حضرت علی ہجویری المعروف داتا گنج بخش ؒکے عرس کی تقریبات اختتام پذیر
اشاعت کی تاریخ: 16th, August 2025 GMT
لاہور(آئی این پی )عظیم صوفی بزرگ حضرت داتا گنج بخش علی ہجویری ؒکے 982 ویں عرس کی 3 روزہ تقریبات خصوصی دعا کے ساتھ اختتام پذیر ہو گئیں ،جس میں ملک و قوم کی ترقی، سلامتی و خوشحالی کیلئے دعائیں کی گئیں،عرس کے دوران قرات، نعت خوانی اور سماع کی محفلیں عروج پر رہیں۔عرس کے تیسرے روز بھی زائرین کی بڑی تعداد نے مزار پر حاضری دی اور پھولوں کی چادریں چڑھا ئے ۔تقریبات کے پہلے اور دوسرے روز بھی دربار حضرت داتا گنج بخش پر زائرین کی آمد کا سلسلہ جاری رہا، اندرون ملک اور بیرون ملک سے ہزاروں زائرین نے مزار پر حاضری دی اور پھولوں کی چادریں چڑھائیں۔اس موقع پر زائرین کی تواضع کیلئے دودھ کی سبیل اور نذرونیاز کی تقسیم کا سلسلہ چوبیس گھنٹے جاری رہا، عقیدت مند مزار پر آ کر تبرک تقسیم کرتے رہے، عرس کے موقع پر لگائے گئے مختلف اشیا کے سٹالز سے زائرین نے بھرپور خریداری بھی کی۔پنجاب حکومت کی طرف سے عرس داتا گنج بخش علی ہجویری پر لاہور میں عام تعطیل رہی ۔ سیکورٹی کے سخت ترین انتظامات کے تحت داتا دربار جانے والے تمام راستے کنٹینرز لگا کر سیل کر دیئے گئے تھے ٹائو ن ہال کی جانب سے جانے والا راستہ بھی کنٹینرز اور خار دار تاریں لگا کر بند کر دیا گیا، بلال گنج، کربلا گامے شاہ کے اطراف کے راستوں کو کنٹینرز لگا کر مکمل طور پر سیل کر دیا گیا۔
.ذریعہ: Nawaiwaqt
کلیدی لفظ: داتا گنج بخش
پڑھیں:
سعودی عرب، بھارتی زائرین کی بس کو المناک حادثہ، 42 جاں بحق
بھارتی میڈیا کے مطابق جاں بحق افراد میں ریاست تلنگانہ کے دارالحکومت حیدرآباد سے تعلق رکھنے والے 16 افراد شامل ہیں۔ حادثہ مکہ سے مدینہ جانے والی زائرین کی بس کو پیش آیا ہے۔ اسلام ٹائمز۔ سعودی عرب میں بھارتی عمرہ زائرین کی بس کو پیش آنے والے المناک حادثے میں 42 زائرین جاں بحق ہو گئے ہیں۔ بھارتی اور سعودی میڈیا کی رپورٹوں کے مطابق یہ سانحہ زائرین کی بس اور ڈیزل ٹینکر میں تصادم کے نتیجے میں پیش آیا۔ بس اور ٹینکر میں تصادم کے بعد آگ بڑگ اٹھی۔ آخری اطلاعات تک 42 بھارتی زائرین جاں بحق ہو چکے ہیں۔ بھارتی میڈیا کے مطابق جاں بحق افراد میں ریاست تلنگانہ کے دارالحکومت حیدرآباد سے تعلق رکھنے والے 16 افراد شامل ہیں۔ حادثہ مکہ سے مدینہ جانے والی زائرین کی بس کو پیش آیا ہے۔ میڈیا رپورٹس کے مطابق بس میں 43 افراد سوار تھے جن میں 20 خواتین اور 11 بچے شامل تھے۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