محمد عامر اور عماد وسیم کا انگلینڈ کی فرنچائز نادرن سپر چارجز سے معاہدہ
اشاعت کی تاریخ: 5th, August 2025 GMT
محمد عامر اور عماد وسیم دی ہنڈرڈ 2025 میں ناردرن سپرچارجرز کی نمائندگی کریں گے۔
پاکستان کے تجربہ کار کرکٹرز محمد عامر اور عماد وسیم نے دی ہنڈرڈ مینز کمپٹیشن 2025 کے لیے انگلینڈ کی فرنچائز ناردرن سپرچارجرز سے باقاعدہ معاہدہ کرلیا ہے۔ دونوں کھلاڑی بطور متبادل اسکواڈ میں شامل کیے گئے ہیں، جو کہ رواں سیزن کے لیے پاکستانی کھلاڑیوں کی اس ٹورنامنٹ میں پہلی شمولیت بھی ہے۔
یہ بھی پڑھیں: دی ہنڈرڈ لیگ، کس پاکستانی کھلاڑی کو کتنے پیسے ملیں گے؟
33 سالہ محمد عامر اور 36 سالہ عماد وسیم نے اپنے معاہدوں پر اس شرط پر دستخط کیے کہ ٹیم کے نئے بھارتی مالکان کو ان کی شمولیت پر کوئی تحفظات نہ ہوں۔ یاد رہے کہ انگلینڈ اینڈ ویلز کرکٹ بورڈ (ای سی بی) نے رواں برس کے آغاز میں تصدیق کی تھی کہ ٹورنامنٹ میں شامل 8 میں سے 4 ٹیموں کے مالکان بھارتی ہیں جبکہ مزید دو ٹیمیں بھارتی نژاد امریکی سرمایہ کاروں کی ملکیت میں ہیں۔
ای سی بی کے چیف ایگزیکٹو رچرڈ گولڈ نے فروری میں بیان دیا تھا کہ پاکستانی کھلاڑیوں کی شرکت پر کسی بھی فرنچائز یا مالکان کو اعتراض نہیں ہوگا۔ انہوں نے کہا تھا کہ ہم کھیل کی عالمی حساسیت کو سمجھتے ہیں لیکن دی ہنڈرڈ میں کھلاڑیوں کا انتخاب کارکردگی کی بنیاد پر ہوگا، سیاسی یا علاقائی بنیادوں پر نہیں۔
یہ بھی پڑھیں: بابر اعظم کو آؤٹ کرنے پر محمد عامر کا جارحانہ جشن، دونوں کھلاڑی آمنے سامنے
محمد عامر ٹیم میں بین دروشوئس کی جگہ شامل ہوں گے، جبکہ عماد وسیم کو مچل سینٹنر کے متبادل کے طور پر منتخب کیا گیا ہے۔ دونوں کرکٹرز لیگ میں اپنی ٹیم کو تجربہ، مہارت اور آل راؤنڈ کارکردگی فراہم کرنے کے لیے پُرعزم ہیں۔
ناردرن سپرچارجرز کی قیادت تو کسی ایک کھلاڑی کے پاس نہیں ہے، تاہم ٹیم میں انگلینڈ کے مایہ ناز آل راؤنڈر بین اسٹوکس غیر رسمی رہنما کے طور پر موجود ہوں گے۔ وہ کندھے کی انجری کے باعث بھارت کے خلاف حالیہ ٹیسٹ میچ سے باہر ہو گئے تھے اور اب مکمل بحالی کے مرحلے سے گزر رہے ہیں۔ ٹیم مینجمنٹ کے مطابق، وہ کھلاڑیوں کو رہنمائی فراہم کریں گے اور اپنی موجودگی سے حوصلہ بڑھائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انگلینڈ بھارتی اونرز پاکستان دی ہنڈرڈ لیگ عماد وسیم کرکٹ محمد عامر.
ذریعہ
ذریعہ: WE News
کلیدی لفظ: انگلینڈ بھارتی اونرز پاکستان دی ہنڈرڈ لیگ کرکٹ محمد عامر اور کے لیے
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