بھارت: الیکشن کمیشن ووٹوں کی چوری میں بی جے پی کی مدد کر رہا ہے،راہل گاندھی
اشاعت کی تاریخ: 8th, August 2025 GMT
نئی دلی (اُردو پوائنٹ اخبارتازہ ترین - اے پی پی۔ 08 اگست2025ء) بھارت میں کانگریس پارٹی کے رہنماء اور لو ک سبھا میں قائد حزب اختلاف راہل گاندھی نے بھارتی الیکشن کمیشن پر سنگین الزامات عائد کرتے ہوئے دعویٰ کیا ہے کہ الیکشن کمیشن ووٹوں کی چوری کے ذریعے ملک میں جمہوریت کو منظم طورپر ختم کرنے کیلئے حکمران بھارتیہ جنتا پارٹی کی مدد کررہا ہے ۔
کشمیرمیڈیاسروس کے مطابق راہل گاندھی نے نئی دلی میں ایک پریس کانفرنس سے خطاب کرتے ہوئے کہاکہ الیکشن کمیشن بی جے پی کی مدد سے ووٹر چوری میں ملوث ہے، شفافیت سے انکار اور ثبوت مٹا رہا ہے، جس سے ملک میں جمہوریت خطرے میں ہے۔انہوں نے کہاکہ ووٹر فہرستوںمیں بڑے پیمانے پر جعلی ووٹروں کااندراج کیاگیاہے اور حالیہ انتخابات کے نتائج میں ہیرا پھیری کے ذریعے بی جے پی کو فائدہ پہنچایا گیا ہے۔(جاری ہے)
انہوں نے بھارت میں حال ہی میں منعقد ہونے انتخابات کی ساکھ پر بھی سوال اٹھایا۔ انہوں نے کہاکہ ہمیں اور بھارت بھر کے کروڑوں لوگوں کو شبہ تھا کہ دال میں کچھ نہ کچھ کالا ضرور ہے۔ اوپینین پول اور ایگزٹ پول کچھ کہتے تھے ،تاہم نتائج کچھ اور آتے تھے۔ مدھیہ پردیش، ہریانہ، مہاراشٹرکے انتخابات کے نتائج اس کی واضح مثال ہیں۔ الیکشن کمیشن نے حالیہ انتخابات کے بعد دعویٰ کیا کہ ساڑھے پانچ بجے کے بعد بڑی تعدادمیں لوگوں نے ووٹ ڈالے جبکہ ہمارے پولنگ بوتھ کے ورکرز نے بتایا کہ کوئی ووٹنگ نہیں ہوئی۔ الیکشن کمیشن سے جب پولنگ اسٹیشنوں کے باہر کی ویڈیوز طلب کی گئی تو جواب دیا گیا۔ ویڈیوز 15دن کے بعد ڈیلیٹ کر دی گئیں۔ انہوں نے کہاکہ الیکٹرانک مشینوں کے ذریعے ووٹ ڈالنے سے قبل بھارت بھر میں ایک دن پولنگ ہوتی تھی ۔ مگر اب الیکٹرانک ووٹنگ مشین کے باوجود مہینوں تک یہ عمل جاری رہتا ہے ۔راہل گاندی نے کہاکہ مہاراشٹر میں گزشتہ پانچ مہینوں میں جتنے ووٹروں کا اندراج کیاگیاہے اتنا گزشتہ پانچ سال سے میں نہیں کیاگیا ۔انہوں نے کہاکہ لوک سبھا میں ہمارا اتحاد فتح حاصل کرتا ہے لیکن اسمبلی انتخابات میں ہمیں شکست ہوجاتی ہے ۔انہوں نے کہاکہ جب الیکشن کمیشن سے نئے ایک کروڑووٹروں کے اندراج کی تفصیل طلب کی گئی تو کوئی جواب نہیں دیاگیا۔انہوں نے کہاکہ الیکشن کمیشن ملک بھر میں ووٹ چوری کے ثبوت مٹانا چاہتا ہے۔ وہ بی جے پی کی مدد کر کے انتخابی نظام کو تباہ کر رہا ہے۔.ذریعہ: UrduPoint
کلیدی لفظ: تلاش کیجئے انہوں نے کہاکہ الیکشن کمیشن بی جے پی کی مدد
پڑھیں:
بدعنوانی اور ووٹ چوری نے جمہوریت کو کمزور کیا ہے، پرینکا گاندھی
