پولیس فورس کو مضبوط بنانے کیلئے وسائل فراہم کیے جا رہے ہیں: طلال چوہدری
اشاعت کی تاریخ: 4th, August 2025 GMT
طلال چوہدری — فائل فوٹو
وزیر مملکت داخلہ طلال چوہدری نے کہا ہے کہ پولیس فورس کو مضبوط بنانے کے لیے وسائل فراہم کیے جا رہے ہیں۔
اسلام آباد میں تقریب سے خطاب کرتے ہوئے انہوں نے کہا کہ سیکیورٹی فورسز مختلف رنگوں کی وردیان پہنتی ہیں، وردیوں کے رنگ مختلف ہونے سے ان کی کارکردگی مختلف نہیں ہوتی، پولیس کی قربانیاں بے مثال ہیں۔
وزیر مملکت داخلہ نے کہا کہ پولیس کی تنخواہ، مراعات اور شہداء پیکیج بہتر کرایا، حکومت نے اسلام آباد پولیس کو ہر ممکن وسائل فراہم کیے ہیں، وزیراعظم یہاں آئے تھے، شہداء کے لیے پیکیج کا اعلان کیا تھا، وزیراعظم کے اعلان پر عملدرآمد ہوگا۔
ان کا کہنا ہے کہ دہشت گردی کے خلاف جنگ میں پولیس کا اہم کردار ہے، امن کے لیے قربانیاں دینے والے شہداء ہمارے ہیروز ہیں، آئی جی اسلام آباد مثال ہیں کہ ان کی ایک آنکھ فرائض کی ادائیگی میں ضائع ہوئی، دہشت گردی کے خلاف جنگ میں 90 ہزار افراد شہید ہو چکے، پولیس شہداء کے ورثاء کی فلاح و بہبود ترجیح ہے۔
طلال چوہدری نے مزید کہا کہ جتنے سنگین جرائم ہوئے ان میں سے 90 فیصد ملزمان پکڑے گئے، ثناء یوسف کا کیس ہو یا کوئی اور کیس، مجرموں کو چند دنوں میں پکڑ لیا، 50 فیصد سے زیادہ سنگین جرائم میں کمی آئی ہے۔ جرائم میں کمی ڈی آئی جی اور دوسرے افسران کی وجہ سے آئی۔
ان کا یہ بھی کہنا ہے کہ نہ دن دیکھا نہ رات اسلام آباد پولیس نے کام کیے، پولیس پر تنقید کرتے ہوئے ان کے کام بھی دیکھ لیا کریں ، اسلام آباد پولیس کی کارکردگی پاکستان میں نمبر ون ہے، اسلام آباد پولیس ہر صوبے کی پولیس کے مقابلے میں نمبر ون ہے۔
.ذریعہ: Jang News
کلیدی لفظ: طلال چوہدری اسلام آباد
پڑھیں:
اسلام آباد پولیس کا سرکاری ملازمین کے لیے ڈرائیونگ لائسنس مہم کا آغاز
آئی جی اسلام آباد سید علی ناصر رضوی کی ہدایت پر اسلام آباد ٹریفک پولیس نے سرکاری ملازمین کے لیے ڈرائیونگ لائسنس کے اجرا کی خصوصی مہم کا آغاز کردیا ہے۔
یہ بھی پڑھیں:پنجاب میں ڈیجیٹل ڈرائیونگ لائسنس متعارف : اپلائی کیسے کریں، فیس کتنی ہوگی؟
سی ٹی او اسلام آباد کیپٹن (ر) حمزہ ہمایوں کے مطابق یہ مہم 17 سے 26 ستمبر تک جاری رہے گی جس دوران سرکاری ملازمین کو ٹریفک دفاتر اور موبائل وینز پر تمام سہولیات فراہم کی جائیں گی۔
انہوں نے کہا کہ بڑی تعداد میں سرکاری ملازمین کے پاس ڈرائیونگ لائسنس موجود نہیں، لہٰذا بطور سرکاری ملازم سب سے پہلے احتساب ہمیں خود سے کرنا ہوگا۔
سی ٹی او نے خبردار کیا کہ 26 ستمبر کے بعد بغیر لائسنس ڈرائیونگ کرنے والوں کیخلاف بلا تفریق کارروائی ہوگی جس میں گاڑی بند کرنے کے ساتھ محکمانہ کارروائی بھی شامل ہوگی۔
Islamabad Traffic Police (ITP) on Wednesday launched a special campaign, running from September 17 to 26, to facilitate government employees in obtaining their driving licenses.#islamabadtrafficpolice #license #governmentemployees #Deadline #CTO @ICT_Police pic.twitter.com/sS7CLjw2Gc
— APP (@appcsocialmedia) September 17, 2025
انہوں نے کہا کہ سرکاری ملازم کسی بھی ادارے یا رینک کا ہو، قانون سب پر یکساں لاگو ہوگا۔
حمزہ ہمایوں نے مزید کہا کہ ٹریفک پولیس کے تمام دفاتر اور وسائل سرکاری ملازمین کی معاونت کے لیے دستیاب ہیں، اس اقدام کا مقصد ٹریفک نظام کی بہتری اور قانون کی پاسداری کو یقینی بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد ڈرائیونگ لائسنس سی ٹی او اسلام آباد
پی ٹی آئی کی کالعدم ٹی ٹی پی کی حمایت جاری، جاری آپریشنز کے لیے نقصان