراعظم و وزیرِ خارجہ اسحاق ڈار کی کینیڈین ہم منصب انیتا آنند سے ٹیلیفونک گفتگو کے دوران طے پایا۔ ترجمان دفتر خارجہ کے مطابق پاکستان اور کینیڈا کے وزرائے خارجہ کی گفتگو میں زراعت اور معدنیات کے شعبوں میں تعاون بڑھانے پر تفصیلی تبادلہ خیال کیا گیا۔کینیڈین وزیرِ خارجہ نے پاکستانی منڈی میں کینولا برآمدات کی سہولت پر شکریہ ادا کیا جبکہ دونوں رہنمائوں نے باہمی اقتصادی تعاون مزید مضبوط بنانے کے عزم کا اظہار بھی کیا۔ ترجمان دفتر خارجہ نے بتایا کہ پاکستان اور کینیڈا نے دوطرفہ تجارت و سرمایہ کاری بڑھانے کے ساتھ ساتھ قریبی رابطے برقرار رکھنے پر اتفاق کیا ہے۔ وزیر خارجہ سینیٹر محمد اسحاق ڈار کی زیرصدارت کراچی کی بندرگاہوں پر بنیادی ڈھانچے کی سہولیات کا جائزہ لینے کے لئے اجلاس ہوا۔ اجلاس میں وزیر برائے بحری امور، میری ٹائم کے سیکرٹریز اور وزارت خزانہ کے سینئر حکام کے ساتھ ساتھ کراچی پورٹ ٹرسٹ اور پورٹ قاسم اتھارٹی کے چیئرمینوں نے بھی شرکت کی۔ کمیٹی نے جدت کی حالیہ کوششوں کا جائزہ لیا جس سے کارگو کی نقل و حرکت میں اضافہ اور لین دین کے اخراجات میں کمی آئی ہے۔ جدید آئی ٹی اور انجینئرنگ سلوشنز کے ذریعہ پورٹ آپریشنز میں مستقبل کی بہتری پر بھی تبادلہ خیال کیا گیا۔ نائب وزیراعظم نے اصلاحات کے فوری نفاذ کی ہدایت کی جس کے نتیجے میں بندرگاہوں پر آپریشنر کو مؤثر اور کم لاگت بنایا جائے گا۔
سعودی عرب پاکستان کے لیے ایک ارب ڈالر کی آئل فیسیلٹی فراہم کرے گا