خیبرپختونخوا: مخصوص نشستوں پر منتخب ارکان کی دوبارہ حلف برداری کا معاملہ، کیا سینیٹ الیکشن مشکوک ہوگئے؟
اشاعت کی تاریخ: 25th, August 2025 GMT
خیبر پختونخوا اسمبلی میں مخصوص نشستوں پر منتخب ہونے والے اپوزیشن اراکین نے دوبارہ حلف لینے سے انکار کرتے ہوئے مؤقف اپنایا ہے کہ وہ ایک بار حلف لے چکے ہیں، اس لیے دوبارہ حلف نہیں لیں گے۔ اپوزیشن نے اسمبلی اجلاس سے واک آؤٹ کردیا۔
خیبر پختونخوا اسمبلی کا اجلاس کئی گھنٹے تاخیر سے شروع ہوا۔ ڈپٹی اسپیکر ثریا بی بی، جو اجلاس کی صدارت کررہی تھیں، نے ایجنڈے کے مطابق مخصوص نشستوں پر آنے والے اراکین کو حلف کے لیے کھڑا ہونے اور حلف برداری کا اعلان کرنے کی ہدایت دی۔ تاہم اپوزیشن کے ارکان نے حلف کے لیے اپنی نشستوں پر کھڑے ہونے سے انکار کر دیا، جس کے باعث حلف برداری نہ ہو سکی۔
یہ بھی پڑھیں: گورنر کا اقدام غیر آئینی تھا، مخصوص نشستوں پر منتخب ارکان سے کل دوبارہ حلف لوں گا، اسپیکر کے پی اسمبلی
اس دوران اپوزیشن لیڈر ڈاکٹر عباد اللہ کھڑے ہوئے اور کہاکہ نئے اراکین دوسری بار حلف کیوں اٹھائیں؟ انہوں نے سوال اٹھایا کہ چیف جسٹس پشاور ہائیکورٹ کی ہدایت کے مطابق اراکین پہلے ہی گورنر ہاؤس میں حلف لے چکے ہیں، جس کے بعد سینیٹ انتخابات بھی منعقد ہوگئے۔
اپوزیشن نے مؤقف اپنایا کہ حکومت نے جان بوجھ کر مخصوص نشستوں پر آنے والے اراکین کو سینیٹ الیکشن سے پہلے حلف نہیں دلایا۔ اسپیکر نے 20 جولائی کو اجلاس میں کورم کی نشاندہی پر اجلاس ملتوی کیا، حالانکہ 21 جولائی کو سینیٹ کا الیکشن شیڈول تھا۔
ڈپٹی اسپیکر نے کہاکہ پشاور ہائیکورٹ کے حکم کے مطابق آج ایجنڈے میں حلف برداری شامل تھی، لیکن اپوزیشن کے انکار کے باعث عمل نہ ہو سکا۔ حکومت عدالت کو اراکین کے مؤقف سے آگاہ کرے گی، تاہم اپنی آئینی ذمہ داری پوری کردی گئی ہے۔
نئے اراکین نے گورنر ہاؤس میں حلف کیوں لیا؟سپریم کورٹ نے مخصوص نشستوں کے نظرثانی کیس میں فیصلہ دیا تھا کہ وفاق میں مخصوص نشستیں حکومت کو جبکہ خیبرپختونخوا میں اپوزیشن جماعتوں کو دی جائیں۔ اس کے بعد الیکشن کمیشن نے سینیٹ الیکشن کے لیے 21 جولائی کا شیڈول جاری کیا اور 20 جولائی کو نئے اراکین کی حلف برداری کے لیے اسمبلی اجلاس بلایا گیا۔ تاہم اجلاس کے دوران کورم ٹوٹنے پر اسپیکر نے اجلاس ملتوی کر دیا، جس کی وجہ سے اراکین حلف نہ اٹھا سکے۔
بعد ازاں اپوزیشن نے چیف جسٹس پشاور ہائیکورٹ سے رجوع کیا، جس پر عدالت نے گورنر کو ہدایت کی کہ وہ نئے اراکین سے حلف لیں۔ یوں 20 جولائی کو سینیٹ الیکشن سے ایک دن قبل گورنر ہاؤس میں نئے اراکین نے حلف اٹھا لیا۔
