14 اگست اس عظیم جدوجہد اور بے مثال قربانیوں کا آئینہ دار ہے جو برصغیر کے مسلمانوں نے پاکستان کے قیام کے لیے دیں،چیئر مین سینیٹ سید یوسف رضا گیلانی
اشاعت کی تاریخ: 14th, August 2025 GMT
اسلام آباد (اُردو پوائنٹ اخبارتازہ ترین - اے پی پی۔ 14 اگست2025ء) چیئرمین سینیٹ سید یوسف رضا گیلانی نے یومِ آزادی کے موقع پر اپنے خصوصی پیغام میں پوری قوم کو مبارکباد دیتے ہوئے کہا ہے کہ 14 اگست کا دن نہ صرف آزادی کی قیمتی نعمت کی یاد دلاتا ہے بلکہ اس عظیم جدوجہد اور بے مثال قربانیوں کا بھی آئینہ دار ہے جو برصغیر کے مسلمانوں نے پاکستان کے قیام کے لیے دیں۔
سینیٹ سیکرٹریٹ سے جاری بیان میں انہوں نے کہا کہ ہمارے بزرگوں اور قائدین نے گھربار، جائیدادیں اور جانیں قربان کر کے ایک آزاد اور خودمختار مملکت کا قیام ممکن بنایا جہاں ہم اپنے دین، ثقافت اور روایات کے مطابق زندگی گزار سکیں، یہ قربانیاں آنے والی نسلوں کے لیے ہمیشہ مشعلِ راہ رہیں گی اور اس بات کا ثبوت ہیں کہ ایک پرعزم اور متحد قوم ہر منزل حاصل کر سکتی ہے۔(جاری ہے)
چیئرمین سینیٹ نے کہا کہ پاکستان کا قیام علامہ محمد اقبال کے خواب کی تعبیر اور قائداعظم محمد علی جناح کی جراتمند قیادت کا ثمر تھا۔انہوں نے کہا کہ 14 اگست 1947ء کو پاکستان دنیا کے نقشے پر ایک آزاد اور خودمختار ملک کی حیثیت سے ابھرا، آزادی ایک بے بہا نعمت ہے اور اس کی حفاظت، بقا اور استحکام ہر پاکستانی کا مشترکہ فرض ہے۔ سید یوسف رضا گیلانی نے تمام پارلیمنٹیرین پر زور دیا کہ وہ سیاسی وابستگیوں سے بالاتر ہو کر ملک کی ترقی، خوشحالی اور استحکام کے لیے خلوصِ نیت سے اپنا کردار ادا کریں۔ اس موقع پر انہوں نے مسلح افواج، سکیورٹی اداروں اور قانون نافذ کرنے والے اہلکاروں کو خراجِ تحسین پیش کیا جو اپنی جانوں کی پروا کیے بغیر ملک کی آزادی اور خودمختاری کے محافظ ہیں۔چیئرمین سینیٹ نے اپنے پیغام میں کشمیری اور فلسطینی عوام کو بھی یاد کیا جو ظلم و جبر کے خلاف اپنی جدوجہد جاری رکھے ہوئے ہیں اور یقین دلایا کہ پاکستان ان کی اخلاقی، سفارتی اور سیاسی حمایت اس وقت تک جاری رکھے گا جب تک وہ اپنی منزل حاصل نہیں کر لیتے۔انہوں نے پیپلز پارٹی کی جدوجہد اور خدمات کا ذکر کرتے ہوئے کہا کہ شہید ذوالفقار علی بھٹو نے ایٹمی پروگرام کی بنیاد رکھ کر ملک کے دفاع کو ناقابلِ تسخیر بنایا، شہید محترمہ بینظیر بھٹو نے جمہوریت اور انتہاپسندی کے خلاف جان قربان کی، صدر آصف علی زرداری نے 18ویں آئینی ترمیم کے ذریعے صوبوں کو خودمختاری دی اور آج بلاول بھٹو زرداری بطور ایک نوجوان اور باصلاحیت رہنما پاکستان کی ترقی اور مثبت شناخت کے لیے سرگرم عمل ہیں۔ سید یوسف رضا گیلانی نے کہا کہ پاکستان کا ایوانِ بالا وفاق کی علامت ہے اور مضبوط، شفاف اور مؤثر پارلیمانی نظام کو قومی وحدت، استحکام اور ترقی کی ضمانت سمجھتا ہے، قومی ہم آہنگی، بین الصوبائی اتحاد، سیاسی استحکام اور اجتماعی عمل کے بغیر ترقی کا سفر ممکن نہیں۔ انہوں نے کہا کہ نوجوان پاکستان کا سب سے بڑا سرمایہ ہیں، ان کی تعلیم، مہارت اور کردار سازی میں سرمایہ کاری ہی پائیدار خوشحالی کا یقینی راستہ ہے۔چیئرمین سینیٹ نے قوم پر زور دیا کہ اس یومِ آزادی پر ہم سب یہ عہد کریں کہ مل کر ایک پُرامن، خوشحال، جمہوری اور مضبوط پاکستان کے قیام کے لیے کام کریں ،ایسا پاکستان جو شہدا کے خوابوں، بانیانِ وطن کے نظریات اور عظیم رہنماؤں کی امنگوں کا حقیقی عکس ہو۔\932.ذریعہ: UrduPoint
