سعودی عرب کی اسرائیلی وزیر اعظم کے بیانات اور توسیع پسندانہ منصوبوں کی شدید مذمت
اشاعت کی تاریخ: 13th, August 2025 GMT
سعودی وزارت خارجہ نے اسرائیلی وزیر اعظم کی جانب سے دیے گئے حالیہ بیانات، جن میں نام نہاد گریٹر اسرائیل کا ذکر کیا گیا، کی شدید الفاظ میں مذمت کی ہے۔
یہ بھی پڑھیں: سعودی عرب کا آسٹریلیا اور نیوزی لینڈ کے فلسطین کو تسلیم کرنے کے اعلان کا خیرمقدم
وزارت نے اس سوچ اور ان تمام آبادکاری و توسیع پسندانہ پالیسیوں کو مکمل طور پر مسترد کیا ہے جو فلسطینی عوام کے تاریخی و قانونی حقِ خود ارادیت کو پامال کرتی ہیں اور آزاد و خودمختار فلسطینی ریاست کے قیام کی راہ میں رکاوٹ ہیں جس کا دارالحکومت مشرقی القدس ہو اور جو متعلقہ بین الاقوامی قوانین کے مطابق قائم ہو۔
مزید پڑھیے: سعودی عرب کا اسرائیلی وزیر کی مسجد الاقصیٰ میں اشتعال انگیزی پر شدید ردعمل
بیان میں سعودی عرب نے عالمی برادری کو متنبہ کیا ہے کہ اسرائیلی قبضے کی یہ کھلی خلاف ورزیاں نہ صرف بین الاقوامی قانون اور عالمی اصولوں کو نقصان پہنچا رہی ہیں بلکہ ممالک کی خودمختاری پر کھلا حملہ ہیں جو خطے اور دنیا کے امن واستحکام کے لیے سنگین خطرہ ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیلی وزیراعظم نیتن یاہو سعودی عرب سعودی عرب کی مذمت سعودی وزارت خارجہ فلسطین کی ریاست.ذریعہ: WE News
کلیدی لفظ: اسرائیلی وزیراعظم نیتن یاہو سعودی عرب کی مذمت فلسطین کی ریاست
پڑھیں:
عالمی برادری کی اسلام آباد کچہری میں خود کش حملے کی شدید مذمت
عالمی برادری نے اسلام آباد کچہری میں خود کش دھماکے کی شدید الفاظ میں مذمت کی ہے۔
ایرانی سفارتخانے نے اپنے بیان میں کہا کہ یہ دہشتگردی بزدل عناصر کی خطرناک سازش ہے، یہ سازش خطے کو غیر مستحکم کرنے اور خطے کی پائیدار ترقی کے اہداف کے حصول میں رکاوٹیں ڈالنے کی کوشش ہے۔
یہ بھی پڑھیں: افغانی پاکستان کے غدار، فوری نکالا جائے، اسلام آباد حملے کے زخمیوں کا ردعمل
بیان میں کہا گیا ہے کہ اس خطرناک رجحان کا مقابلہ کرنے کے لیے ضروری ہے کہ تمام ممالک مشترکہ کوششیں کریں، غم کی گھڑی میں پاکستانی حکومت اور عوام سے دلی تعزیت کا اظہار کرتے ہیں۔
ترک وزارتِ خارجہ نے اپنے بیان میں کہا ہے کہ اسلام آباد میں خود کش حملے کی بھرپور مذمت کرتے ہیں، ترکیہ دہشتگردی کے خلاف پاکستان کے ساتھ کھڑا ہے۔
’دھماکہ قابلِ مذمت اور انسانیت دشمن عمل ہے‘اسلام آباد میں قائم چینی سفارتخانے سے جاری بیان میں کہا گیا ہے کہ اسلام آباد میں دہشتگردی کے واقعے کی بھرپور مذمت کرتے ہیں اور متاثرین کے اہلِ خانہ، حکومت اور عوام سے اظہارِ تعزیت کرتے ہیں، زخمیوں کی جلد صحت یابی کے لیے نیک خواہشات کا اظہار کرتے ہیں۔
چینی سفارتخانے کا کہنا ہے کہ دھماکہ قابلِ مذمت اور انسانیت دشمن عمل ہے۔
ہر قسم کا تشدد اور دہشتگردی سختی سے مستردقطر نے بھی اسلام آباد میں خود کش حملے اور وانا میں دہشتگردی کے واقعے کی مذمت کی ہے اور کہا ہے کہ قطر ہر قسم کے تشدد اور دہشتگردی کو سختی سے مسترد کرتا ہے، متاثرین کے اہلِ خانہ، حکومت اور عوام سے اظہارِ تعزیت کرتے ہیں۔
’اس حملے اور ہر قسم کی دہشتگردی کی شدید مذمت کرتے ہیں‘امریکی ناظم الامور نیٹلی بیکر نے بھی اپنے بیان میں کہا ہے کہ امریکا دہشتگردی کے خلاف جدوجہد میں پاکستان کے ساتھ کھڑا ہے، انہوں نے دھماکے میں جاں بحق اور زخمی افراد کے لواحقین سے ہمدردی اور اظہارِ تعزیت کیا ہے۔
یہ بھی پڑھیں: اسلام آباد میں خود کش دھماکا، وانا کیڈٹ کالج پر بھی وار، آخر یہ ہو کیا رہا ہے؟
نیٹلی بیکر کا کہنا ہے کہ زخمیوں کی جلد صحت یابی کے لیے دعاگو ہیں، اس حملے اور ہر قسم کی دہشتگردی کی شدید مذمت کرتے ہیں۔
ان کا مزید کہنا ہے کہ پاکستان کی حکومت کی امن اور استحکام کے لیے کی جانے والی کوششوں کی حمایت کے لیے پرعزم ہیں۔
آسٹریلوی ہائی کمیشن کی مذمتدوسری جانب آسٹریلوی ہائی کمشنر نے بھی اسلام آباد خود کش حملے پر پاکستان سے اظہارِ یکجہتی کیا ہے اور دھماکے کے متاثرین اور ان کے اہلِ خانہ سے اظہارِ تعزیت کیا ہے۔
آسٹریلوی ہائی کمیشن نے عوام کے تحفظ کے لیے سرگرم اداروں اور اہلکاروں کو خراجِ تحسین پیش کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وفاقی کابینہ کا آج ہونے والا اجلاس ملتوی