فرانس اور اٹلی میں شادیوں کا نیا رجحان: اجنبی مہمان، ٹکٹ خرید کر خوشیوں میں شریک
اشاعت کی تاریخ: 15th, August 2025 GMT
فرانس اور اٹلی میں شادیوں کے حوالے سے ایک دلچسپ اور منفرد ٹرینڈ تیزی سے مقبول ہو رہا ہے، جہاں لوگ پیسے دے کر دوسروں کی شادیوں میں شرکت کر رہے ہیں۔ اب شادی میں شامل ہونے کے لیے دعوت نامے کی ضرورت نہیں، بس ٹکٹ خریدیں اور کسی اور کی خوشیوں کا حصہ بن جائیں۔
فرانس کی رہائشیکاتیہ لیکارسکی نے 2025 کے آغاز میں ’انوائٹ‘ نامی اسٹارٹ اپ قائم کیا، جو ایسے افراد کو شادیوں میں جانے کا موقع فراہم کرتا ہے جہاں وہ مدعو نہیں ہوتے۔ اس کا خیال اس وقت آیا جب ان کی پانچ سالہ بیٹی نے معصومانہ سوال کیا، “ہمیں شادیوں میں کیوں نہیں بلایا جاتا؟”
اس پلیٹ فارم پر کئی جوڑے اپنی شادی کے ٹکٹ بیچتے ہیں، جبکہ لوگ خوشی خوشی سینکڑوں یورو ادا کر کے ان تقریبات میں شامل ہوتے ہیں۔ اس سے جوڑوں کو شادی کے اخراجات کم کرنے میں مدد ملتی ہے اور مہمانوں کو ایک منفرد سماجی تجربہ ملتا ہے۔
ایک صارف لورین نے دی گارجین سے بات کرتے ہوئے کہا: “میری فیملی بڑی نہیں، اس لیے زیادہ شادیاں دیکھنے کا موقع نہیں ملتا۔ اس پلیٹ فارم کے ذریعے مختلف روایات اور تقریبات دیکھنے کا موقع ملتا ہے اور ڈانس فلور پر خوب انجوائے کرتی ہوں۔”
پیرس کے قریب شادی کی تیاری کرنے والے جوڑے جینیفر اور پالو کا کہنا ہے کہ وہ 100 قریبی رشتہ داروں کو مدعو کر رہے ہیں، مگر چند اجنبی مہمانوں کو شامل کرنا ان کے لیے ایک نیا اور خوشگوار تجربہ ہوگا۔
اسی طرز پر اٹلی میں ’Wedding Prive‘ نامی کمپنی بھی کام کر رہی ہے، لیکن اسے لگژری انداز میں پیش کیا جاتا ہے۔ اس کے ذریعے غیر ملکی سیاح ایک مکمل روایتی اطالوی شادی میں شریک ہو سکتے ہیں، رسوم و رواج دیکھ سکتے ہیں اور دلہا دلہن کے جشن میں شامل ہو سکتے ہیں۔ ٹکٹ کی قیمت 1000 سے 5000 یورو تک ہوتی ہے، جو مہمان کی شرکت کی حد پر منحصر ہے۔
شرکاء کے لیے کچھ اصول بھی مقرر ہیں، جیسے وقت پر پہنچنا، مناسب لباس پہننا، میانہ روی سے مشروبات پینا اور تصاویر صرف اجازت کے بعد شیئر کرنا۔
یہ منفرد رجحان شادی کے تجربات کو وسعت دے رہا ہے اور جوڑوں کو معاشی فائدہ بھی پہنچا رہا ہے۔ ماہرین کا خیال ہے کہ مستقبل میں یہ ٹرینڈ دیگر ممالک میں بھی مقبول ہو سکتا ہے۔
Post Views: 3.ذریعہ: Daily Mumtaz
پڑھیں:
شاہین آفریدی کی جانب سے سری لنکا اور زمبابوےکی ٹیموں کے اعزاز میں عشائیہ
data-id="863a0a8" data-element_type="widget" data-widget_type="theme-post-content.default">
پاکستان ون ڈے کرکٹ ٹیم کے کپتان شاہین شاہ آفریدی نے اسلام آباد میں سری لنکا اور زمبابوے کی کرکٹ ٹیموں کے اعزاز میں پرتکلف عشائیے کا اہتمام کیا، جس میں دونوں ممالک کے کھلاڑیوں کے ساتھ قومی ون ڈے اور ٹی ٹوئنٹی اسکواڈ کے ارکان نے بھی بھرپور شرکت کی۔
یہ خصوصی تقریب اسلام آباد کے ایک مقامی ہوٹل کی چھت پر منعقد ہوئی، جہاں غیر ملکی مہمان کھلاڑیوں نے دارالحکومت کی دلکش شام کے مناظر سے لطف اٹھایا۔ اس دوران مہمانوں اور میزبان کھلاڑیوں کو مختلف روایتی اور لذیذ پاکستانی کھانوں سے بھی تواضع کی گئی، جنہیں سب نے بے حد پسند کیا۔
زمبابوے اور سری لنکا کے کھلاڑیوں نے پاکستانی عوام کی گرمجوش مہمان نوازی اور بہترین میزبانی کی کھل کر تعریف کی، جبکہ شاہین شاہ آفریدی نے اس موقع پر تینوں ٹیموں کے درمیان کھیل کے ذریعے دوستی اور باہمی احترام کو مزید مضبوط بنانے کے عزم کا اظہار کیا۔
سندھ طاس معاہدہ؛ پاکستان نے عالمی ثالثی عدالت کے فیصلے کا نوٹس لے لیا