اب پاکستان پر حملہ سعودی عرب اور سعودی عرب پرحملہ پاکستان پر حملہ تصور ہوگا
اشاعت کی تاریخ: 19th, September 2025 GMT
لاہور ( اردوپوائنٹ اخبار تازہ ترین۔ انٹرنیشنل پریس ایجنسی۔ 19 ستمبر 2025ء ) وزیراعلیٰ پنجاب مریم نواز شریف نے سرگودھا میں الیکٹروبس پراجیکٹ کی افتتاحی تقریب سے خطاب میں بڑے اعلانات کیے۔ وزیراعلیٰ مریم نواز شریف نے سرگودھا شہر کیلئے بسوں کی تعداد بڑھانے کا اعلان کیا۔ وزیراعلیٰ مریم نواز شریف کی ہدایت پر سرگودھا شہر میں 60 الیکٹرو بسیں چلائی جائیں گی۔
سرگودھا ڈویژن کے لئے105 الیکٹرو بسیں چلائی جائیں گی۔ وزیراعلیٰ مریم نواز شریف نے خواتین، بزرگوں، طلبہ اور سپیشل افراد کے لئے مفت سفر کے اعلان کا اعادہ بھی کیا ہے۔ وزیراعلیٰ مریم نواز شریف نے سیلاب سے پکا گھر مکمل طور پر گرنے پر 10 لاکھ روپے اور گھر کا کچھ حصہ گرنے پر 5 لاکھ روپے دینے اور سیلاب متاثرین کی بحالی کیلئے دوہفتے میں آپریشن شروع کرنے کا اعلان کیا ہے۔(جاری ہے)
وزیراعلیٰ مریم نواز شریف نے الیکٹروبس پراجیکٹ کی افتتاحی تقریب سے خطاب کرتے ہوئے کہا کہ جب تک پنجاب میں سیلاب سے متاثرہ آخری فرداپنے گھر میں جاکر آباد نہیں ہوتا، مریم نواز چین سے نہیں بیٹھے گی۔ملک میں پچھلے چار پانچ سال نالائق اور ناہل حکمران مسلط رہے۔ ہر روز بری خبریں آتیں، کبھی ڈالر مہنگا ہونے، ڈیفالٹ اور کبھی دوسرے ملکوں سے جھگڑنے کی باتیں آتی تھیں۔ نوازشریف کا دور واپس آیا تو خوش خبریوں کا سلسلہ پھرسے چل پڑا۔ وزیراعلیٰ مریم نواز شریف نے کہا کہ ماضی میں روٹی 25 روپے کی تھی لیکن اب 12 روپے کی ملتی ہے۔ آٹے کے نرخ کوبڑھنے سے روکنے کے لئے ہر روز کوشش کرتی ہوں تاکہ غریب بھوکا نہ سوئے۔لوگوں کی دہلیز پر دوائیاں پہنچارہے ہیں،کلینک آن ویل اور فیلڈ ہسپتال گھر گھر جارہے ہیں۔ کارڈیالوجی، کینسر، ٹی بی،دل کے امراض اور انسولین کی دوائیاں لوگوں کے گھروں میں پہنچ رہی ہیں۔ دورہ چین کے دوران نمائش میں کو۔ ابلیشن مشین دیکھی تو پنجاب لانے کا تہیہ کیا۔ کو۔ابلیشن مشین سے بغیر سرجری کیمو تھراپی اور ریڈیو تھراپی کینسر کاعلاج ممکن ہے۔ چین سے فون کرکے کو۔ ابلیشن مشین منگوانے کی تیاری کرنے کی ہدایت کی۔ وزیراعلیٰ مریم نواز شریف نے کہا کہ پورے ایشیا میں چین کے سوائے صرف پاکستان میں کو۔ا بلیشن سے کینسر کا علاج ہورہا ہے۔ میو ہسپتال کے ڈاکٹر، انجینئر اور سٹاف کوچین سے ٹریننگ کرائی۔ کینسر ہسپتال بننے میں دیر تھی تو فوری طور پر میو ہسپتال میں کو۔ابلیشن سنٹر بنایا تاکہ مریضوں کو تکلیف برداشت نہ کرنی پڑے۔ میو ہسپتا ل میں کو۔ابلیشن سے کینسرکا علاج کررہے ہیں۔ جگر، پھیپھڑوں اور بریسٹ کینسر کا علاج کراکر60 منٹ میں مریض کینسر فری ہوجاتا ہے۔ لاہور کے بعد راولپنڈی اور ملتان میں کو۔ابلیشن مشین لارہے ہیں۔دوسرے مرحلے میں سرگودھا میں کینسر کا علاج شروع کریں گے۔ کو۔ ابلیشن مشین پر 16لاکھ روپے سے ایک مریض کا علاج ہوتا ہے، ہر مریض کا مفت علاج ہوگا۔وزیراعلیٰ مریم نواز شریف نے کہا کہ پاکستان سٹاک مارکیٹ پرانے ریکارڈ توڑرہی ہے اور نئے ریکارڈ بنارہی ہے۔ عالمی ادارے پاکستان کی معیشت میں بہتری اور مہنگائی کم ہونے کی باتیں کرتے ہیں۔ آپریشن بنیان مرصوص میں کامیابی پر دنیا بھر میں پاکستان کی دھاک بیٹھ گئی۔ ایک شخص جگہ جگہ جاکر لڑائیاں کراتا تھا، اب سیاسی اور عسکری قیادت نیک نیت لوگوں پر مشتمل ہے۔ شہباز شریف کو ہی نہیں بلکہ پاکستان کو سعودی عرب میں سلامی دی گئی۔ وزیراعلیٰ مریم نواز شریف نے کہا کہ وہ لوگ جنہوں نے مسجد نبوی اور شہباز شریف اور وفد کی تضحیک کی کوشش کی آج نامراد ہیں۔ نبیؐ کے سامنے آواز اونچی کرنے کی اجازت نہیں اور شرپسند نعرے لگاتے رہے۔آج مسجد نبوی اور حرم پاک میں وزیراعظم پاکستان محمد شہباز شریف صاحب کواللہ نے عزت دی۔ شہباز شریف صاحب کی سعودی عرب میں تاریخی عزت افزائی کی گئی۔ ایک پرائم منسٹر ہواکرتا تھا جس کو جہاز سے اتار کر کہا گیا کہ جاؤ بھائی۔ محمد نواز شریف کے بھائی شہباز شریف کو سعودی عرب کی فضاؤں میں جنگی طیاروں نے سلامی دی۔سعودی عرب نے پاکستان کے لئے تعریفی گانا بنا کرریلیز کیا۔ سعودیہ میں سبز پرچموں کی بہار تھی، عزت افزائی کی وجہ حکمران کا دھرتی سے پیار ہے۔ اللہ کے فضل و کرم سے سبز پاسپورٹ کی عزت بڑھی ہے۔ محض نعرے مارنے سے عزت نہیں ملتی، کبھی عسکری ادارے اور کبھی دوسروں کا نام لیکر ٹوئٹ کرنے سے عزت نہیں ملتی۔ دنیا بدل چکی ہے پاکستان آگے بڑھ چکا اور وہ شخص قصہ پرینہ بن چکا ہے۔ اللہ کا شکر ہے کہ کسی کے نصیب میں عزت آئی اور حرم پاک کی پاسبانی کا شرف ملا۔ سعودی عرب نے کہا کہ پاکستان پر حملہ سعودی عرب پر حملہ اور سعودی عرب پرحملہ پاکستان پر حملہ تصور ہوگا۔ وزیراعظم شہباز شریف کی انتھک محنت اور بصیرت کو سلام پیش کرتی ہوں اورسعودی ولی عہد محمد بن سلمان اور سعودی عرب کو خراج تحسین پیش کرتے ہیں۔ پاکستان کے ساتھ سعودی عرب کا تعلق لازوال رشتہ میں بدل چکا ہے،آنے والی نسلوں کو نصاب میں یہ بتایا جائے گا۔ الیکٹرک بس بیٹری چارج کرنے سے چلے گی، دھواں نہ ہونے سے ماحول میں بہتری آئے گی۔ پنجاب میں بد ترین سیلاب کا سامنا کرنا پڑا، تین دریاؤں میں سب سے بڑا سیلاب آیا۔انڈیا نے بھی پانی چھوڑ دیا، سیلاب آیا تو سی ایم اور منسٹر جاگ رہے تھے۔ سب نے ملکر دن رات ایک کر دیئے،27اضلاع اور پانچ ہزار سے زائد گاؤں سیلاب سے متاثر ہوئے۔ تیاری نہ ہوتی تو سیلاب سے بہت بڑا نقصان ہوتا۔وزیراعلیٰ مریم نواز شریف نے کہا کہ 25 لاکھ افراد کو پانی سے محفوظ مقامات پر منتقل کیا گیا۔ سیلاب متاثرین کو خیموں میں آباد کیا گیا، دس دس میل دور کرجاکر لوگوں کو کھانا میڈیسن اور دودھ پہنچایا۔ ہم نے 25 لاکھ افراد ہی نہیں بلکہ 22 لاکھ مویشیوں بھی ریسکیو کیا۔