بس کنڈکٹر سے سپر اسٹار تک، رجنی کانت کا بھارتی سینما میں نصف صدی کا سفر کیسا رہا؟
اشاعت کی تاریخ: 15th, August 2025 GMT
بھارتی فلم انڈسٹری کے لیجنڈ اور تامل سینما کے بے تاج بادشاہ رجنی کانت نے فلمی دنیا میں 50 سال مکمل کر لیے ہیں۔ یہ سفر صرف کامیابی کی کہانی نہیں بلکہ غربت سے شہرت تک پہنچنے کی ایک غیر معمولی داستان ہے، جس نے مداحوں کے دلوں میں انہیں ایک دیوتا کا درجہ دے دیا ہے۔
1975 میں، شیواجی راؤ گائیکواڑ نامی ایک نوجوان، جو بعد میں رجنی کانت کے نام سے مشہور ہوا، نے فلم Apoorva Raagangal میں ایک مختصر لیکن یادگار کردار کے ذریعے اپنا ڈیبیو کیا۔ آج، تقریباً 170 فلموں کے بعد، ان کی تازہ ترین فلم Coolie 14 اگست کو ریلیز ہوئی ہے، جو ان کی زندگی کے پہلوؤں کی عکاسی بھی کرتی ہے۔
یہ بھی پڑھیے بس کنڈیکٹر سے سپراسٹار بننے والے بھارتی اداکار، رجنی کانت
74 سالہ رجنی کانت ایک ایسا نام ہے جس کی شہرت بھارت کی سرحدوں سے نکل کر جاپان تک پہنچی۔ مداحوں نے ان کے لیے مندر بنائے، فلم ریلیز کے موقع پر دودھ سے ان کے کٹ آؤٹس کو غسل دیا اور پھولوں کی بارش کی۔ 2016 میں ایئرایشیا نے ان کی فلم Kabali کی تشہیر کے لیے ایک طیارے پر ان کی تصویر پینٹ کی۔
رجنی کانت کی غربترجنی کانت کا بچپن سخت غربت میں گزرا۔ والد پولیس کانسٹیبل تھے، انہوں نے تعلیم ادھوری چھوڑ کر مزدوری اور بس کنڈکٹر کی نوکری کی۔ تھیٹر کا شوق دیکھ کر ایک دوست نے ان کے فلم اسکول کے اخراجات برداشت کیے، جہاں ڈائریکٹر کے بالا چندر نے انہیں پہلا کردار دیا۔
انہوں نے ابتدا میں اینٹی ہیرو اور منفی کرداروں میں شہرت حاصل کی، لیکن Billa, Sivaji, Enthiran اور Muthu جیسی بلاک بسٹر فلموں نے انہیں سپر اسٹار بنا دیا۔ ان کا منفرد انداز — سن گلاسز گھمانا، سگریٹ پھینکنے کا اسٹائل، اور پُراثر ڈائیلاگ — ان کی پہچان بن گیا۔
یہ بھی پڑھیے رجنی کانت کی فلم ’جیلر‘ نے پہلے روز ہی 46 کروڑ روپے کما لیے
مداح انہیں ’اسٹائل کنگ‘ ضرور کہتے ہیں، لیکن ان کے کرداروں میں وفاداری، انصاف اور حوصلے جیسی خصوصیات نے انہیں عوامی ہیرو بنا دیا۔
ان کے فین کلب نہ صرف ان کی فلموں کا جشن مناتے ہیں بلکہ سماجی خدمت میں بھی سرگرم ہیں، جیسے خون کے عطیات اور فلاحی کام۔
یہ بھی پڑھیے رجنی کانت نے اپنی تصویروں اور نام کے غلط استعمال پر قانونی کارروائی کا اعلان کر دیا
رجنی کانت نے سیاست میں قدم رکھنے کے اشارے ضرور دیے لیکن باضابطہ طور پر کوئی سیاسی جماعت نہیں بنائی۔ اس کے باوجود وہ تامل عوام کے لیے ایک اخلاقی رہنما اور ثقافتی علامت ہیں۔
نصف صدی بعد بھی، رجنی کانت کی ہر فلم ریلیز ایک تہوار میں بدل جاتی ہے، اور ان کا نام بھارتی سینما کے سنہری باب میں ہمیشہ کے لیے ثبت ہو چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تامل سینما رجنی کانت.ذریعہ: WE News
کلیدی لفظ: تامل سینما رجنی کانت رجنی کانت کے لیے
پڑھیں:
لوک گلوکارہ صنم ماروی کا پروگرام کا حیران کن معاوضہ لینے کا دعویٰ
معروف لوک گلوکارہ صنم ماروی نے اپنے ایک میوزک کنسرٹ یا پروگرام کا حیران کن معاوضہ لینے کا دعویٰ کیا ہے۔گلوکارہ نے حال ہی میں ایک پوڈکاسٹ میں شرکت کی، جہاں انہوں نے مختلف معاملات پر کھل کر گفتگو کی۔پروگرام کے دوران ضم ماروی نے بتایا کہ کیریئر بنانے کیلئے انہیں سخت محنت کرنی پڑی، انہیں متعدد بار مایوسی بھی ہوئی لیکن انہوں نے کبھی ہمت نہ ہاری، انہیں پہلی بار بڑے میوزک پروگرام کرنے پر 27 ہزار روپے کا معاوضہ ملا تھا، جو اس وقت بہت زیادہ تھا، جس سے انہوں نے والدہ کو گھر کیلئے بہت ساری چیزیں لے کر دیں۔ان کا کہنا تھا کہ انہوں نے 27 ہزار روپے کی کمائی سے والدہ کو بستر، ٹی وی، واشنگ مشین اور گھر کی دوسری چیزیں بھی لے کر دی تھیں لیکن اس باوجود ان کے پیسے ختم نہیں ہوئے تھے۔گلوکارہ نے کہا کہ وہ اپنی بیٹی کو بھی یہی درس دیتی ہیں کہ ناکامیوں پر مایوس نہیں ہونا، مسلسل محنت کرتے رہنا چاہیے، اس کا پھل ضرور ملتا ہے۔ایک سوال کے جواب میں صنم ماروی نے بتایا کہ اب وہ میوزک کنسرٹ کی مختلف جبکہ شادی سمیت اسی طرح کی دوسری تقریبات کیلئے مختلف معاوضہ وصول کرتی ہیں، عام طور پر وہ شادی سمیت اسی طرح کی دوسری تقریبات کا معاوضہ 25 لاکھ روپے تک وصول کرتی ہیں۔گلوکارہ کی جانب سے ایک میوزیکل پروگرام کے زیادہ معاوضہ لینے کی ویڈیو وائرل ہوگئی، جس پر صارفین نے تبصرے کرتے ہوئے ان کی گلوکاری پر بھی سوالات اٹھائے اور لکھا کہ وہ اتنی اچھی گلوکارہ نہیں ہیں، وہ زیادہ معاوضہ لے رہی ہیں۔
27ویں آئینی ترمیم، اپوزیشن کا قومی اسمبلی اجلاس سے واک آؤٹ