خفیہ دستاویزات لیک، نیتن یاہو ہی "اسرائیلی قیدیوں کی رہائی" میں سب سے بڑی رکاوٹ قرار
اشاعت کی تاریخ: 5th, August 2025 GMT
قابض اسرائیلی رژیم کے چینل 13 نے انکشاف کیا ہے کہ سکیورٹی حکام کے مشورے کے برعکس مارچ میں ممکنہ "قیدیوں کی رہائی و غزہ میں جنگبندی کے جامع معاہدے" کی غاصب اسرائیلی وزیراعظم نے ہی مخالفت کی تھی! اسلام ٹائمز۔ غزہ میں جنگ بندی کے معاہدے تک پہنچنے کی تازہ ترین کوششوں کے دوران ہی اسرائیلی حکام کی سیاسی و سکیورٹی نشستوں سے متعلق لیک ہونے والی خفیہ دستاویزات منظر عام پر آ گئی ہیں جن سے ثابت ہوتا ہے کہ یہ غاصب اسرائیلی وزیر اعظم ہی تھا کہ جس نے نت نئی رکاوٹیں کھڑی کرتے ہوئے قیدیوں کی رہائی اور غزہ میں جنگ بندی کے عمل کو معطل کر دیا تھا۔ قابض اسرائیلی رژیم کے چینل 13 نے اس حوالے سے خصوصی رپورٹ نشر کرتے ہوئے انکشاف کیا ہے کہ تمام اسرائیلی رہنماؤں نے غلط اندازہ لگا رکھا تھا کہ "انسانی دباؤ" حماس کو ہتھیار ڈالنے پر مجبور کر دے گا! اپنی رپورٹ میں صیہونی میڈیا نے تاکید کی ہے کہ اس کے برعکس اس فیصلے کے 5 ماہ گزر جانے کے بعد بھی نہ صرف حماس کمزور نہیں پڑی بلکہ غزہ میں انسانی امداد کے داخلے کے حوالے سے اسرائیل کے غیر انسانی رویے نے بھی بین الاقوامی سطح پر صیہونی رژیم کے امیج کو شدید نقصان پہنچایا ہے!
واضح رہے کہ غزہ میں جنگ بندی اور قیدیوں کے تبادلے کا پہلا مرحلہ، مصر و قطر کی ثالثی اور "امریکہ کی حمایت" سے، 19 جنوری کے روز شروع ہوا تھا جو مارچ میں ختم ہو گیا جبکہ اس دوران حماس نے تو اس معاہدے پر مکمل عملدرآمد کیا تاہم نیتن یاہو نے اس معاہدے کے دوسرے مرحلے کو ترک کرتے ہوئے 18 مارچ سے غزہ میں دوبارہ سے قتل عام شروع کر دیا تھا۔ بعد ازاں گذشتہ ہفتے بھی اسرائیل نے؛ غزہ سے انخلاء، جنگ کے خاتمے، فلسطینی قیدیوں کے انجام اور انسانی امداد کی تقسیم پر موجود "اختلافات" کا بہانہ بناتے ہوئے، دوحہ میں حماس کے ساتھ جاری بالواسطہ مذاکرات سے یکطرفہ طور پر دستبرداری اختیار کر لی تھی۔ اسرائیلی اندازوں کے مطابق غزہ میں اب بھی تقریباً 50 اسرائیلی قیدی موجود ہیں کہ جن میں سے 20 کے زندہ ہونے کا امکان ہے۔ دوسری جانب اسرائیلی جیلوں میں تقریباً 11 ہزار فلسطینی شہری قید ہیں جنہیں، انسانی حقوق کے متعدد اداروں کے مطابق؛ تشدد، بھوک اور طبی غفلت کا مسلسل سامنا ہے!
ذریعہ: Islam Times
پڑھیں:
حماس، ریڈ کراس کو اسرائیلی یرغمالیوں تک مشروط رسائی دینے پر رضامند
حماس نے ریڈ کراس کو اسرائیلی یرغمالیوں تک مشروط رسائی دینے پر رضامندی ظاہر کی ہے۔ حماس کی جاری کردہ ویڈیو میں اسرائیلی یرغمالی ایویاتر ڈیوڈ کو غزہ کی ایک سرنگ میں قید دکھایا گیا ہے۔
القسام بریگیڈ، حماس کے مسلح ونگ، نے کہا ہے کہ اگر غزہ میں امدادی سامان کی فراہمی کے لیے راہداری مستقل طور پر کھول دی جائے اور امداد کی تقسیم کے دوران فضائی حملے بند کیے جائیں تو وہ یرغمالیوں کو خوراک اور ادویات فراہم کرنے کے لیے ریڈ کراس کو رسائی دیں گے۔
گذشتہ ہفتے فلسطینی اسلامک جہاد اور حماس نے غزہ میں قید 2 اسرائیلی یرغمالیوں کی ایک ویڈیو جاری کی تھی جس میں دونوں قیدی انتہائی کمزور حالت میں نظر آئے تھے۔ اس ویڈیو کے بعد اسرائیلی وزیر اعظم بنیامین نتن یاہو نے ریڈ کراس کے سربراہ سے رابطہ کیا اور یرغمالیوں کو طبی امداد فراہم کرنے میں تعاون کی درخواست کی۔
مزید پڑھیں: اسرائیل اور امریکا کے درمیان 2 ہفتوں میں غزہ جنگ کے خاتمے پر اتفاق، اسرائیلی اخبار کا دعویٰ
انٹرنیشنل کمیٹی آف ریڈ کراس (آئی سی آر سی) نے یرغمالیوں کی حالت پر گہری تشویش کا اظہار کیا اور کہا کہ ویڈیوز سے ظاہر ہوتا ہے کہ ان کی زندگیوں کو سنگین خطرہ لاحق ہے۔ آئی سی آر سی نے مطالبہ کیا ہے کہ یرغمالیوں کی حالت کا جائزہ لینے، انہیں طبی امداد دینے اور ان کے اہل خانہ سے رابطے میں سہولت کے لیے فوری رسائی دی جائے۔
ویڈیو میں دکھائے گئے 21 سالہ روم براسلاوسکی اور 24 سالہ ایویاتر ڈیوڈ کو 7 اکتوبر کو جنوبی اسرائیل پر حماس کے حملے کے دوران قیدی بنایا گیا تھا۔ یہ دونوں ان 49 یرغمالیوں میں شامل ہیں جن کے بارے میں اسرائیل کا کہنا ہے کہ وہ ابھی بھی غزہ میں قید ہیں، جبکہ 27 یرغمالیوں کو ہلاک تصور کیا جاتا ہے۔
ویڈیو کے اجرا کے بعد اسرائیلی حکام نے حماس پر یرغمالیوں کو بھوکا رکھنے کا الزام عائد کیا، تاہم حماس کے مسلح ونگ نے ان الزامات کی تردید کی اور کہا کہ قیدی وہی خوراک حاصل کر رہے ہیں جو جنگجو اور دیگر مقامی افراد کھاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
7 اکتوبر اسرائیلی یرغمالی انٹرنیشنل کمیٹی آف ریڈ کراس بنیامین نتن یاہو حماس ریڈ کراس فلسطینی اسلامک جہاد
چھاپہ یا گرفتاری؟ پولیس کے 25 افسران اداکار عامر خان کے گھر میں داخل