وزیراعلیٰ مریم نواز کا سپر اٹانومس ریپڈ ٹرانزٹ ٹرین میں تجرباتی سفر
اشاعت کی تاریخ: 6th, August 2025 GMT
ویب ڈیسک :وزیراعلیٰ پنجاب مریم نواز شریف نے پاکستان کی پہلی شہری برقی ٹرین "سپر اٹانومس ریپڈ ٹرانزٹ" میں تجرباتی سفر کر کے منصوبے کا جائزہ لیا۔
وزیراعلیٰ مریم نواز شریف نے"سپر اٹانومس ریپڈ ٹرانزٹ"میں علی ٹاؤن سے مسلم ٹاؤن تک روڈ ٹیسٹ خود مانیٹر کیا۔ وزیراعلیٰ نے ایس آر ٹی کا معائنہ کیا اور موجود سہولتوں کا جائزہ لیا۔
وزیر ٹرانسپورٹ بلال اکبر نے وزیراعلیٰ کو ایس آر ٹی کے بارے میں تفصیلی بریفننگ دی۔ وزیر اعلیٰ نے ایس آر ٹی کے روڈ ٹیسٹ ڈرائیو کا بھی جائزہ لیا۔
الیکشن کمیشن نے پارلیمنٹ کے پانچ اور صوبائی اسمبلی کے تین ارکان کو نااہل قرار دے دیا،9 نشستیں خالی ہو گئیں
وزیر اعلیٰ مریم نواز شریف نے عام ٹریفک کے درمیان ایس آر ٹی کی رننگ چیک کی۔ رائے ونڈ روڈ اور کینال روڈ پر عوام ایس آر ٹی کو دیکھ کر خوشی کا اظہار کرتے رہے۔
"سپر اٹانومس ریپڈ ٹرانزٹ" ترکی، چین، ابوظہبی اور دیگر ممالک میں کامیابی سے چلائی جارہی ہے۔ "سپر اٹانومس ریپڈ ٹرانزٹ" میں تین بوگیاں لگائی گئی ہیں جبکہ چار کی گنجائش ہے۔
نورنکو انٹرنیشنل کی جدید ترین ایس آر ٹی میں 320 مسافروں کی گنجائش ہے، پہلی مکمل ای ٹرین"سپر اٹانومس ریپڈ ٹرانزٹ" ایک دفعہ چارج کے بعد 40 کلومیٹر سفر طے کر سکتی ہے۔ "سپر اٹانومس ریپڈ ٹرانزٹ" میں ایئر کنڈیشنڈ اور دیگر سہولیات میسر ہوں گی۔
خاتون نے بوائے فرینڈ سے تحفے کے طور پر لیے آئی فونز فروخت کرکے اپنا گھر خرید لیا
وزیراعلیٰ مریم نواز شریف کا کہنا ہے کہ "سپر اٹانومس ریپڈ ٹرانزٹ" سے ماحولیاتی آلودگی میں کمی اور ٹریفک میں بہتر ی آئے گی، پنجاب کے عوام کے لئے اب ہر روز خوشی کی خبر منتظر ہوتی ہے، ایس آر ٹی چلنے سے لاہور کی خوبصورتی دوبالا ہوگی، گوجرانوالہ اور فیصل آباد میں بھی ایس آر ٹی کی خوش خبری آرہی ہے ۔
.ذریعہ: City 42
پڑھیں:
اڈیالہ جیل میں بیٹھے شخص کو یہ نہیں پتہ کہ باہر دنیا بدل چکی ہے: مریم نواز
اسکرین گریبوزیراعلیٰ پنجاب مریم نواز کا کہنا ہے کہ اڈیالہ جیل میں بیٹھے شخص کو یہ نہیں پتہ کہ باہر دنیا بدل چکی ہے، اب وہ قصہ پارینہ بن چکا اور پاکستان آگے بڑھ گیا۔
سرگودھا میں ماحول دوست الیکٹرک بسوں کی افتتاحی تقریب سے خطاب کرتے ہوئے انہوں نے کہا کہ پاکستان اور عوام ترقی کے نئے سفر کا آغاز کرچکے، باتیں ہوتی تھیں کہ پاکستان ڈیفالٹ کر جائے گا، اب نواز شریف کا دور آیا تو روز ایک خوشخبری آتی ہے۔
مریم نواز کا کہنا ہے کہ آج خبر آتی ہے کہ اسٹاک مارکیٹ نے ریکارڈ توڑ دیے، دنیا کے ادارے کہہ رہے ہیں کہ پاکستان کی معیشت بہتر ہو رہی ہے، وزیراعظم شہباز شریف کا جہاز جب سعودی فضا میں داخل ہوا تو سعودی جہازوں نے سلامی دی۔
وزیر اعلیٰ پنجاب مریم نواز نے سڑکوں، پلوں اور انفرا اسٹرکچر کی فوری بحالی کا حکم دے دیا۔
انہوں نے کہا کہ جنگی جہازوں کی سلامی ہمارے ملک ہمارے پاکستان کی عزت ہے، ایک وزیراعظم ہوا کرتا تھا جسے الٹی سیدھی حرکتوں پر جہاز سے اتارا گیا۔
ان کا کہنا ہے کہ پاکستان اور سعودی عرب کے درمیان دفاعی معاہدہ بہت بڑا کارنامہ ہے، شہباز شریف کو سعودی دھرتی پر وہ عزت ملی کہ دنیا دیکھتی رہ گئی۔
مریم نواز نے کہا کہ حرمین شریفین کی پاسبانی کا شرف پاکستان کو ملا ہے، کبھی دیکھی اتنی بڑی سفارتی کامیابی، ولی عہد شہزادہ محمد بن سلمان کو خراج تحسین پیش کرتے ہیں۔
وزیراعلیٰ پنجاب نے کہا کہ سرگودھا والو! آپ کو الیکٹرک بس کا تحفہ بہت مبارک ہو، آج سرگودھا کے لیے 33 بسوں کا تحفہ لائی ہوں، سرگودھا شہر کے لیے 60 بسیں رکھی ہیں۔
انہوں نے کہا کہ سرگودھا ڈویژن کو 105 بسوں کا تحفہ دیں گے، سرگودھا شاہینوں کا شہر ہے، شاہینوں کے ساتھ ساتھ سرگودھا شیروں کا شہر ہے، شاہینوں نے قوم کا سر فخر سے بلند کیا۔
ان کا کہنا تھا کہ نواز شریف اور شہباز شریف نے سرگودھا کو ایسے پروجیکٹس دیے جس سے اس کی قسمت بدل گئی۔ سرگودھا کو جب سے موٹروے سے جوڑا گیا اس روز سے سرگودھا کی شکل بدلنی شروع ہوئی، حیرانی ہوئی کہ پورے سرگودھا ڈویژن میں دل کے امراض کا کوئی اسپتال نہیں، میں نے اسی روز فیصلہ کیا اور سرگودھا میں نواز شریف انسٹی ٹیوٹ آف کارڈیولوجی پر کام شروع کرانے کا فیصلہ کیا۔
مریم نواز نے کہا کہ سیلاب میں جن کے گھر گرے انہیں 10 لاکھ روپے ملیں گے، 2 ہفتوں کے اندر اندر سیلاب متاثرین کو چیک ملنا شروع ہو جائیں گے، آج روٹی 10 اور 15 روپے میں دستیاب ہے، پوری کوشش کرتی ہوں کہ گندم کی قیمت نہ بڑھے۔
دوحہ پر اسرائیل حملہ امن معاہدہ خطرے میں ڈال سکتا ہے، یورپی ممالک کا انتباہ