کلیدی لفظ: تلاش کیجئے سید یوسف رضا گیلانی چیئرمین سینیٹ نے کہا کہ انہوں نے اور اس کے لیے
پڑھیں:
وفاقی وزیر مذہبی امور سردار محمد یوسف سے مصر کے سفیر کی ملاقات، بین المذاہب ہم آہنگی کے فروغ کے حوالے سے تجاویز پر تبادلہ خیال
وفاقی وزیر مذہبی امور سردار محمد یوسف سے مصر کے سفیر کی ملاقات، بین المذاہب ہم آہنگی کے فروغ کے حوالے سے تجاویز پر تبادلہ خیال WhatsAppFacebookTwitter 0 18 November, 2025 سب نیوز
اسلام آباد (سب نیوز)وفاقی وزیر مذہبی امور و بین المذاہب ہم آہنگی سردار محمد یوسف سے مصر کے سفیر ڈاکٹر ایہاب عبد الحمید نے ملاقات کی۔ ملاقات میں مذہبی عدم برداشت کے بڑھتے رحجان ، دہشت گردی، اور بین المذاہب ہم آہنگی کے فروغ کے حوالے سے تجاویز پر تبادلہ خیال کیا گیا ۔
اس موقع پر گفتگو کرتے ہوئے وزیر مذہبی امور سردار محمد یوسف نے کہا کہ دنیا میں قیام امن کیلئے مذاہب اور تہذیبوں کے درمیان مکالمے کی اشد ضرورت ہے۔پاکستان اور مصر کو اس سلسلے میں مل کر کام کرنا چاہیے۔ ملاقات میں پاکستان اور مصر کے مابین اقتصادی، تجارتی اور ثقافتی تعلقات کو مزید فروغ دینے پر اتفاق کیا گیا ۔مصری سفیر ڈاکٹر ایہاب عبد الحمید نے کہا کہ پاکستان علما کو مصر بھیجے تاکہ وہ دنیا کی قدیم ترین درسگاہ جامعہ الازہر کے تجربات اور تعلیمات سے مستفید ہو سکیں۔فیلڈ مارشل سید عاصم منیر نے گزشتہ ماہ مصر کا دورہ کیا۔
مصر کی جانب سے جامعہ الازہر کے زیر نگرانی اسلام آباد میں جدید تعلیمی ادارہ قائم کرنے کی پیشکش کی گئی ہے۔وفاقی وزیر سردار محمد یوسف نے جامعہ الازہر کے زیر اہتمام اسلام آباد میں ادارہ قائم کرنے کی پیشکش کا خیر مقدم کیا ۔ملاقات میں انتہا پسندی و شدت پسندی کے خاتمے اور بین المذاہب ہم آہنگی کے فروغ کیلئے تعاون بڑھانے پر اتفاق کیا گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرتحریک تحفظ آئین پاکستان کا 27ویں ترمیم کے خلاف یوم سیاہ منانے کا اعلان تحریک تحفظ آئین پاکستان کا 27ویں ترمیم کے خلاف یوم سیاہ منانے کا اعلان بھارت جنگ ہارا، کشمیر کیخلاف سازش بھی ناکام ہوگی، بلاول بھٹو سپریم کورٹ کے گریڈ 21کے ریٹائرڈ افسر نذر عباس آئینی عدالت میں ایڈیشنل رجسٹرار جوڈیشل تعینات،نوٹیفکیشن سب نیوز پر ستائیسویں آئینی ترمیم کے بعد سپریم جوڈیشل کونسل، جوڈیشل کمیشن اور پریکٹس اینڈ پروسیجر کمیٹی کی تشکیل نو پاکستان حقیقی اقتصادی روابط کیلئے پرعزم، پائیدار ترقی امن سے جڑی ہے: اسحاق ڈار امریکی سفارتخانے کے 3 رکنی وفد کی اڈیالہ جیل آمدCopyright © 2025, All Rights Reserved
رابطہ کریں ہماری ٹیم
امریکہ کی جانب سے سلامتی کونسل میں غزہ امن و استحکام کیلئے قرارداد متعارف