پاکستانی طلبہ کے لیے بڑی خوشخبری: عمان کی حکومت نے مکمل فنڈڈ اسکالرشپ کا اعلان کر دیا
اشاعت کی تاریخ: 17th, August 2025 GMT
اگر آپ 23 سال یا اس سے کم عمر پاکستانی طالب علم ہیں اور اعلیٰ تعلیم کے خواب دیکھ رہے ہیں تو یہ موقع آپ کے لیے ہے! عمان کی حکومت نے کلچر اینڈ سائنٹیفک کوآپریشن پروگرام کے تحت پاکستانی نوجوانوں کے لیے مکمل فنڈڈ اسکالرشپ کا اعلان کیا ہے۔
یہ اسکالرشپ نہ صرف تعلیمی اخراجات کو مکمل طور پر کور کرے گی، بلکہ بین الاقوامی سطح پر تعلیمی معیار کے مطابق آپ کو عمان کی بہترین جامعات میں تعلیم حاصل کرنے کا موقع بھی فراہم کرے گی۔
کن مضامین میں تعلیم حاصل کی جا سکتی ہے؟
اس اسکالرشپ کے ذریعے منتخب امیدوار عمان کی سرفہرست یونیورسٹیوں میں جن شعبہ جات میں بیچلر کی سطح پر تعلیم حاصل کر سکیں گے،ان میںانجینئرنگ ، ہیومینٹیز،آئی ٹی ،سائنس اورمیڈیسن شامل ہیں
کون درخواست دے سکتا ہے؟
درخواست دہندگان کے لیے درج ذیل اہلیت کا معیار طے کیا گیا ہے
پاکستانی شہریت ہونی چاہیے
عمر 23 سال یا اس سے کم ہونی چاہیے
انٹرمیڈیٹ یا مساوی تعلیم (گریڈ 12) گزشتہ تین سال میں مکمل کی گئی ہو
طبی لحاظ سے فٹ ہوں
عمان کی وزارت تعلیم سے مساوات کا سرٹیفکیٹ حاصل کیا گیا ہو
درخواست کے لیے درکار دستاویزات
قابلِ قبول پاسپورٹ
تعلیمی اسناد (میٹرک و انٹر)
عمانی مساوات کا سرٹیفکیٹ
انگریزی زبان کی مہارت کا ثبوت (اگر دستیاب ہو)
درخواست دینے کا طریقہ اور احتیاطی تدابیر
تمام درخواستیں انگریزی زبان میں جمع کرانی ہوں گی
فائل اپ لوڈ کرتے وقت یہ بات ذہن میں رکھیں
PDF فائل کا سائز 2MB سے زیادہ نہ ہو
تصاویر کی فائل 1MB تک محدود ہو
فائل ناموں میں اسپیشل کیریکٹرز (جیسے % # وغیرہ) استعمال نہ کریں
ذریعہ: Daily Mumtaz
پڑھیں:
کراچی: بارہویں جماعت سائنس پری انجینئرنگ کے نتائج کا اعلان
—تصاویر بشکریہ بورڈ آف انٹرمیڈیٹ کراچیاعلیٰ ثانوی تعلیمی بورڈ کراچی نے انٹرمیڈیٹ بارہویں جماعت سائنس پری انجینئرنگ گروپ کے سالانہ امتحانات برائے 2025ء کے نتائج کا اعلان کر دیا۔
چیئرمین انٹر بورڈ کراچی فقیر محمد لاکھو نے نتائج کا اعلان کرتے ہوئے بتایا ہے کہ سائنس پری انجینئرنگ گروپ کے امتحانات میں پہلی تینوں پوزیشنز طالبات نے حاصل کی ہیں جبکہ پہلی پوزیشن مشترکہ طور پر 2 طالبات نے حاصل کی۔
انہوں نے بتایا کہ سائنس پری انجینئرنگ گروپ کے امتحانات میں پہلی پوزیشن مشترکہ طورپر عثمان پبلک اسکول کیمپس ون کی طالبہ لائبہ انصاری بنت محمد عاصم عبدالعزیز رول نمبر 219251 اور بی اے ایم ایم پی ای سی ایچ ایس گورنمنٹ کالج فار ویمن کی طالبہ سیدہ عنزیلہ حیدر زیدی بنت سید عقیل حیدر زیدی رول نمبر 221331 نے ٹوٹل 1100میں سے 1019 نمبرز اے ون گریڈ کے ساتھ حاصل کی۔
چیئرمین انٹر بورڈ کراچی نے مزید بتایا کہ بی اے ایم ایم پی ای سی ایچ ایس گورنمنٹ کالج فار ویمن کی طالبہ آئزل مرحا بنت زبیر عارف رول نمبر 221211 نے 1014نمبرز اے ون گریڈ کے ساتھ دوسری پوزیشن جبکہ ہمدرد انٹرمیڈیٹ کالج فار سائنس اینڈ کامرس بلاک ایچ نارتھ ناظم آباد کی طالبہ حفصہ عمران بنت عمران رول نمبر 219422 نے 1010 نمبرز اے ون گریڈ کے ساتھ تیسری پوزیشن حاصل کی۔
ناظم امتحانات زرینہ راشد نے نتائج کی تفصیلات بتاتے ہوئے کہا کہ سائنس پری انجینئرنگ گروپ کے امتحانات میں 21ہزار 617 امیدوارو ں نے رجسٹریشن حاصل کی جبکہ 21 ہزار 19 امیدوار امتحانات میں شریک ہوئے جن میں سے 11 ہزار 547 امیدوار کامیاب قرار پائے، اس طرح کامیابی کا تناسب 54.94 فیصد فیصد رہا۔
انہوں نے بتایا کہ ان امتحانات میں 1035 امیدوار اے ون گریڈ، 1762 اے گریڈ، 2351 بی گریڈ، 2938 سی گریڈ، 3124 ڈی گریڈ، 296 ای گریڈ میں کامیاب قرار پائے جبکہ41 امیدوار پاس ہوئے۔
کربلا میں پاکستانی زائرین کے لئے موکب ام المومنین خدیجہ الکبریؑ کا قیام