ایران کے صدر کا دورہ انتہائی اہمیت کا حامل ہے؛ عطاء اللہ تارڑ
اشاعت کی تاریخ: 2nd, August 2025 GMT
سٹی 42 : وفاقی وزیر اطلاعات عطاء اللہ تارڑ نے کہا ہے کہ ایران کے صدر کا دورہ انتہائی اہمیت کا حامل ہے، پاکستانی قوم ایران کے صدر کا خیرمقدم کرتی ہے۔
وزیر اطلاعات عطاء اللہ تارڑ نے میڈیا سے گفتگو کرتے ہوئے کہا کہ ایران کے صدر کے استقبال کی تیاریاں مکمل ہیں، معزز مہمانوں کی آمد پر وفاقی دارالحکومت کو خوبصورتی سے سجایا گیا ہے، پاکستان اور ایران کے قومی پرچموں کے ساتھ پورے روٹ کو سجایا گیا ہے۔ انہوں نے کہا کہ ایران اور پاکستان کی قیادت کے پورٹریٹ بھی آویزاں کئے گئے ہیں ، اسلام آباد میں خوشی کا سماں ہے۔
راولپنڈی ایکسپریس ٹرین کو حادثہ
عطاء اللہ تارڑ نے کہا کہ ایران کے صدر وزیراعظم شہباز کی دعوت پر پاکستان کا دورہ کر رہے ہیں۔ انہوں نے بتایا کہ تجارت، سرمایہ کاری اور پاک ایران تعلقات کے فروغ کے لئے یہ دورہ انتہائی اہمیت کا حامل ہے ۔ تجارت کو بڑھانے کے حوالے سے ایران کے سابق صدر ابراہیم رئیسی شہید کے ساتھ بہت سے معاملات زیر بحث آئے تھے۔
انہوں نے مزید کہا کہ ایران کے صدر کے دورہ کے دوران تجارتی حجم اور دونوں ممالک کے درمیان تعاون کو بڑھانے کے حوالے سے معاہدے ہوں گے ، ایران کے صدر کا دورہ سودمند ہوگا، تجارت اور سرمایہ کاری میں اضافہ ہوگا۔
رنگ روڈ بند کرنے کا فیصلہ
.ذریعہ: City 42
کلیدی لفظ: کہ ایران کے صدر ایران کے صدر کا عطاء اللہ تارڑ کہا کہ ایران کا دورہ
پڑھیں:
پاک فوج دفاعِ وطن کیلیے پُرعزم ہے، کسی بھی جارحیت کا جواب انتہائی سخت ہوگا، ڈی جی آئی ایس پی آر
data-id="863a0a8" data-element_type="widget" data-widget_type="theme-post-content.default">
ایبٹ آباد: ڈی جی آئی ایس پی آر لیفٹیننٹ جنرل احمد شریف چوہدری نے ایک بار پھر واضح پیغام دیتے ہوئے کہا ہے کہ پاکستان کی افواج دفاع وطن کے لیے مکمل طور پر تیار اور پرعزم ہیں اور اگر کسی نے ملک کی سالمیت پر حملہ کرنے کی کوشش کی تو اس کا جواب انتہائی سخت اور بھرپور قوت کے ساتھ دیا جائے گا۔
یہ بات انہوں نے ایبٹ آباد میں مختلف جامعات کے اساتذہ اور طلبہ سے ایک خصوصی نشست کے دوران کہی، جس میں بڑی تعداد میں تعلیمی شعبے سے وابستہ افراد نے شرکت کی۔ اس ملاقات میں ملکی سلامتی، پاک افغان سرحدی صورتحال، دہشت گردی کے خاتمے اور ’’معرکۂ حق‘‘ جیسے اہم موضوعات پر کھل کر تبادلہ خیال کیا گیا۔
لیفٹیننٹ جنرل احمد شریف چودھری نے کہا کہ پاکستان نے دہشت گردی اور فتنۃ الخوارج کے خلاف کامیاب اور فیصلہ کن کارروائیاں کی ہیں، جس کے نتیجے میں ملک میں امن و استحکام کی فضا بحال ہوئی ہے۔ انہوں نے کہا کہ پاک فوج دشمن قوتوں کی تمام سازشوں سے مکمل طور پر باخبر ہے اور قوم کے تعاون سے ہر چیلنج کا مقابلہ کرنے کی بھرپور صلاحیت رکھتی ہے۔
ڈی جی آئی ایس پی آر نے اس موقع پر طلبہ کو مخاطب کرتے ہوئے کہا کہ سوشل میڈیا پر پھیلنے والی منفی مہمات اور جھوٹی خبروں سے ہوشیار رہنا وقت کی ضرورت ہے۔ دشمن عناصر نوجوان نسل کے ذہنوں کو گمراہ کرنے کے لیے مختلف حربے استعمال کر رہے ہیں، اس لیے طلبہ کو ذمے داری کے ساتھ درست اور مصدقہ معلومات کی جانچ کرنی چاہیے۔
خصوصی نشست کے دوران اساتذہ اور طلبہ نے شہدا اور غازیانِ وطن کو زبردست خراجِ تحسین پیش کیا۔ وائس چانسلر ہزارہ یونیورسٹی ڈاکٹر اکرام اللہ خان نے کہا کہ پاک فوج ملک کی اصل شناخت اور حب الوطنی کی علامت ہے، جو ہمیشہ محاذِ اول پر قوم کے تحفظ کے لیے سرگرم رہتی ہے۔
طلبہ نے اپنے خیالات کا اظہار کرتے ہوئے کہا کہ انہیں ڈی جی آئی ایس پی آر کی گفتگو سے ملکی سلامتی کے معاملات پر گہری سمجھ اور اعتماد حاصل ہوا۔ انہوں نے کہا کہ اس نشست نے سوشل میڈیا پر گردش کرنے والی جھوٹی افواہوں اور پروپیگنڈے کے بارے میں حقیقی معلومات فراہم کیں اور ان کے ذہنوں سے کئی غلط فہمیاں دور ہوئیں۔
کچھی: مسلح افراد کا سرکاری عمارتوں اور تھانوں پر حملہ، پولیس اہلکار شہید