دو شادیاں کرنے والا معروف یوٹیوبر کو بیویوں سمیت عدالت
اشاعت کی تاریخ: 13th, August 2025 GMT
بھارت کے معروف یوٹیوبر اوربگ باس کے سابق امیدوار ارمان ملک اور ان کی دونوں بیویاں پائل ملک اور کرتیکا ملک ایک بڑے قانونی بحران میں پھنس گئے ہیں۔
بھارتی میڈیا رپورٹس کے مطابق دہلی کی پٹیالہ ہاؤس کورٹ نے ان تینوں کو دو مختلف کیسز میں 2 ستمبر کو عدالت میں پیش ہونے کا نوٹس جاری کر دیا ۔
ہندو میرج ایکٹ کی خلاف ورزی
درخواست گزار دیویندر راجپوت نے الزام عائد کیا ہے کہ ارمان ملک نے نہ صرف دو بلکہ مبینہ طور پر چار شادیاں کر رکھی ہیں، جو کہ ہندو میرج ایکٹ کی کھلی خلاف ورزی ہے۔
اس قانون کے مطابق کوئی بھی ہندو مرد ایک وقت میں صرف ایک شادی کر سکتا ہے، جب تک اس کی پہلی بیوی زندہ ہو۔
مذہبی جذبات مجروح کرنے کا الزام
دوسری جانب ایک علیحدہ کیس میں ارمان ملک اور ان کی اہلیہ پائل ملک پر مذہبی جذبات مجروح کرنے کا الزام بھی عائد کیا گیا ہے۔
شکایت کے مطابق پائل نے ایک ایسی سوشل میڈیا پوسٹ کی تھی، جس میں انہیں ہندو دیوی کے روپ میں دکھایا گیا، جس پر عوامی سطح پر شدید ردِعمل سامنے آیا۔
عوامی معذرت اور مذہبی رسومات
شدید سوشل میڈیا تنقید کے بعد، ارمان اور پائل نے ایک ویڈیو پیغام کے ذریعے معافی مانگی۔ پائل نے بعد ازاں ایک مندر میں صفائی اور دیگرمذہبی رسومات** بھی ادا کیں تاکہ اپنی ندامت کا اظہار کر سکیں۔
اس کے بعد یہ جوڑا ہردوار پہنچا اور نرنجنی اکھاڑے میں جا کر باضابطہ معافی طلب کی۔
تاہم اس دوران پائل ملک کی طبیعت بگڑ گئی اور انہیں فوری طور پر ہسپتال میں داخل کرایا گیا۔
ذریعہ: Daily Mumtaz
پڑھیں:
گولارچی: دیسی شراب فروخت کرنے والا ملزم گرفتار
data-id="863a0a8" data-element_type="widget" data-widget_type="theme-post-content.default">
251112-2-5
گولارچی (نمائندہ جسارت)ایس ایچ او تھانہ کڑیو گھنور انسپکٹر فیصل زمان جٹ کی سربراہی میں پولیس نے کاروائی کرتے ہوئے دیسی شراب فروخت کرنے والے ملزم چندر عرف چندو کولھی کو گرفتار کرلیا۔ پولیس کے مطابق خفیہ اطلاع پر کی گئی کارروائی کے دوران ملزم کے قبضے سے 20 لٹر دیسی شراب برآمد کرلی گئی ہے۔ اس موقع پر ایس ایچ او فیصل زمان جٹ نے صحافیوں سے گفتگو کرتے ہوئے کہا کہ علاقے میں منشیات اور غیر قانونی شراب فروشی کے خلاف بھرپور کریک ڈاو?ن جاری ہے، کسی کو بھی قانون ہاتھ میں لینے کی اجازت نہیں دی جائے گی۔ گرفتار ملزم کے خلاف مقدمہ درج کر کے مزید تفتیش شروع کردی گئی ہے۔علاقہ مکینوں نے پولیس کی بروقت کارروائی کو سراہتے ہوئے امید ظاہر کی ہے کہ ایسے اقدامات سے سماج دشمن عناصر کے حوصلے پست ہوں گے۔
تین ماہ کے لیے بجلی کی قیمت میں 45پیسے اضافے کا امکان