فخر ہے کہ ہم اس پنجاب میں رہتے جہاں انسان ہی نہیں بلکہ مویشیوں کی جان کی بھی قدر کی جاتی ہے۔ غریب آدمی کا جانور ڈوب جائے تو اس کے لئے روزی روٹی کمانی مشکل ہوجاتی ہے۔ انڈیا 10 گنا بڑی معیشت رکھتا ہے لیکن پاکستان نے وہ دھول چٹائی جس کوبرسوں یاد رکھا جائے گا۔ صرف بیان داغنے سے عزت نہیں ہوتی۔ اڈیالہ والے کو پتہ نہیں کہ پاکستان آگے بڑھ گیا اوروہ قصہ پرینہ بن چکا ہے۔ وزیراعلیٰ مریم نواز شریف نے کہا کہ سرگودھا کے عوام کو نواز شریف کا سلام پیش کرتی ہوں۔ سرگودھا کے عوام کی محبت اور احترام شکر گزار ہوں۔ سرگودھا والوں کو الیکٹرک بس کا تحفہ مبارک ہو۔ عوام کا جذبہ بتارہا ہے کہ لوگ الیکٹرک بس سے بہت خوش ہیں۔ نوا ز شریف کو لاکھوں ووٹ دیکر جتوانے پر سرگودھا والوں کا احسان نہیں اتار سکتے۔سرگودھا شاہینوں کے ساتھ ساتھ شیروں کابھی شہر ہے۔ محمد نواز شریف اور محمد شہباز شریف نے سرگودھا کے لئے لینڈ مارک پراجیکٹ دیئے۔ موٹروے تک رسائی سے پہلے ترقی سرگودھا والوں کے لئے خواب تھا۔جب سرگودھا شہرموٹروے سے جڑا تو ترقی شروع ہوئی۔وزیراعلیٰ بن کر پہلا دورہ کیا تو سرگودھا کے ہسپتال میں کارڈیالوجی کے نام پر چھوٹا سا کمرہ دیکھ کر دکھ ہوا۔وزیراعلیٰ مریم نواز شریف نے کہا کہ سرگودھا ڈویژن میں دل کا کوئی ہسپتال نہیں تھا۔اب نواز شریف انسٹیٹیوٹ آف کارڈیالوجی میں ایک سال میں کام شروع کردیا، جلد پوری طرح فنکشنل ہوگا۔ سرگودھا میں بہترین کارڈیالوجسٹ، سرجن اور ڈاکٹر بھیجے۔ سرگودھا کارڈیالوجی کے ڈاکٹروں کو رہائش بھی دی تاکہ وہ اطمینان سے علاج کرسکیں۔ اب دل کے مریضوں کو فیصل آباد اور لاہور جانے کی ضرورت نہیں۔ اگلے ماہ نواز شریف صاحب سے انسٹیٹیوٹ آف کارڈیالوجی سرگودھا کا افتتاح کرنے کی درخواست کروں گی۔ محمد نواز شریف سے سرگودھا والوں کے پیار اور محبت کا ضرور ذ کر کروں گی۔ وزیراعلیٰ مریم نواز شریف نے کہا کہ افسوسناک بات ہے کہ سرگودھا میں سرکاری ٹرانسپورٹ سسٹم کبھی بنایا ہی نہیں گیا۔ سرگودھا ڈویژن ہونے کے باوجود لوگ ٹوٹی پھوٹی بسوں اور چنگ چی پر سفر کرتے تھے۔ خواتین بھی ٹوٹی پھوٹی بسوں میں غیر محفوظ سفر کرنے پر مجبور تھیں۔ الیکٹروبس خواتین کے لئے باعزت، محفوظ اور آرام دہ سواری ہے۔ الیکٹرو بس میں خوتین کے لئے الگ کمپارٹمنٹ بنایا گیا۔ الیکٹربس میں فری وائی فائی، موبائل چارجنگ پورٹ اور سپیشل افراد کے لئے ریمپ بھی ہے۔میانوالی میں الیکٹروبس کی خوشی کو میلے کی طرح منایا گیا۔وزیراعلیٰ مریم نواز شریف نے کہا کہ بھیر ہ سے سرگودھا 200روپے کرایہ لگتا تھا لیکن اب بھیر ہ سے سرگودھا 20روپے کرایہ ہوگا۔ترقی آتی ہے تو وہ بڑے شہروں تک کیوں محدود رہے۔ لاہور اور راولپنڈی سے بھی پہلے سرگودھا کے لئے الیکٹروبس کا تحفہ لارہے ہیں۔ ماضی میں ترقی بڑوں شہروں سے شروع ہوکر وہیں ختم ہوجاتی تھی۔اب ترقی چھوٹے شہروں سے شروع ہوکر پورے صوبے میں پھیلے گی۔.
