ترقی عمارتوں سے نہیں، خدمات سے ناپی جائے گی، وزیر اعلیٰ سرفراز بگٹی
اشاعت کی تاریخ: 4th, August 2025 GMT
وزیر اعلیٰ بلوچستان میرسرفرازبگٹی کی زیر صدارت منعقدہ محکمہ صحت کے اعلیٰ سطحی جائزہ اجلاس میں صوبے بھر میں جاری طبی منصوبوں، خصوصاً دیہی علاقوں میں علاج معالجے کی سہولیات پر پیش رفت کا جائزہ لیا گیا۔
اجلاس کے دوران وزیر اعلیٰ کو کوئٹہ میں جدید انسٹی ٹیوٹ آف کارڈیالوجی اور ٹراما سینٹر کے منصوبوں پر تفصیلی بریفنگ دی گئی۔ اس موقع پر بتایا گیا کہ صوبے بھر میں 164 بیسک ہیلتھ یونٹس کو فعال کردیا گیا ہے، جن کی بدولت دیہی علاقوں میں سالانہ 12 لاکھ سے زائد مریضوں کے علاج کی سہولت ممکن بنائی جا رہی ہے۔
یہ بھی پڑھیں:بلوچستان دشمنوں کا قبرستان، دہشتگردوں کے خلاف وزیر اعلیٰ سرفراز بگٹی کا سخت بیان
بریفنگ میں بتایا گیا کہ ان یونٹس کی بحالی کے لیے نئی عمارات کی تعمیر کے بجائے دستیاب سرکاری عمارات کو موثر طریقے سے استعمال میں لایا گیا ہے، جس سے اخراجات کی بچت کے ساتھ فوری طبی سہولیات کی فراہمی ممکن ہوئی۔ تمام بی ایچ یوز کو ڈیجیٹلائزڈ کر دیا گیا ہے، جس سے ان کی نگرانی اور کارکردگی کا موثراندازمیں جائزہ ممکن ہو سکے گا۔
وزیر اعلیٰ میر سرفراز بگٹی نے اس موقع پر کہا کہ صوبے میں پہلی بار صحت کے شعبے میں ڈیجیٹل بنیادوں پر جامع اصلاحات متعارف کرائی جا رہی ہیں۔ اُن کا کہنا تھا کہ ہم صرف عمارتیں نہیں بلکہ ایک فعال اور بااعتماد نظام صحت دے رہے ہیں تاکہ عام آدمی کو مقامی سطح پر معیاری اور بروقت علاج کی سہولیات میسر ہوں۔
انہوں نے مزید کہا کہ شہری اور دیہی علاقوں میں علاج کی سہولیات میں فرق ختم کیا جا رہا ہے اور یہ اقدامات بلوچستان کے ہر شہری کو باعزت اور بروقت طبی سہولتوں کی فراہمی کے ہدف کی جانب اہم پیش رفت ہیں۔
مزید پڑھیں:بلوچستان سے متعلق ہر پاکستانی کو تصوراورحقیقت میں فرق جاننا ہوگا، وزیر اعلیٰ بلوچستان سرفراز بگٹی
وزیر اعلیٰ نے اس عزم کا اعادہ کیا کہ صحت کا مضبوط نظام ہی خود انحصاری اور خوشحال بلوچستان کی بنیاد بنے گا۔ انہوں نے تمام منصوبوں کی بروقت تکمیل اور مقررہ مدت میں عوام کے لیے کھولنے کی ہدایت کی اور واضح کیا کہ ان کی صوبائی حکومت دعووں سے نہیں، کارکردگی سے صحت کے شعبے میں حقیقی تبدیلی لا رہی ہے۔
اجلاس میں صوبائی وزیر صحت بخت محمد کاکڑ، چیف سیکریٹری بلوچستان شکیل قادرخان، ترجمان صوبائی حکومت شاہد رند، ایڈیشنل چیف سیکریٹری زاہد سلیم، سیکریٹری صحت مجیب الرحمٰن پانیزئی، پرنسپل سیکریٹری بابر خان، اسپیشل سیکریٹری خزانہ جہانگیرخان اورایڈیشنل سیکریٹری محمد فریدون نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان صحت میر سرفراز بگٹی وزیر اعلی.ذریعہ: WE News
کلیدی لفظ: بلوچستان میر سرفراز بگٹی وزیر اعلی سرفراز بگٹی وزیر اعلی
پڑھیں:
عمران خان نے ہمیشہ کہا ہے کہ پاکستان سے باہر نہیں جاؤں گا، علی امین گنڈاپور
ایک انٹرویو میں وزیراعلیٰ کا کہنا تھا کہ بانی پی ٹی آئی نے مجھے وزیر اعلیٰ بنایا، ان کی حکومت ہے، ان کا مینڈیٹ ہے، بانی کا اعتماد ہے تو میں یہاں بیٹھا ہوں، سازشوں کا حصہ بننے والے بانی کے نہیں مخالفین کے ایجنڈے پر ہیں۔ اسلام ٹائمز۔ وزیر اعلیٰ خیبر پختونخوا علی امین گنڈاپور نے کا کہنا ہے کہ بانی پی ٹی آئی عمران خان نے ہمیشہ کہا ہے کہ پاکستان سے باہر نہیں جاؤں گا۔ ایک انٹرویو میں انہوں نے کہا کہ مفروضے بنائے جاتے ہیں اور شوشے چھوڑے جاتے ہیں جن کا مقصد تحریک کو نقصان پہنچانا ہے، بانی پی ٹی آئی نے کبھی نہ خواہش ظاہر کی اور نہ سوچا کہ ملک چھوڑ کر جائیں گے۔ علی امین گنڈاپور کا مزید کہنا تھا کہ بانی پی ٹی آئی نے مجھے وزیر اعلیٰ بنایا، ان کی حکومت ہے، ان کا مینڈیٹ ہے، بانی کا اعتماد ہے تو میں یہاں بیٹھا ہوں، سازشوں کا حصہ بننے والے بانی کے نہیں مخالفین کے ایجنڈے پر ہیں۔ وزیر اعلیٰ خیبر پختونخوا نے کہا کہ مذاکرات سے مسائل کو حل کرنا چاہیے، آپریشن مسئلے کا حل نہیں، پہلے بھی آپریشن کرچکے ہیں لیکن کامیابی نہیں ہوئی۔
انہوں نے کہا کہ سب سے پہلے ہمیں افغانستان سے تعلقات ٹھیک کرنے پڑیں گے، افغانستان سے تعلقات بہتر ہونے چاہئیں۔ علی امین گنڈا پور نے کہا کہ لوگوں کے اعتماد کے بغیر نہ جنگ لڑ سکتے ہیں اور نہ جیت سکتے ہیں، لوگوں کا اداروں پر اعتماد بحال ہونا ضروری ہے، حکومت، اداروں اور عوام میں اعتماد نہیں ہوگا تو کامیابی حاصل نہیں کرسکتے۔ انہوں نے کہا کہ مسائل پر کھل کر بات نہ ہو تو چھوٹا مرض کینسر بن جاتا ہے، جب تک امن نہیں ہوگا ترقی نہیں ہوسکتی، عوام کے اعتماد کے ساتھ دہشت گردی کا خاتمہ کریں گے۔
نیب کیسز کھلنے کی دیر ہے، پھر کوئی ایک وزیر بھی پاکستان میں نہیں ہوگا، فاروق ستار