آئی فون 17 کن رنگوں کی بہار لارہا ہے، کونسا رنگ پہلی بار شامل ہوگا؟
اشاعت کی تاریخ: 13th, August 2025 GMT
ایپل کی جانب سے رواں سال ستمبر 2025 میں متوقع آئی فون 17 سیریز میں کئی نئے اور دلکش رنگوں کی جھلک سامنے آ گئی۔
یہ بھی پڑھیں: فولڈ ایبل آئی فون 17 ایئر کب لانچ ہوگا، خصوصیات کیا ہیں؟
میڈیا رپورٹس کے مطابقن کمپنی نہ صرف اپنے کچھ کلاسک رنگوں کو بحال کر رہی ہے بلکہ پہلی بار جرأت مندانہ اور نمایاں رنگوں کو پرو ماڈلز میں شامل کیا جا رہا ہے۔
آئی فون 17 کے متوقع ماڈلزآئی فون 17
آئی فون 17 ایئر
آئی فون 17 پرو
آئی فون 17 پرو میکس
بنیادی ماڈل کے ممکنہ رنگرپورٹس میں بتایا گیا ہے کہ اسٹینڈرڈ آئی فون 17 میں سیاہ، جامنی، سفید اور دیگر رنگ شامل ہوں گے جو نوجوان صارفین کو خاص طور پر متوجہ کر سکتے ہیں۔
آئی فون 17 ایئرایئر ماڈل میں زیادہ ہلکے اور خوبصورت چمکدار مگر سوفٹ رنگ متعارف کرائے جا سکتے ہیں جیسے کہ سلور، لائٹ بلیو اور لائٹ گولڈ۔
آئی فون 17 پرو اور پرو میکسپہلی بار اورنج رنگ کے ساتھ آئے گا۔ پرو ماڈلز کے لیے لیکس میں جن رنگوں کا انکشاف ہوا ہے ان میں پروفیشنل لک والا سیاہ، پریمیم انداز کا ڈارک بلیو، چمکتا دمکتا سلور اور دل موہ لینے والا نیا رنگ اورنج شامل ہوں گے۔ اورنج کلر پلی بار پرو سیریز میں دیکھا جائے گا۔
مزید پڑھیے: آئی فون 17 سیریز کی رونمائی کب ہوگی؟ تاریخ سامنے آگئی
اورنج رنگ اس لیک کا سب سے بڑا سرپرائز ہے، جو پہلے کسی پرو ماڈل میں نہیں آیا۔ یہ ممکنہ طور پر ایپل کے رنگوں کی دنیا میں ایک نیا تجربہ ہوگا۔
متوقع لانچایپل کی آئی فون 17 سیریز ستمبر 2025 میں پیش کیے جانے کی توقع ہے اور رنگوں کا یہ انتخاب اس سیریز کو نہ صرف تکنیکی بلکہ ظاہری لحاظ سے بھی منفرد بنا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون آئی فون 17 آئی فون 17 کے رنگ آئی فون رنگوں کی بہار لیٹسٹ آئی فون نیا آئی فون.ذریعہ: WE News
کلیدی لفظ: ا ئی فون ا ئی فون 17 ا ئی فون 17 کے رنگ ا ئی فون رنگوں کی بہار لیٹسٹ ا ئی فون نیا ا ئی فون ئی فون 17 ا ا ئی فون 17 آئی فون 17 رنگوں کی
پڑھیں:
بہار الیکشن کے ایگزٹ پولز کے نتائج جاری، کس کی کامیابی کے امکانات زیادہ؟
بھارتی ریاست بہار کے اسمبلی انتخابات 2025 کے لیے منگل کی شام جاری ہونے والے ایگزٹ پولز کے مطابق بھارتیہ جنتا پارٹی اور جنتا دل یونائیٹڈ کی قیادت میں قائم نیشنل ڈیموکریٹک الائنس کو واضح برتری حاصل ہونے کی پیشگوئی کی گئی ہے۔
جے ڈی یو اور بی جے پی کیمپ میں ایگزٹ پول نتائج پر خوشی کی لہر ہے، جبکہ مہاگٹھ بندھن یعنی گرینڈ الائنس کو کافی پیچھے دکھایا گیا ہے۔
