مری میں میں تین روز کے لئے دفعہ 144 نافذ کردی گئی
اشاعت کی تاریخ: 10th, August 2025 GMT
یومِ آزادی کی تقریبات کے پیش نظر مری میں سکیورٹی خدشات کے باعث 12، 13 اور 14 اگست 2025 کو دفعہ 144نافذ کر دی گئی ہے۔ اس دوران شہر میں صرف فیملیز کو داخلےکی اجازت ہو گی، جبکہ انفرادی یا غیر خاندانی گروپس پر پابندی عائد کر دی گئی ہے۔
ڈپٹی کمشنر مری آغا ظہیر عباس شیرازی کی جانب سے جاری نوٹیفکیشن کے مطابق، یہ فیصلہ عوامی نظم و ضبط برقرار رکھنے اور کسی بھی ممکنہ ناخوشگوار واقعے سے بچنےکے لیے کیا گیا ہے۔ خاص طور پر مال روڈ اور جی پی او چوک جیسے مقامات پر صرف فیملی یونٹس کو ہی جانے کی اجازت دی جائے گی۔
یہ اقدام 30 جولائی کو ڈسٹرکٹ انٹیلیجنس کمیٹی کے اجلاس میں کیے گئے سفارشات کی روشنی میں اٹھایا گیا، جہاں ممکنہ ہجوم، بدنظمی اور سکیورٹی خدشات کو مدنظر رکھا گیا تھا۔
حکام کے مطابق دفعہ 144 کی خلاف ورزی پر تعزیرات پاکستان کی دفعہ 188 کے تحت قانونی کارروائی عمل میں لائی جائے گی، اور یہ عدالتی کارروائی پابندی ختم ہونے کے بعد بھی جاری رہ سکتی ہے۔
انتظامیہ کا کہنا ہے کہ مری میں یومِ آزادی کو جوش و خروش سے منانے کی تیاریاں جاری ہیں۔ 14 اگست کے موقع پر آتش بازی کا مظاہرہ کیا جائے گا، جبکہ مال روڈ پر موجود سرکاری اور نجی عمارتوں کو برقی قمقموں سے سجا دیا گیا ہے، جس سے شہر کا منظر دیدنی ہو چکا ہے۔
Post Views: 6.ذریعہ: Daily Mumtaz
پڑھیں:
اسمارٹ فون کو رات بھر چارج پر لگانا کتنا محفوظ؟ ماہرین نے حقیقت واضح کردی
data-id="863a0a8" data-element_type="widget" data-widget_type="theme-post-content.default">
ماضی میں اسمارٹ فون صارفین کو مشورہ دیا جاتا تھا کہ وہ اپنے موبائل کو رات بھر چارجنگ پر نہ لگائیں، ورنہ بیٹری کو نقصان پہنچ سکتا ہے۔ تاہم جدید دور کے اسمارٹ فونز میں ایسے حفاظتی سسٹمز شامل کیے جاچکے ہیں جو اوور چارجنگ سے بیٹری کو محفوظ رکھتے ہیں۔ یہی وجہ ہے کہ اب فون کو طویل وقت تک چارجنگ پر لگائے رکھنا نقصان دہ نہیں سمجھا جاتا۔
جدید ڈیوائسز اسمارٹ چارجنگ ٹیکنالوجی سے لیس ہوتی ہیں جو بیٹری مکمل چارج ہونے کے بعد بجلی کا بہاؤ روک دیتی ہیں۔ اس کے باوجود ماہرین کا کہنا ہے کہ فون کو ہمیشہ گھنٹوں چارجنگ پر لگائے رکھنے سے بیٹری پر دباؤ اور حرارت میں اضافہ ہوسکتا ہے، جو وقت کے ساتھ بیٹری کی کارکردگی کو متاثر کرتا ہے۔
بیٹری کی صحت صرف چارجنگ کے اوقات پر منحصر نہیں بلکہ درجہ حرارت، والٹیج اور استعمال کے انداز پر بھی منحصر ہوتی ہے۔ لیتھیم بیٹریز کی عمر اُس وقت تیزی سے گھٹتی ہے جب وہ مکمل طور پر ختم (0%) یا سو فیصد (100%) تک چارج ہوجائیں۔ اس لیے بہتر ہے کہ فون کو 20 سے 80 فیصد کے درمیان چارج رکھا جائے۔
ماہرین کے مطابق اصل خطرہ اوور چارجنگ نہیں بلکہ زیادہ حرارت ہے۔ چارجنگ کے دوران بھاری ایپس، گیمنگ یا ویڈیو ایڈیٹنگ سے فون گرم ہوتا ہے، جس سے بیٹری کے اندر کیمیائی تنزلی تیز ہو جاتی ہے۔
ایپل کے مطابق آئی فونز میں آپٹیمائزڈ بیٹری چارجنگ فیچر بیٹری کو 80 فیصد پر روک دیتا ہے تاکہ اس کی عمر بڑھے، جبکہ اینڈرائیڈ فونز میں بھی ایسے ہی بیٹری پروٹیکشن فیچرز موجود ہیں جو 80 سے 85 فیصد تک چارجنگ محدود رکھتے ہیں۔
ماہرین کا مشورہ ہے کہ فون کو چارجنگ کے دوران ٹھنڈی جگہ پر رکھا جائے، غیر مستند چارجرز سے گریز کیا جائے، اور ڈیوائس کو سورج کی روشنی یا گرم ماحول میں چارج نہ کیا جائے۔
یوں چند سادہ احتیاطی تدابیر اپنا کر آپ اپنے اسمارٹ فون کی بیٹری کی عمر میں نمایاں اضافہ کرسکتے ہیں۔
پنجاب میں56 ہزار مساجد کی جیوٹیکنگ