’گورنر ہاؤس میں حلف غیر قانونی تھا‘خیبرپختونخوا حکومت نے مؤقف اپنایا ہے کہ گورنر ہاؤس میں ہونے والی حلف برداری غیر قانونی تھی۔ اسپیکر بابر سلیم سواتی نے چیف جسٹس آف پاکستان کو بھی اس حوالے سے خط لکھا ہے۔ حکومت کا کہنا ہے کہ اسپیکر نے کبھی انکار نہیں کیا تھا، بلکہ کورم نہ ہونے پر اجلاس ملتوی ہوا تھا، اس لیے حلف اسمبلی میں ہونا چاہیے تھا۔
وزیر قانون خیبر پختونخوا نے بھی گورنر ہاؤس میں ہونے والی حلف برداری کو غیر آئینی قرار دیتے ہوئے کہاکہ دوبارہ حلف عدالتی حکم پر لیا جا رہا ہے۔
کیا پشاور ہائیکورٹ نے دوبارہ حلف کا حکم دیا؟پشاور ہائیکورٹ میں اس وقت کیس زیر سماعت ہے۔ عدالت نے سوال اٹھایا کہ کیا اسپیکر اب حلف لینے کے لیے تیار ہیں؟ ایڈووکیٹ جنرل نے جواب دیا کہ اسپیکر تیار ہیں اور پہلے بھی انکار نہیں کیا تھا۔ عدالت نے اسپیکر کو حلف برداری کے لیے شیڈول پیش کرنے کی ہدایت کی، جس پر اسپیکر نے 25 اگست کی تاریخ دی۔
دورانِ سماعت نئے اراکین کے وکیل عامر جاوید نے مؤقف اپنایا کہ اراکین ایک بار حلف لے چکے ہیں، دوبارہ لینے کی ضرورت نہیں۔ انہوں نے کہاکہ حلف کے بعد ہی سینیٹ الیکشن ہوئے اور اگر دوبارہ حلف لیا گیا تو سینیٹ انتخابات مشکوک ہو جائیں گے۔
الیکشن کمیشن کے اسپیشل سیکریٹری لا نے بھی عدالت میں مؤقف اختیار کیا کہ دوبارہ حلف سے سینیٹ الیکشن متنازع ہو جائیں گے۔ عدالت نے اس موقع پر دوبارہ حلف کا کوئی حکم جاری نہیں کیا اور کیس کی سماعت اگلے ماہ تک ملتوی کردی۔
یہ بھی پڑھیں: پشاور ہائیکورٹ کا گورنر خیبرپختونخوا کو مخصوص نشستوں پر منتخب اراکین سے حلف لینے کا حکم
کیا کے پی حکومت سینیٹ الیکشن کے خلاف عدالت جا رہی ہے؟وزیر قانون آفتاب عالم نے ’وی نیوز‘ سے گفتگو میں کہاکہ ابھی تک سینیٹ الیکشن کو چیلنج کرنے کا کوئی فیصلہ نہیں ہوا۔ تاہم ان کا کہنا تھا کہ جب حلف ہی غیر قانونی تھا تو سینیٹ انتخابات بھی مشکوک ہو گئے۔ ان کے مطابق حکومت چاہتی ہے کہ نئے اراکین آئین و قانون کے مطابق اسمبلی میں اسپیکر سے حلف لیں، اس کے بعد آئندہ لائحہ عمل طے کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپوزیشن اراکین اپوزیشن لیڈر پشاور ہائیکورٹ حلف سے انکار خیبرپختونخوا اسمبلی دوبارہ حلف سینیٹ انتخابات سینیٹ انتخابات متنازع گورنر خیبرپختونخوا مخصوص نشستیں وی نیوز.
ذریعہ
ذریعہ: WE News
کلیدی لفظ: اپوزیشن اراکین اپوزیشن لیڈر پشاور ہائیکورٹ حلف سے انکار خیبرپختونخوا اسمبلی دوبارہ حلف سینیٹ انتخابات سینیٹ انتخابات متنازع گورنر خیبرپختونخوا مخصوص نشستیں وی نیوز مخصوص نشستوں پر منتخب سینیٹ انتخابات پشاور ہائیکورