پولیس کی بھاری نفری اداکار عامر خان کے گھر کیوں پہنچی؟ وجہ سامنے آگئی
اشاعت کی تاریخ: 29th, July 2025 GMT
حال ہی میں ایک ویڈیو سامنے آئی تھی جس میں پولیس کی گاڑیوں کو بالی ووڈ سپر اسٹار عامر خان کی رہائش گاہ کے احاطے میں داخل ہوتے ہوئے دیکھا گیا جس کے بعد سوشل میڈیا پر قیاس آرائیاں شروع ہو گئیں کہ کیا پولیس ان کی گرفتاری کے لیے آئی ہے یا ان کے گھر چھاپہ مارا گیا ہے۔
اب عامر خان کی ٹیم کے ایک ترجمان نے اس حوالے سے بتایا ہے کہ موجودہ بیچ کے آئی پی ایس ٹرینی افسران نے ان سے ملاقات کی درخواست کی تھی، جس پر عامر خان نے انہیں اپنے گھر پر مدعو کیا۔
یہ بھی پڑھیں: عامر خان کی رہائش گاہ پر پولیس کا غیر معمولی دورہ، مداحوں میں بے چینی
ٹیم ممبر کے مطابق عامر خان نے ماضی میں بھی کئی بیچز سے آئی پی ایس افسران سے ملاقاتیں کی ہیں۔ خاص طور پر اُن کی 1999 کی فلم ’سرفروش‘ کے بعد کئی ٹرینی افسران ان سے ملنے کے خواہشمند ہوتے ہیں۔
View this post on Instagram
A post shared by Viral Bhayani (@viralbhayani)
ایک سرکاری اہلکار نے بھارتی میڈیا کو بتایا کہ افسران نے عامر خان کے گھر ’تعارفی ملاقات‘ کے لیے دورہ کیا تھا۔ اہلکار نے کہا ’یہ ایک خیرسگالی ملاقات تھی۔ وہ سب تربیتی آئی پی ایس افسران تھے جو عامر خان سے ملنا چاہتے تھے‘۔
واضح رہے کہ مداحوں نے عامر خان کو حال ہی میں فلم ’ستارے زمین پر‘ میں دیکھا، جس کی ہدایت کاری آر ایس پراسانا نے کی ہے۔ اس فلم کو عامر خان نے اپرنا پروہت اور روی بھاگچندکا کے ساتھ پروڈیوس کیا۔ یہ فلم 2007 کی مشہور فلم ’تارے زمین پر‘ کا تسلسل قرار دی گئی ہے، اور 20 جون کو سینماؤں میں ریلیز ہوئی۔
فلم میں عامر ایک باسکٹ بال کوچ کا کردار نبھاتے ہیں جو دس معذور افراد کی تربیت اور رہنمائی کرتے ہیں۔ فلم میں دیگر اداکاروں میں جنیلیا ڈی سوزا، ارؤش دتہ، گوپی کرشنا ورما، سموِت دیسائی، ویدانت شرما، آیوش بھنسالی، آشش پینڈسے، رشی شہانی، رِشب جین، نمن مشرا اور سمرن منگیشکر شامل ہیں۔
یہ بھی پڑھیں: جاوید میانداد نے میری شادی برباد کی، عامر خان کا انکشاف
دوسری جانب عامر خان جلد ہی انڈین فلم فیسٹیول آف میلبورن 2025 میں بطور مہمان شرکت کے لیے تیار ہیں۔ یہ فلمی میلہ 14 سے 24 اگست تک جاری رہے گا، جس کا یہ 16 واں ایڈیشن ہو گا۔
اس موقع پر عامر خان کو بھارتی سنیما میں ان کی غیرمعمولی خدمات پر خصوصی اعزاز سے نوازا جائے گا، اور ان کی حالیہ فلم ’ستارے زمین پر‘ پر روشنی ڈالی جائے گی۔
اپنے بیان میں عامر خان نے کہاکہ میلبورن فلم فیسٹیول میں شرکت میرے لیے اعزاز کی بات ہے۔ یہ وہ فیسٹیول ہے جو بھارتی سنیما کے تنوع اور گہرائی کو خراجِ تحسین پیش کرتا ہے۔ میں ناظرین سے گفتگو اور اپنی فلموں کے تجربات بانٹنے کا منتظر ہوں۔
ان کا کہنا تھا کہ ’ستارے زمین پر‘ میں ہم نے ایک ایسی کہانی پیش کی جو حساسیت کے ساتھ شمولیت اور نیورولوجیکل تنوع جیسے موضوعات کو اجاگر کرتی ہے، اور میں شکر گزار ہوں کہ یہ فلم بہت سے لوگوں کے دل کو چھو سکی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ ستارے زمین پر عامر خان عامر خان پولیس میلبورن میلبورن فلم فیسٹیول.
ذریعہ
ذریعہ: WE News
کلیدی لفظ: بالی ووڈ ستارے زمین پر عامر خان پولیس میلبورن میلبورن فلم فیسٹیول ستارے زمین پر یہ فلم کے لیے
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
پاکستان نے ورلڈ کپ 2028 کیلیے براہ راست کوالیفائی کر لیا