کانگریس کی جنرل سکریٹری نے بی جے پی لیڈروں پر پنڈت جواہر لال نہرو کی توہین کا الزام لگاتے ہوئے کہا کہ وہ ملک کی ہر غلطی کا الزام نہرو پر ڈال دیتے ہیں۔ اسلام ٹائمز۔ کانگریس کی جنرل سکریٹری پرینکا گاندھی نے بہار ریاست کے مغربی چمپارن کے والمیکی نگر میں انتخابی جلسے سے خطاب کرتے ہوئے مرکز کی این ڈی اے حکومت پر شدید حملہ کیا۔ انہوں نے کہا کہ آج ہندوستان کی حالت ایسی ہوگئی ہے جیسے برطانوی راج کے زمانے میں تھی۔ ان کے مطابق این ڈی اے بہار میں "ووٹ چوری" کے ذریعے اقتدار حاصل کرنا چاہتی ہے۔ پرینکا گاندھی نے کہا کہ یہ وہی زمین ہے جہاں سے مہاتما گاندھی نے آزادی کی تحریک کا آغاز کیا تھا لیکن آج ملک ایک بار پھر اسی سمت جاتا دکھائی دے رہا ہے۔ ان کا کہنا تھا کہ این ڈی اے حکومت نے بہار کے تقریباً 65 لاکھ ووٹروں کے نام، جن میں بڑی تعداد میں خواتین شامل ہیں، ووٹر لسٹ سے خارج کر دیے ہیں۔
انہوں نے کہا کہ بہار میں بے روزگاری اور نقل مکانی اپنی انتہا پر ہے، نوجوان روزگار کی تلاش میں دوسرے صوبوں کا رخ کرنے پر مجبور ہیں، کسانوں کو بڑھتی لاگت اور ٹیکس کے باعث مناسب آمدنی حاصل نہیں ہو رہی۔ پرینکا گاندھی نے مرکز پر الزام لگایا کہ اس نے ملک کے سرکاری اداروں کو تباہ کر دیا ہے۔ ان کے بقول تمام بڑی فیکٹریاں، صنعتیں اور بندرگاہیں وزیراعظم نریندر مودی کے دو دوستوں کے حوالے کر دی گئی ہیں، حتیٰ کہ بہار کی فیکٹریوں اور ٹھیکوں کو بھی گجرات منتقل کیا جا رہا ہے۔ انہوں نے کہا کہ چھوٹے تاجر اور کاروباری بھی اس دباؤ میں صحیح طور پر کام نہیں کر پا رہے۔ انہوں نے وزیر اعظم پر طنز کرتے ہوئے کہا کہ نریندر مودی کو بدعنوانی، جرائم پر قابو پانے اور نوجوانوں کی تعلیم کی فکر ہونی چاہیئے، مگر وہ اس بات سے زیادہ فکرمند ہیں کہ کانگریس کے پوسٹر پر تیجسوی یادو کی تصویر کیوں نہیں ہے، جبکہ وہ خود نتیش کمار کو اپنے ساتھ اسٹیج پر نہیں رکھتے۔
پرینکا گاندھی نے بی جے پی لیڈروں پر پنڈت جواہر لال نہرو کی توہین کا الزام لگاتے ہوئے کہا کہ وہ ملک کی ہر غلطی کا الزام نہرو پر ڈال دیتے ہیں۔ خواتین سے خطاب کرتے ہوئے انہوں نے کہا کہ بھاجپا والے آپ کو الیکشن سے پہلے پیسہ دیں گے، لے لیجئے، مگر یاد رکھیے، وہ الیکشن کے بعد وہ پیسہ نہیں ملے گا۔ جنہوں نے ملک کی زمین اور وسائل کارپوریٹ گھرانوں کو بیچ دیے، وہ کبھی غریبوں کے لئے نہیں سوچیں گے۔ پرینکا گاندھی نے نوجوانوں کی حالت زار پر تشویش ظاہر کرتے ہوئے کہا کہ پیپر لیک سے بہار کے نوجوانوں کا مستقبل تباہ ہوگیا ہے۔ انہوں نے وعدہ کیا کہ اگر کانگریس کی حکومت بنی تو سخت کارروائی کی جائے گی اور ایک منظم روزگار کیلنڈر نافذ کیا جائے گا تاکہ ہر غریب خاندان کے ایک فرد کو سرکاری نوکری مل سکے۔
پاک بھارت ٹیمیں ایک بار پھر مد مقابل ہونے کو تیار