معرکہ حق جشن آزادی تقریبات، اسلام آباد پولیس نے ٹریفک پلان جاری کردیا
اشاعت کی تاریخ: 12th, August 2025 GMT
اسلام آباد ٹریفک پولیس نے معرکہ حق جشنِ آزادی کی تقریبات کے سلسلے میں ٹریفک پلان جاری کردیا ہے۔
معرکہ حق کی مرکزی تقریب سپورٹس کمپلیکس اسلام آباد میں منعقد ہوگی، جس میں شریک مہمانوں کو مختلف رنگ کے کارڈز فراہم کیے گئے ہیں تاکہ وہ مخصوص راستوں سے داخل ہوسکیں۔
یہ بھی پڑھیں: یومِ آزادی معرکہ حق کا جوشیلہ ملی نغمہ ’منہ توڑ‘ جاری
پلان کے مطابق وائٹ روٹ نمبر ایک پر جہلم، منگلا اور پنڈی چکلالہ اسکیم سے آنے والے مہمان اسلام آباد ایکسپریس وے سے فیض آباد فلائی اوور، مری روڈ اور کشمیر چوک سری نگر ہائی وے کے راستے اسپورٹس کمپلیکس کے گیٹ نمبر ایک میں داخل ہوں گے۔
وائٹ روٹ نمبر 2 میں ڈی سی آئی، نیول ہیڈ کوارٹر، ایئر ہیڈ کوارٹر اور اسلام آباد سے آنے والے مہمان ڈی سی آئی شاہین چوک، فیصل چوک، ڈی چوک، سری نگر ہائی وے یوٹرن سے گیٹ نمبر ایک استعمال کریں گے۔
ریڈ روٹ نمبر ایک کے تحت جہلم، منگلا اور چکلالہ کینٹ سے آنے والے مہمان فیض آباد، آئی ایٹ انٹرچینج اور جنگل ٹریک سے گیٹ نمبر 3 اور 4 کے باہر اتر کر جناح اسٹیڈیم میں داخل ہوں گے۔
ریڈ روٹ نمبر 2 میں اسلام آباد سے آنے والے مہمان فیصل ایونیو، زیرو پوائنٹ اور آئی ایٹ انٹرچینج سے جنگل ٹریک کے ذریعے اسی راستے سے داخل ہوں گے۔
گرین روٹ نمبر ایک اور 2 والے مہمان فیض آباد انٹرچینج سے مری روڈ، ٹیولپ ہوٹل اور جنگل ٹریک گارڈن ایونیو کے ذریعے گیٹ نمبر 6 میں داخل ہوں گے۔ بلیو اور ییلو روٹ ایک اور 2 والے مہمان زیرو پوائنٹ سے سری نگر ہائی وے کے راستے شام 7 بجے تک گیٹ نمبر 2 استعمال کریں گے، جبکہ ڈرائیور نہ ہونے پر گاڑیاں قریبی گراؤنڈ میں پارک ہوں گی۔
ٹریفک ڈائیورشن پلان کے مطابق سری نگر ہائی وے سرینا انڈر پاس سے زیرو پوائنٹ تک، زیرو پوائنٹ، سرینا ہوٹل اور خیابان سہروردی ہر قسم کی ٹریفک کے لیے بند رہیں گے۔ متبادل راستے جناح ایونیو، ایمبیسی روڈ اور مری روڈ استعمال کیے جائیں گے۔
گارڈن ایونیو 13 اگست کو سہ پہر 3 بجے سے بند ہوگی جبکہ ہیوی ٹریفک کا داخلہ 13 اگست 3 بجے سے 14 اگست شام 5 بجے تک ممنوع رہے گا۔
یہ بھی پڑھیں: معرکہ حق: حصولِ آزادی سے تحفظِ آزادی تک کا سنہری سفر
سی ٹی او کیپٹن (ر) سید ذیشان حیدر نے شہریوں سے درخواست کی ہے کہ گاڑی پر اسٹیکر ونڈ اسکرین کے بائیں طرف لگائیں، شناختی کارڈ اور دعوت نامہ ہمراہ رکھیں، کیمرا، موبائل فون اور ہینڈ بیگ ساتھ نہ لائیں، اور آنے جانے کے لیے وہی راستہ استعمال کریں جو داخلے کے لیے مختص ہے۔ موٹرسائیکل، سائیکل اور سی این جی گاڑیوں کو داخلے کی اجازت نہیں ہوگی جبکہ صرف مدعو کیے گئے شرکا کو اسپورٹس کمپلیکس میں داخل ہونے دیا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد ٹریفک پولیس تقریبات روٹ پلان جاری فیض آباد انٹرچینج معرکہ حق جشن آزادی وی نیوز.
ذریعہ
ذریعہ: WE News
کلیدی لفظ: اسلام آباد ٹریفک پولیس تقریبات روٹ پلان جاری فیض ا باد انٹرچینج معرکہ حق جشن ا زادی وی نیوز سے آنے والے مہمان سری نگر ہائی وے زیرو پوائنٹ داخل ہوں گے اسلام آباد گیٹ نمبر معرکہ حق نمبر ایک روٹ نمبر کے لیے
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
بھارت سے جنگ اور افغانستان میں کارروائی خارج ازامکان نہیں، وزیردفاع