اربعین، دراصل پیغام عاشورہ، فتحِ زینبی اور انقلابِ حسینی کی تکمیل ہے، علامہ مقصود ڈومکی
اشاعت کی تاریخ: 15th, August 2025 GMT
مجلس عزا سے خطاب میں ایم ڈبلیو ایم کے مرکزی رہنما نے کہا کہ اربعین ظلم کے خلاف اُٹھنے کا نام ہے، بکھری ہوئی قوم کو دوبارہ منظم کرنے کا نام ہے اور دشمن کو مایوس کرنے اور دوست کو امید دلانے کا پیغام ہے، اربعین صرف ایک مذہبی رسم نہیں بلکہ عالمی سطح پر بے مثال اجتماع ہے جو حسینی شعائر کی سب سے بڑی علامت ہے۔ اسلام ٹائمز۔ مجلس وحدت مسلمین پاکستان کے مرکزی رہنما علامہ مقصود علی ڈومکی نے کہا کہ "چہلم" قرآن و سنت کی ایک معروف اصطلاح ہے، اربعین ایک قرآنی حقیقت ہے جس کا ذکر انبیاء علیہم السلام کے واقعات میں مسلسل ملتا ہے۔ گوٹھ بنگل خان چانڈیو میں سالانہ مجلسِ عزا سے خطاب کرتے ہوئے ان کا کہنا تھا کہ اربعین، پیغام عاشورہ و کربلا کی تکمیل ہے، فتحِ زینبی اور انقلابِ حسینی کی تکمیل ہے، اربعین ظلم کے خلاف اُٹھنے کا نام ہے، بکھری ہوئی قوم کو دوبارہ منظم کرنے کا نام ہے اور دشمن کو مایوس کرنے اور دوست کو امید دلانے کا پیغام ہے۔ علامہ ڈومکی نے کہا کہ اربعین صرف ایک مذہبی رسم نہیں بلکہ عالمی سطح پر بے مثال اجتماع ہے جو حسینی شعائر کی سب سے بڑی علامت ہے، یہ یزیدی قوتوں کے منہ پر تھپڑ اور حسینی کارواں کے لیے حوصلے کی تھپکی ہے۔
ان کا کہنا تھا کہ اربعین دراصل حق و باطل کے درمیان خطِ فاصل ہے اور اس نے ثابت کیا کہ امتِ مسلمہ کی واضح اکثریت حسینی ہے جبکہ یزیدی ایک ناقابلِ اعتناء اقلیت ہیں۔ انہوں نے کہا کہ اربعین کے موقع پر آل رسول ﷺ شام کی قید سے رہا ہو کر کربلا پہنچے، اربعین سید الساجدین زین العابدین اور حضرت زینب کبریٰ سلام اللہ علیہا کی سنت ہے، صحابیٔ رسول حضرت جابر بن عبداللہ انصاری رضی اللہ عنہ اپنے شاگرد عطیہ عوفی کے ساتھ امام حسین علیہ السلام کا چہلم منانے کے لیے کربلا پہنچے، جو پیادہ روی اور زیارتِ اربعین کی سنت کی بنیاد ہے، آج دنیا کے کروڑوں انسان ہر نسل، رنگ اور مذہب سے بالاتر ہو کر عشقِ خدا میں سرشار کربلا کی طرف رواں دواں ہیں، کیونکہ کربلا اب عالمِ بشریت کا قبلہ بن چکی ہے۔
علامہ مقصود علی ڈومکی نے مزید کہا کہ جیسے دنیا میں صحت واک، امن واک، اور مختلف مقاصد کے لیے پیدل مارچ ہوتے ہیں، ویسے ہی اربعین واک مظلوم کی حمایت، ظالم کی مخالفت، اور اہل بیتؑ رسول کی محبت کا سب سے پرانا اور باوقار طریقہ ہے، یہ کوئی نیا رجحان نہیں بلکہ 1400 سال پرانی سنتِ ہے، جسے ہمیشہ زندہ، منظم، باوقار اور پرجوش رکھنا چاہیئے، پنجاب حکومت کی جانب سے چہلم شہدائے کربلا کے موقع پر ناجائز پابندیوں کے خاتمے کے فیصلے کو خوش آئند قرار دیتے ہوئے انہوں نے امید ظاہر کی کہ حکومت عزاداروں کے خلاف درج تمام مقدمات ختم کرے اور عزاداروں کو مکمل تعاون فراہم کرے۔
ذریعہ: Islam Times
کلیدی لفظ: کہ اربعین نے کہا کہ کا نام ہے
پڑھیں:
نگران وزیر اعلیٰ کیلئے محمد علی قائد کے نام پر اعتراض افسوسناک ہے، علامہ شبیر میثمی
مقامی روزنامے کو انٹرویو دیتے ہوئے اسلامی تحریک کے مرکزی سیکرٹری جنرل نے کہا کہ اگر امیدواروں کی سیاسی وابستگی کو بنیاد بنایا جائے تو وزارت اعلیٰ کی دوڑ میں شامل کوئی بھی شخصیت ایسی نہیں بچے گی جس کی کسی نہ کسی شکل میں سیاسی وابستگی نہ رہی ہو۔ اسلام ٹائمز۔ اسلامی تحریک پاکستان کے مرکزی سیکرٹری جنرل علامہ شبیر حسین میثمی نے کہا ہے کہ گلگت بلتستان کے نگران وزیر اعلیٰ کیلئے محمد علی قائد کے نام پر اعتراض سمجھ سے بالاتر ہے۔ مقامی روزنامے "ڈیلی کے ٹو" کو انٹرویو دیتے ہوئے انہوں نے کہا کہ محمد علی قائد کو نگران وزیر اعلیٰ بنانے میں مسئلہ کیا ہے اور انہیں کسی خاص سیاسی جماعت کے ساتھ کیوں جوڑا جا رہا ہے؟ اگر امیدواروں کی سیاسی وابستگی کو بنیاد بنایا جائے تو وزارت اعلیٰ کی دوڑ میں شامل کوئی بھی شخصیت ایسی نہیں بچے گی جس کی کسی نہ کسی شکل میں سیاسی وابستگی نہ رہی ہو۔ ان کا مزید کہنا تھا کہ تمام امیداروں نے کسی نہ کسی مرحلے پر سیاسی جماعتوں کے ساتھ کام کیا ہے، صرف محمد علی قائد کو نشانہ بنانا ناانصافی ہے۔
ان کا مزید کہنا تھا کہ محمد علی قائد نے ہمیشہ علاقے کی تعمیر و ترقی، امن کے قیام اور سیاسی استحکام کیلئے مثبت کردار ادار کیا۔ سابق وزیر اعلیٰ خالد خورشید کے دور حکومت کا حوالہ دیتے ہوئے انہوں نے بتایا کہ محمد علی قائد نے خالد خورشید کو آخر وقت تک سمجھانے کی کوشش کی کہ محاذ آرائی سے علاقے کو نقصان ہو گا مگر ان کی بات نہ سنی گئی، جس کا نتیجہ سب کے سامنے ہے۔ انہوں نے کہا کہ محمد علی قائد ایک مثبت سوچ رکھنے والی اچھی شہرت کی حامل اور ہر حوالے سے اہل شخصیت ہے۔ اگر کسی ایک کردار کو بنیاد بنا کر انہیں مسترد کیا جا رہا ہے تو افسوسناک ہے۔ یہ بات سمجھ سے بالاتر ہے کہ آخر اپوزیشن محمد علی قائد کے نام پر کیوں آمادہ نہیں ہو رہی؟
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