دوسری جانب اپوزیشن جماعتوں نے ان نتائج کو مسترد کر دیا ہے۔
یہ بھی پڑھیں: بھارتی ریاست بہار میں پہلے مرحلے کے انتخابات کے دوران ریکارڈ ٹرن آؤٹ
سروے کے ذمہ دار مختلف اداروں کے مطابق، 243 رکنی اسمبلی میں این ڈی اے کو 130 سے 209 نشستیں ملنے کا امکان ہے، جو حکومت سازی کے لیے درکار سادہ اکثریت سے کہیں زیادہ ہیں۔
دوسری جانب راشٹریہ جنتا دل یعنی آر جے ڈی، کانگریس اور بائیں بازو کی جماعتوں پر مشتمل مہاگٹھ بندھن کو 70 سے 102 نشستوں تک محدود دکھایا گیا ہے۔
انتخابی ماہر پرشانت کشور کی جن سوراج پارٹی کو، جسے بعض تجزیہ کار ممکنہ ’اسپوائلر‘ قرار دے رہے تھے، محض 0 سے 5 نشستیں ملنے کا امکان ظاہر کیا گیا ہے۔
مزید پڑھیں: ہریانہ انتخابات: ٹھپے پہ ٹھپہ لگانے کے الزام پر برازیلی ماڈل کا جواب
ایگزٹ پول نتائج حتمی نہیں ہوتے، اصل نتائج 14 نومبر کو گنتی کے دوران ظاہر ہوں گے، جب ریاست کے تمام 38 اضلاع میں سخت سیکیورٹی کے درمیان صبح 8 بجے سے ووٹوں کی گنتی شروع ہوگی۔
ووٹنگ کی شرحانتخابات 2 مرحلوں میں مکمل ہوئے، الیکشن کمیشن آف انڈیا کے مطابق مجموعی ووٹنگ ٹرن آؤٹ 66.91 فیصد رہا، جو ریاستی تاریخ کی سب سے بلند شرح ہے۔
پہلے مرحلے میں 6 نومبر کو 65.08 فیصد ووٹ ڈالے گئے، جبکہ دوسرے مرحلے میں 11 نومبر کو 68.67 فیصد ووٹنگ ریکارڈ ہوئی۔
نشستوں کی تقسیم243 نشستوں میں سے این ڈی اے میں بی جے پی اور جے ڈی یو 101 ایک سو ایک نشستوں پر میدان میں ہیں، ایل جے پی (رام ولاس) 29، جبکہ ایچ اے ایم (ایس) اور آر ایل ایم 6 چھ نشستوں پر انتخاب لڑ رہے ہیں۔
مہاگٹھ بندھن کی جانب سے آر جے ڈی 143، کانگریس 61، سی پی آئی 9، سی پی آئی (ایم) 4، سی پی آئی (ایم-ایل) 20 اور وی آئی پی 15 نشستوں پر امیدوار کھڑے کیے گئے ہیں۔
243 رکنی ایوان میں 122 نشستوں پر اکثریت حاصل کرنے والی جماعت یا اتحاد حکومت بنائے گا۔ یہ انتخاب اس بات کا فیصلہ کرے گا کہ آیا نتیش کمار کی این ڈی اے اقتدار میں برقرار رہتی ہے یا تیجسوی یادو کی قیادت میں اپوزیشن اتحاد حکومت سنبھالتا ہے۔
ایگزٹ پول کیا ہے؟ایگزٹ پول ایک ایسا سروے ہوتا ہے جو ووٹ ڈالنے کے بعد رائے دہندگان سے پوچھ کر تیار کیا جاتا ہے تاکہ ان کی سیاسی ترجیحات اور ممکنہ نتائج کا اندازہ لگایا جا سکے۔
یہ ہمیشہ درست نہیں ہوتے، مگر ووٹر کے رجحانات اور انتخابی جھکاؤ کی جھلک پیش کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن آف انڈیا ایگزٹ پول این ڈی اے بھارتی ریاست بہار حکومت سازی سادہ اکثریت مہاگٹھ بندھن ووٹ
27ویں آئینی ترمیم کی حمایت کی جائے یا نہیں؟ پیپلز پارٹی کی سی ای سی کا اجلاس شروع