مینار پاکستان اجتماع میں سعودی عرب، فلسطین، ایران سمیت تمام اسلامی ممالک کے وفود شریک ہونگے، عبدالواسع
اشاعت کی تاریخ: 14th, November 2025 GMT
جماعت اسلامی خیبر پختونخوا کے امیر کا کہنا تھا کہ تمام تیاریاں آخری مراحل میں ہیں اور کارکنان کی سہولت کے لیے ہر ممکن اقدامات اٹھائے جا رہے ہیں۔ اب تک دنیا بھر کی 130 اسلامی تنظیمیں اجتماعِ عام میں شرکت کی دعوت قبول کر چکی ہیں۔ اسلام ٹائمز۔ جماعتِ اسلامی خیبر پختونخوا وسطی نے 21 سے 23 نومبر تک مینارِ پاکستان لاہور میں “بدل دو نظام” کے عنوان سے ہونے والے اجتماعِ عام میں عوام کی بڑی تعداد میں شرکت کے لیے اپنی تیاریاں مزید تیز کر دی ہیں۔ اس بار خیبر پختونخوا سے ماضی کے مقابلے میں ریکارڈ حاضری متوقع ہے، جس میں خواتین اور بچوں کی بھی بڑی تعداد شامل ہوگی۔ پشاور شہر کے قومی اسمبلی حلقہ این اے-32 سے عوام کی بڑی تعداد میں شرکت کو یقینی بنانے کے لیے خصوصی ٹرین 20 نومبر کو رات 7 بجے سٹی ریلوے اسٹیشن پشاور سے روانہ ہوگی۔ صوبے کے دیگر اضلاع اور حلقوں سے بھی ضلعی و مقامی امراء کی قیادت میں بسوں، کوسٹرز، ہائی ایس اور دیگر چھوٹی بڑی ہزاروں گاڑیوں پر مشتمل قافلے 20 اور 21 نومبر کو لاہور روانہ ہوں گے۔ اس امر کا اعلان امیر جماعتِ اسلامی خیبر پختونخوا وسطی عبدالواسع نے مینارِ پاکستان لاہور میں اجتماعِ عام کی تیاریوں کے حوالے سے منعقدہ جائزہ اجلاس میں شرکت کے بعد کیا۔ وہ مرکز اسلامی پشاور میں صوبائی جنرل سیکرٹری و سابق رکنِ قومی اسمبلی صابرحسین اعوان اور نائب امیر میاں صہیب الدین کاکاخیل کے ہمراہ پشاور کے صحافیوں سے خصوصی نشست میں گفتگو کر رہے تھے۔
اس موقع پر صوبائی ڈائریکٹر میڈیا احمد فرقان خلیل، نورالواحد جدون اور ضلع پشاور کے ترجمان و سابق ناظم طارق متین بھی موجود تھے۔ عبدالواسع نے کہا کہ گریٹر اقبال پارک (مینارِ پاکستان گراؤنڈ)، بادشاہی مسجد لاہور اور اس سے متصل پارکس میں 384 ایکڑ سے زائد رقبے پر کل پاکستان اجتماعِ عام کی تیاریاں زور و شور سے جاری ہیں۔ انہوں نے بتایا کہ اجتماع کے موقع پر بیک وقت لاکھوں افراد کے لیے طعام کا انتظام کیا گیا ہے، جبکہ شرکاء کے لئے قیام گاہیں اور طہارت خانے قائم کیے جا رہے ہیں۔ اس کے علاوہ بادشاہی مسجد کے غیر فعال طہارت خانوں کو بھی فعال کیا جا رہا ہے۔ انہوں نے کہا کہ یہ اجتماع نظام کی تبدیلی کا نقطۂ آغاز ثابت ہوگا۔ اجتماعِ عام کا بجٹ کروڑوں روپے پر مشتمل ہے، جس کے اخراجات جماعتِ اسلامی کے اپنے چندہ نظام کے ذریعے پورے کیے جائیں گے۔ اجتماع کے دوران اندرونی سیکیورٹی کا انتظام جماعت کے رضاکاروں کے سپرد کیا گیا ہے۔
انہوں نے مزید کہا کہ تمام تیاریاں آخری مراحل میں ہیں اور کارکنان کی سہولت کے لیے ہر ممکن اقدامات اٹھائے جا رہے ہیں۔ عبدالواسع نے بتایا کہ اب تک دنیا بھر کی 130 اسلامی تنظیمیں اجتماعِ عام میں شرکت کی دعوت قبول کر چکی ہیں۔ بنگلہ دیش، سعودی عرب، فلسطین، ایران، ترکی، افغانستان سمیت تمام اسلامی ممالک، نیز یورپ اور دیگر غیر اسلامی ممالک سے تعلق رکھنے والی اسلامی تنظیموں کے وفود بھی اس اجتماع میں شریک ہوں گے۔ انہوں نے کہا کہ خیبر پختونخوا کے طول و عرض میں اجتماعِ عام کی تیاریوں کے سلسلے میں غیر معمولی سرگرمیاں جاری ہیں، اور توقع ہے کہ اس بار ماضی کے مقابلے میں ریکارڈ تعداد میں مرد و خواتین شرکت کریں گے۔ انہوں نے مزید کہا کہ عوام کی غیر معمولی دلچسپی کے پیش نظر مرکزی نظم کو آگاہ کر دیا گیا ہے، جس کے بعد منتظمین نے گریٹر اقبال پارک سے متصل تاریخی بادشاہی مسجد اور اس کے گردونواح میں واقع پارکس میں بھی شرکائے اجتماع کے لیے پنڈال لگانے اور انتظامات کو مزید وسیع کر دیا ہے۔
ذریعہ
ذریعہ: Islam Times
کلیدی لفظ: خیبر پختونخوا میں شرکت انہوں نے کے لیے کہا کہ
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار