رائیونڈ، تبلیغی اجتماع کا دوسرا مرحلہ بھی اختتام پذیر
اشاعت کی تاریخ: 16th, November 2025 GMT
بھارتی عالم دین مولانا محمد ابراہیم دیولہ نے اختتامی دعا کروائی، شرکائے اجتماع کی سہولت کیلئے ریلوئے اسٹیشن پر محکمہ ریلوے کی جانب سے خصوصی اقدامات کئے گئے تھے۔ تمام نان سٹاپ ٹرینوں کے سٹاپ مقرر کئے گئے جبکہ رش کی صورت میں بکنگ کائونٹر کا الگ سے انتظام کیا گیا۔ اسلام ٹائمز۔ رائیونڈ میں جاری عالمی تبلیغی اجتماع اختتامی دعا کے بعد اختتام پذیر ہوگیا۔ اختتامی دعا سے قبل مولانا عبدالرحمان آف بمبئی نے شرکاء کو خصوصی ہدایات دیں جبکہ اختتامی دعا مولانا محمد ابراہیم نے کروائی۔ دعا کے بعد شرکاء اپنے علاقوں کو روانہ ہوگئے۔ شرکائے اجتماع کی سہولت کیلئے ریلوئے اسٹیشن پر محکمہ ریلوے کی جانب سے خصوصی اقدامات کئے گئے تھے۔ تمام نان سٹاپ ٹرینوں کے سٹاپ مقرر کئے گئے جبکہ رش کی صورت میں بکنگ کائونٹر کا الگ سے انتظام کیا گیا۔ شرکاء اجتماع کی سہولت کیلئے مقامی کارکنان کی جانب سے خدمت کیمپ بھی لگا دیا گیا تھا، جہاں شرکاء کو تمام ٹرینوں کی معلومات اور کھانا فراہم کیا گیا۔
اجتماع میں شریک ہونیوالے ارکان اندرون، بیرون ملک دعوت و تبلیغ کیلئے روانہ ہوگئے۔ پنڈال کو آنیوالے راستوں کو عام ٹریفک کیلئے بند کر دیا گیا تھا۔ شرکا کے انخلا کیلئے تمام روڈز پر یک طرفہ ٹریفک چلائی گئی۔ لاہور روڈ، سندر روڈ اور قصور روڈ پر ٹریفک وارڈنز کی اضافی نفری تعینات کی گئی تھی، جنہوں نے شرکاء کا انخلاء یقینی بنایا۔ ایل ڈبلیو ایم سی، ریسکیو 1122 سمیت تمام ادارے آن بورڈ رہے۔ رائیونڈ جانیوالی تمام سڑکیں یکطرفہ کر دی گئی تھیں، صرف اجتماع کے شرکا کو ہی دونوں اطراف سے واپس جانے کا راستہ دیا گیا تھا۔
ذریعہ
ذریعہ: Islam Times
کلیدی لفظ: اختتامی دعا
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی