ملک بھر میں تمام یوٹیلیٹی اسٹورز بند کردیے گئے
اشاعت کی تاریخ: 31st, July 2025 GMT
ملک بھر میں تمام یوٹیلیٹی اسٹورز بند کردیے گئے جس کا نوٹیفکیشن بھی جاری کردیا گیا۔نوٹیفکیشن کے مطابق ملک بھر کے یوٹیلیٹی اسٹورز پرآج سے تمام خرید و فروخت بند ہوگی۔قبل ازیں وزارتِ خزانہ نے 31 جولائی تک یوٹیلیٹی اسٹورز کی تمام سرگرمیاں بند کرنے کی ہدایت کی تھی۔اسلام آباد میں یوٹیلیٹی اسٹورز کی بندش اور نج کاری پر وزیرِ اعظم شہباز شریف کی قائم کردہ اعلیٰ سطح کی کمیٹی کا اجلاس وفاقی وزیرِ خزانہ محمد اورنگزیب کی زیرِ صدارت منعقد ہوا جس میں معاونِ خصوصی برائے صنعت و پیداوار سمیت اعلیٰ حکام نے شرکت کی۔وزارتِ خزانہ کےاعلامیے کے مطابق اجلاس میں ملازمین کے لیے منصفانہ اور مالی طور پر قابلِ عمل وی ایس ایس پر تفصیلی غور کیا گیا، کمیٹی نے یوٹیلیٹی اسٹور سے متعلق نج کاری کمیشن سے مشاورت کی سفارش کی۔اجلاس میں یوٹیلیٹی اسٹورز کے اثاثہ جات کی فروخت کے امکانات کا جائزہ لیا گیا، کمیٹی نے قانونی و آپریشنل پہلوؤں کے جائزے کے لیے سب کمیٹی تشکیل دے دی۔سب کمیٹی رواں ہفتے وی ایس ایس پلان پر رپورٹ پیش کرے گی.
ذریعہ: Nawaiwaqt
کلیدی لفظ: یوٹیلیٹی اسٹورز
پڑھیں:
جناح ٹائون کے تمام یوسیز میں انسدادِ ڈینگی و ملیریا اسپرے مہم کا آغاز
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) ٹاؤن میونسپل کارپوریشن جناح کی جانب سے مون سون بارشوں کے بعد مختلف علاقوں میں پیدا ہونے والی صفائی و ستھرائی کی صورتحال کے پیشِ نظر تمام یوسیز میں انسدادِ ڈینگی و ملیریا اسپرے مہم کا آغاز کردیا گیا ہے۔ چیئرمین جناح ٹاؤن رضوان عبد السمیع کی ہدایت پر ہر یوسی کے لیے علیحدہ اسپرے مشینیں خریدی گئی ہیں تاکہ تمام علاقوں میں بیک وقت اور مؤثر انداز میں اسپرے مہم جاری رکھی جاسکے۔ تفصیلات کے مطابق ٹی ایم سی جناح کی جانب سے 11 اسپرے مشینیں خریدی گئی ہیں، جو کہ تمام یوسیز میں یکساں طور پر تقسیم کی جارہی ہیں۔ اس اقدام کا مقصد برسات کے بعد کھڑے پانی، گندگی اور مچھروں کی افزائش کو روک کر شہریوں کو بیماریوں سے محفوظ رکھنا ہے۔اس موقع پر میڈیا نمائندگان سے گفتگو کرتے ہوئے چیئرمین جناح ٹاؤن رضوان عبد السمیع نے کہا کہ ہماری اولین ترجیح شہریوں کی صحت و سلامتی ہے تمام یوسیز میں بیک وقت اسپرے مہم کا آغاز اس بات کا ثبوت ہے کہ ٹی ایم سی جناح عوامی خدمت کے جذبے سے سرشار ہے۔انہوں نے مزید کہا کہ اسپرے مہم کے دوران عملے کی کارکردگی کی نگرانی بھی کی جارہی ہے اور شہریوں سے گزارش ہے کہ وہ اس مہم میں تعاون کریں اور کسی بھی شکایت یا تجویز کی صورت میں ٹی ایم سی سے فوری رابطہ کریں۔چیئرمین کا کہنا تھا کہ صفائی و صحت کے حوالے سے اقدامات مستقبل میں بھی جاری رہیں گے تاکہ جناح ٹاؤن کو ایک مثالی ٹاؤن بنایا جا سکے۔
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے