کرغزستان سے ڈاکٹر بن کر آنے والی بہن کو بھائی نے گولی مار دی
اشاعت کی تاریخ: 3rd, August 2025 GMT
جھنگ (نیوز ڈیسک)پنجاب کے شہر جھنگ کے ایک علاقے سیٹلائٹ ٹاؤن میں کرغزستان سے ڈاکٹر بن کر آنے والی بہن کو اس کے بھائی نے گولی مار دی۔
تفصیلات کے مطابق جھنگ میں سیٹلائٹ ٹاؤن کی پولیس نے بتایا ہے کہ پسند کی شادی پر بھائی نے اپنی ڈاکٹر بہن کو قتل کر دیا، مقتولہ کچھ روز قبل کرغزستان سے ایم بی بی ایس مکمل کر کے واپس آئی تھی۔
پولیس کا کہنا ہے کہ موضع گگڑانہ حولی لعل میں ملزم عمیر مشتاق نے رات کو بہن کو گولی مار کر قتل کیا، معلوم ہوا کہ لیڈی ڈاکٹر نے ویڈیو لنک کے ذریعے ڈاکٹر حسنین سے نکاح کیا تھا، اس کے نکاح پر اہل خانہ کو رنج تھا اس لیے بھائی قتل کر کے فرار ہو گیا۔
پولیس کا کہنا ہے کہ خاتون کی لاش پوسٹ مارٹم کے لیے ڈسٹرکٹ اسپتال منتقل کر دی گئی ہے، جب کہ مفرور ملزم عمیر کی گرفتاری کے لیے کارروائیاں جاری ہیں۔
یاد رہے کہ یکم اگست کو بھی خیبر پختونخوا کے شہر مردان میں غیرت کے نام پر ایک بھائی نے بہن کو گولی مار کر قتل کیا تھا، مقتولہ چار بچوں کی ماں تھی اور حال ہی میں اسے طلاق ہوئی تھی، یہ واقعہ بالا گڑھی میں پیش آیا تھا۔
واضح رہے کہ گزشتہ دنوں غیرت کے نام پر قتل کے ایک واقعے نے پورے ملک کو ہلا کر رکھ دیا تھا جب بلوچستان کے دارالحکومت کے نواحی علاقے ڈگاری میں 19 جولائی کو بانو نامی خاتون اور احسان اللہ نامی شخص کو گولیاں مار دی گئی تھیں اور فائرنگ کے دردناک مناظر کی ویڈیو سوشل میڈیا پر وائرل ہوئی۔
Post Views: 2.ذریعہ: Daily Mumtaz
کلیدی لفظ: گولی مار بھائی نے بہن کو
پڑھیں:
مفیصل کپاڈیا کا ڈمپل کپاڈیا سے کیا رشتہ ہے؟ گلوکار کا انٹرویو میں انکشاف
پاکستان کے معروف گلوکار و موسیقار اور 30 برس تک 'اسٹرنگز' کا حصہ رہنے والے فیصل کپاڈیا نے انکشاف کیا ہے کہ بالی وڈ اداکارہ ڈمپل کپاڈیہ رشتے میں ان کی بھتیجی لگتی ہیں۔حال ہی میں فیصل کپاڈیا ایک غیر ملکی انٹرویو میں شریک ہوئے جس دوران انھوں نے اپنے کیرئیر سمیت مختلف موضوعات پر گفتگو کی۔ فیصل کپاڈیا نے بتایا کہ ’میں نے پہلی مرتبہ 1980 میں پاکستان کے مشہور میوزک کمپوزر سہیل رانا صاحب کے بچوں کے پروگرام ’سارے دوست ہمارے‘ میں پرفارم کیا تھااور اس وقت میری عمر 9 سے 10 سال تھی‘۔دوران گفتگو فیصل کپاڈیا نے انکشاف کیا کہ ’بھارتی اداکارہ ڈمپل کپاڈیا رشتے میں میری بھتیجی لگتی ہیں، ان کے مرحوم والد چنی بھائی 1984 میں ہمارے کزن کی شادی کیلئے کراچی بھی آچکے ہیں‘۔فیصل کپاڈیا کے مطابق ’جب چنی بھائی کراچی آئے اس وقت میں نے اپنی کزن کی شادی میں گانا گایا تھا، اس وقت چنی بھائی نے مجھ سے وعدہ کیا تھا کہ میں تمہیں اب بالی وڈ میں بھی گانا گواؤں گا لیکن اس کے بعد چنی بھائی کا انتقال ہوگیا‘۔گلوکار نے مزید بتایا کہ اس کے بعد میں نے بالی وڈ کیلئے گانے گائے، میرا بالی وڈ کا پہلا گانا یہ ہے یہ ہے میری کہانی، اور اسپائیڈر تھا۔
ایکس اکاؤنٹ کو اپ ڈیٹ نہ کرنے پر اس کے لاک آؤٹ ہونیکا خطرہ