ذریعہ
ذریعہ: UrduPoint
کلیدی لفظ: تلاش کیجئے مریم نواز شریف نے کہا کہ پاکستان پر حملہ ابلیشن مشین سرگودھا میں کہ پاکستان شہباز شریف سرگودھا کے کو ابلیشن سیلاب سے کینسر کا کا علاج ہی نہیں کے لئے میں کو
پڑھیں:
امریکا کی 250 ویں سالگرہ 5 روزہ نمائش، آزادی کے تصور پر پاکستانی آرٹسٹس کے فن پارے توجہ کا مرکز
امریکی سفارت خانے نے امریکا کی آزادی کے 250 سال مکمل ہونے کی تقریبات کے سلسلے میں جمعرات کو اسلام آباد میں ’لیٹ فریڈم رنگ‘ کے عنوان سے ’لبرٹی بیل‘ نمائش کا افتتاح کر دیا۔
نمائش میں ملک بھر سے تعلق رکھنے والے 16 پاکستانی فنکاروں کے تیار کردہ منفرد فن پارے پیش کیے گئے ہیں، جن میں ہر فنکار نے اپنے انداز میں ‘آزادی’ کے تصور کو اجاگر کیا ہے۔
یہ بھی پڑھیں:گورنر خیبرپختونخوا سے امریکی ناظم الامور کی ملاقات، سرمایہ کاری اور ترقیاتی تعاون بڑھانے پر اتفاق
نمائش کا افتتاح لوک ورثہ میوزیم میں منعقدہ تقریب میں امریکی ناظم الامور اینڈی ہیلس اور وفاقی وزیر برائے قومی ورثہ و ثقافت اورنگزیب خان کچھی نے مشترکہ طور پر کیا۔
پاکستانی فنکاروں نے ‘آزادی’ کی نئی تعبیر پیش کیامریکی سفارت خانے کے مطابق یہ منصوبہ پاکستان میں امریکی مشن کے پبلک ڈپلومیسی سیکشن نے اپنے ‘لنکن کارنرز’ نیٹ ورک کے ذریعے ترتیب دیا، جس میں ملک کے مختلف حصوں سے تعلق رکھنے والے 16 فنکاروں کو شریک کیا گیا۔
Federal Minister for NH&C Aurangzeb Khan Khichi and U.S. Chargé d’Affaires Andy Halus on Thursday jointly inaugurated the “Let Freedom Ring” American Liberty Bell display at Lok Virsa Heritage Museum, celebrating the enduring cultural partnership between Pakistan & United States pic.twitter.com/3uqKCelXK9
— National Heritage and Culture Division (@DivisionCulture) July 23, 2026
ہر فنکار سے ایک ہی سوال پوچھا گیا کہ ’میرے لیے آزادی کیا معنی رکھتی ہے؟ ’اس سوال کے جواب میں فنکاروں نے ’لبرٹی بیل‘ کے منفرد ڈیزائن تخلیق کیے، جو پاکستانی نقطۂ نظر سے آزادی کے تصور کی عکاسی کرتے ہیں۔
نمائش 5 روز تک جاری رہے گی‘لیٹ فریڈم رنگ’ نمائش 23 سے 27 جولائی تک اسلام آباد کے 2 نمایاں ثقافتی مراکز، لوک ورثہ میوزیم اور پاکستان مونومنٹ میوزیم میں جاری رہے گی۔
امریکی سفارت خانے نے شہریوں کو دعوت دی ہے کہ وہ اس 5 روزہ نمائش کے دوران دونوں مقامات کا دورہ کریں اور فن پاروں کا مشاہدہ کریں۔
امریکا اور پاکستان کے مشترکہ اقدار پر زورتقریب سے خطاب کرتے ہوئے امریکی ناظم الامور اینڈی ہیلس نے کہا کہ ‘لبرٹی بیل’ آزادی، اظہارِ رائے اور بہتر مستقبل کی امید کی علامت ہے۔
أعلنت السفارة الأمريكية في إسلام آباد عن افتتاح معرض ليت فريدوم رينغ في متحف لوك ورثه ومتحف النصب التذكاري الباكستاني، وذلك ضمن الاحتفالات العالمية بمرور ٢٥٠ عامًا على إعلان الاستقلال الأمريكي.
