اسلام آباد انٹرنیشنل ایئرپورٹ 8 روز کیلئے بند؟ حقیقت سامنے آگئی
اشاعت کی تاریخ: 10th, August 2025 GMT
ویب ڈیسک : پاکستان ایئرپورٹس اتھارٹی نے اسلام آباد انٹرنیشنل ایئرپورٹ کو 8 روز کیلئے بند کرنے کے حوالے سے اُڑنے والی افواہوں کو مسترد کردیا ۔
پچھلے کچھ دنوں سے سوشل میڈیا پلیٹ فارمز پر خبریں گردش کر رہی ہیں کہ اسلام آباد انٹرنیشنل ہوائی اڈے کو 8 روز کیلیے بند کیا جائے گا، تاہم اب پاکستان ایئرپورٹس اتھارٹی (پی اے اے) کی جانب سے جاری بیان میں افواہوں کو مسترد کیا گیا۔
فیلڈ مارشل عاصم منیر کادورہ امریکا،اعلیٰ سیاسی و عسکری قیادت سے ملاقاتیں
پی اے اے نے جاری کردہ بیان میں بتایا ہے کہ اسلام آباد انٹرنیشنل ایئرپورٹ 8 روز تک بند رہنے کی خبریں گمراہ کن ہیں۔ 14 اگست کو یوم آزادی کے دوران تقریبات کے باعث ہوائی اڈے کو مخصوص تاریخ پر صرف دو گھنٹے کیلیے آمد اور روانگی کیلئے بند رکھا جائے گا۔
علاوہ ازیں پی اے اے نے واضح کیا کہ اس دوران معمول کا آپریشن جاری رہے گا۔
ذریعہ
ذریعہ: City 42
کلیدی لفظ: اسلام آباد انٹرنیشنل
پڑھیں:
اسلام آباد ہائیکورٹ: ایمان مزاری اور ہادی علی چٹھہ کی سزا معطلی درخواستوں پر فیصلہ محفوظ
اسلام آباد:اسلام آباد ہائیکورٹ نے متنازع ٹویٹس کیس میں ایمان مزاری اور ہادی علی چٹھہ کی سزا معطلی کی درخواستوں کے قابلِ سماعت ہونے سے متعلق فیصلہ محفوظ کر لیا۔
جسٹس اعظم خان نے کیس کی سماعت کی، عدالت میں نیشنل سائبر کرائم انویسٹی گیشن ایجنسی (این سی سی آئی اے) کے وکیل نے سزا معطلی کی درخواستوں پر اعتراض اٹھاتے ہوئے مؤقف اختیار کیا کہ یہ درخواستیں قبل از وقت دائر کی گئی ہیں، اس لیے انہیں قابلِ سماعت قرار نہ دیا جائے۔
این سی سی آئی اے کے وکیل نے عدالت سے استدعا کی کہ پہلے ان کی متفرق درخواست کو سنا جائے، اگر دوسری متفرق درخواست پہلے سنی گئی تو ہماری درخواست غیرموثر ہو جائے گی۔
دورانِ سماعت ایمان مزاری کے وکیل فیصل صدیقی نے عدالت کو بتایا کہ وہ اس متفرق درخواست پر دلائل دینے کے لیے تیار ہیں اور اگر عدالت مناسب سمجھے تو دونوں درخواستوں کو ایک ساتھ سنا جا سکتا ہے۔
جسٹس اعظم خان نے ریمارکس دیے کہ وکیل پہلے مکمل تیاری کر لیں، یہ ان کے مؤکل کے حقوق کے لیے بہتر ہوگا، جس پر فیصل صدیقی نے مؤقف اختیار کیا کہ وہ اپنے حقوق چھوڑتے ہوئے دلائل دینے کے لیے تیار ہیں۔
فریقین کے دلائل مکمل ہونے کے بعد عدالت نے فیصلہ محفوظ کر لیا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم