190 ملین پاؤنڈ ریفرنس میں اشتہاری ملزمان کی منجمد اراضی کی نیلامی آج ہوگی
اشاعت کی تاریخ: 11th, August 2025 GMT
ویب ڈیسک: بانی پی ٹی آئی عمران خان اور دیگر کے خلاف 190 ملین پاؤنڈ نیب ریفرنس میں اشتہاری ملزمان کی منجمد اراضی کی نیلامی آج ہوگی۔
کلب روڈ اسلام آباد پر 248 کنال 8مرلہ اراضی کی نیلامی کی جائے گی، موضع موہٹرہ نور میں 405 کنال 3 مرلہ کی بھی نیلامی ہوگی۔ نیلام ہونے والی اراضی بحریہ ٹاؤن کی ملیکت ہے۔
واضح رہے کہ سپریم کورٹ نے جائیدادوں کی نیلامی پر حکم امتناع دینے کی بحریہ ٹاؤن کی استدعا مسترد کردی ہے۔
5اگست احتجاج:پی ٹی آئی کارکنان کو جوڈیشل ریمانڈ پر جیل بھیجنے کا حکم
سپریم کورٹ نے جائیدادوں کی نیلامی پر حکم امتناع دینے کی بحریہ ٹاؤن کی استدعا مسترد کردی گئی، عدالت نے ملک ریاض اور بحریہ ٹاون کیخلاف ریفرنسز کی نقول جمع کرانے کا حکم دیدیا، جسٹس امین الدین نے کہا کہ یک طرفہ اسٹے نہیں دے سکتا،دوسری سائیڈ کو سن کر فیصلہ کریں گے، 13 اگست کو مرکزی اور متفرق تمام درخواستوں پر سماعت ہوگی۔
قبل ازیں 5 اگست کو اسلام آباد ہائیکورٹ نے بحریہ ٹاؤن کی جائیدادوں کی نیلامی کے خلاف دائر درخواستوں پر محفوظ فیصلہ سنادیا تھا۔ عدالت نے بحریہ ٹاؤن کی پراپرٹیز نیلامی روکنے کی درخواستیں مسترد کرکے نیب کوبحریہ ٹاؤن کی پراپرٹیز نیلام کرنے کی اجازت دے دی تھی۔
قومی ائیر لائن پی آئی اے کا جشن آزادی کے موقع پر مسافروں کو بڑا ریلیف
خیال رہے کہ بحریہ ٹاؤن کی 6 کمرشل جائیدادوں کی نیلامی پر نیب راولپنڈی نے اعلامیہ جاری کر دیا ہے جس میں کہا گیاہے کہ بحریہ ٹاؤن کی 6 میں سے 3 پراپرٹیز کی نیلامی کر دی گئی ہے۔
ذریعہ: City 42
کلیدی لفظ: جائیدادوں کی نیلامی بحریہ ٹاؤن کی
پڑھیں:
کیا نیب عمران خان کی جائیداد نیلام کر رہا ہے؟
نیب کی جانب سے سابق وزیراعظم عمران خان کے خلاف درج مقدمے اور جائیداد کی نیلامی کے فیصلے کے بعد اسسٹنٹ کمشنر سیکرٹیریٹ اسلام آباد آج بارہ کہو ریونیو سینٹر میں جائیداد کی نیلامی کر رہے ہیں، اس نیلامی کا اشتہار اخبارات میں بھی دیا گیا تھا، اخبار اشتہار میں لکھا گیا ہے کہ نیلامی اراضی میں ریفرنس نمبر 19/2023 مقدمہ عنوان سرکار بنام عمران احمد خان نیازی وغیرہ، 3 کلب روڈ، اسلام آباد 248 کنال 8 مرلے اور رقبہ 405 کنال 3 مرلے واقع موضع نور تحصیل و ضلع اسلام آباد۔
اخبار میں اشتہار کے بعد سوشل میڈیا اور دیگر حلقوں میں بات کی جا رہی ہے کہ کیا عمران خان کی جائیداد نیلام ہونے جا رہی ہے؟ اس پر وی نیوز نے یہ جاننے کی کوشش کی کہ معاملے کی حقیقت کیا ہے اور کیا عمران خان کی ہی جائیداد نیلام ہونے جا رہی ہے۔
مزید پڑھیں: عمران خان کے طبی معائنے کی اجازت دی جائے، اسلام آباد ہائیکورٹ میں درخواست دائر
معلوم ہوا کہ نیب کی جانب سے عمران خان کے خلاف نیب ریفرنس نمبر 19/2023 میں عمران خان کے علاوہ فرحت شہزادی المعروف فرح گوگی کو بھی مقدمے میں نامزد کیا گیا تھا، تاہم چونکہ فرح گوگی مقدمے کی پیروی نہ کرسکی تو عدالت نے انہیں اشتہاری قرار دے کر ان کی جائیداد کی نیلامی کا فیصلہ دیا تھا، آج بارہ کہو ریونیو سینٹر میں کلب روڈ اسلام آباد میں 248 کنال 8 مرلے اور 405 کنال 3 مرلے واقع موضع نور تحصیل و ضلع اسلام آباد میں جائیدادوں کی نیلامی کی جا رہی ہے وہ دراصل فرحت شہزادی یعنی فرح گوگی کی جائیداد ہے۔
وی نیوز کو بتایا گیا کہ جب بھی کسی اشتہاری ملزم کی جائیداد کی نیلامی کا اشتہار جاری کیا جاتا ہے تو اس اشتہار میں مقدمے کا عنوان ہی لکھا جاتا ہے چونکہ اس مقدمے کا عنوان عمران خان بنام سرکار مقدمہ نمبر 19 / 2023 تھا اس لیے اخبار اشتہار میں بھی یہی نام لکھا گیا اور مقدمہ کے عنوان میں چونکہ فرح گوگی کا نام نہیں تھا اس لیے وہ نام اخبار اشتہار میں نہیں لکھا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اخبار میں اشتہار بنی گالا جائیداد نیلام عمران خان فرح گوگی نیب
سابق وزیراعظم آزاد کشمیر عبدالقیوم نیازی 9 مئی کے کیس میں گرفتار