شارك في الافتتاح القائم بالأعمال الأمريكي آندي هيلز ووزير التراث الوطني والثقافة… pic.twitter.com/EcPOSXchyu
— WE News | بالعربية (@WENewsArabic) July 23, 2026
ان کا کہنا تھا کہ پاکستان اور امریکا دونوں معاشروں میں فن، تخلیقی اظہار اور بہتر دنیا کے تصور کو اہمیت دی جاتی ہے۔
لوک ورثہ کئی دہائیوں سے پاکستان کی ثقافتی شناخت کو محفوظ رکھنے میں اہم کردار ادا کر رہا ہے۔ انہوں نے کہا کہ آج اس تاریخی مقام پر امریکا کی آزادی کی داستان کو بھی پیش کرنا باعثِ فخر ہے۔
ثقافتی تبادلوں سے تعلقات مضبوط بنانے پر زوروفاقی وزیر برائے قومی ورثہ و ثقافت اورنگزیب خان کچھی نے اس اقدام کا خیرمقدم کرتے ہوئے کہا کہ پاکستان اور امریکا کے درمیان ثقافتی تبادلے دونوں ممالک کے تعلقات کو مزید مستحکم بنانے میں اہم کردار ادا کرتے ہیں۔
مزید پڑھیں:نائب وزیراعظم اسحاق ڈار سے قائم مقام امریکی ناظم الامور کی ملاقات، خطے کی صورتحال پر تبادلہ خیال
انہوں نے اس نمائش کو دونوں ممالک کے درمیان دیرینہ تعلقات اور باہمی تعاون کی ایک مثبت مثال قرار دیا۔
امریکا 2026 میں اپنے اعلانِ آزادی کی 250 ویں سالگرہ منا رہا ہے۔ اسی مناسبت سے دنیا بھر میں امریکی سفارت خانے اور سفارتی مشنز کے زیرِ اہتمام ‘فریڈم 250’ کے عنوان سے مختلف تقریبات، نمائشوں اور ثقافتی پروگراموں کا انعقاد کیا جا رہا ہے۔
اسلام آباد میں منعقد کی جانے والی ‘لیٹ فریڈم رنگ’ مہم بھی اسی عالمی پروگرام کا حصہ ہے، جس کا مقصد آزادی، اختراع، تخلیقی اظہار اور ثقافتی روابط کو فروغ دینا ہے۔
اس نمائش کے ذریعے پاکستانی فنکاروں کو اپنے فن کے ذریعے آزادی کے تصور کو پیش کرنے کا موقع فراہم کیا گیا، جسے پاکستان اور امریکا کے درمیان ثقافتی تعاون کی ایک اہم پیش رفت قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزادی افتتاح لوک ورثہ میوزیم امریکا امریکی سفارتخانہ امریکی ناظم الامور اینڈی ہیلس پاکستان ثقافتی تبادلہ فنکاروں لبرٹی بیل لیٹ فریڈم رنگ مونومنٹ میوزم
ٹی20 ورلڈ کپ 2026: پاکستان نے سپر 8 کے لیے جگہ پکی کر لی