پی ٹی آئی نومبر احتجاج؛ مزید چار ملزمان کو سزا سنا دی گئی
اشاعت کی تاریخ: 19th, August 2025 GMT
اسلام آباد:
نومبر احتجاج کے مقدمے میں انسداد دہشتگری عدالت نے مزید چار ملزمان کو سزا سنا دی۔
سزا تھانہ انجرا ضلع اٹک کے مقدمہ نمبر 212 میں سنائی گئی۔ ملزمان جاوید اقبال، خان محمد، سردار خان اور عامر خان کو چار چار ماہ قید کی سزا سنائی گئی۔
جج امجد علی شاہ کے روبرو چار ملزمان نے اقبال جرم کیا، جج نے ملزمان کو شوکاز نوٹس جاری کر دیا۔
پراسیکیوٹر سید ظہیر شاہ نے استغاثہ کی جانب سے ملزمان پر الزامات عدالت کو بتاتے ہوئے کہا کہ ملزمان نے ساتھیوں کے ساتھ ملکر پولیس اور ریاستی املاک پر حملہ کیا، ملزمان ریاست کے احکامات کی خلاف ورزی کرتے ہوئے نقص امن کا باعث بنے۔
ملزمان نے الزامات کا دفاع نہیں کیا اور الزامات کو قبول کر لیا۔ ملزمان نے اقبالی بیان دیا کہ قیادت کے اکسانے پر احتجاج اور جلاؤ گھیراؤ میں شامل ہوئے۔
ملزمان نے استدعا کی کہ غریب ہیں، عدالت سے رحم کی اپیل ہے۔
اے ٹی سی جج امجد علی شاہ نے چار چار ماہ قید کی سزا سنا دی، عرصہ حوالات بھی سزا میں شامل ہوگا۔
.ذریعہ: Express News
پڑھیں:
توشہ خانہ 2 کیس کی اڈیالہ جیل میں سماعت، 20ویں گواہ پر جرح
بانی پی ٹی ائی اور ان کی اہلیہ کے خلاف توشہ خانہ 2 کیس کی اڈیالہ جیل میں سماعت ہوئی، مقدمہ میں 20 گواہان کی شہادت قلمبند کرکے 19 پر جرح مکمل کی جا چکی ہے، ،سماعت کے دوران بانی پی ٹی آئی بشری بی بی کو کمرہ عدالت پیش کیا گیا، عدالت نے استغاثہ کے 20ویں گواہ پر جرح کل تک جاری رکھتے ہوئے سماعت ملتوی کر دی۔ اسلام ٹائمز۔ بانی پی ٹی ائی عمران خان اور بشری بی بی کے خلاف توشہ خانہ 2 کیس کی اڈیالہ جیل میں سماعت ہوئی۔ مقدمہ کی سماعت سپیشل جج سینٹرل اسلام آباد شاہ رخ ارجمند نے اڈیالہ جیل میں کی، عمران خان کی جانب قوسین فیصل پیش ہوئے جب کہ ایف آئی اے کی جانب سے سپیشل پبلک پراسیکیوٹر عمیر مجید ملک عدالت پیش ہوئے۔ سماعت کے دوران استغاثہ کے 19ویں گواہ پر وکیل صفائی قوسین فیصل نے جرح مکمل کی، عدالت نے استغاثہ کے 20ویں گواہ پر جرح کل تک جاری رکھتے ہوئے سماعت ملتوی کر دی۔
یاد رہے مقدمہ میں 20 گواہان کی شہادت قلمبند کرکے 19 پر جرح مکمل کی جا چکی ہے ،سماعت کے دوران بانی پی ٹی آئی بشری بی بی کو کمرہ عدالت پیش کیا گیا۔ دوسری جانب سماعت کے دوران بانی کی تینوں بہنیں، بشری بی بی کی بھابھی، بیٹی، داماد، سینیٹر علی ظفر، مشال یوسفزئی بھی عدالت موجود تھے۔
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل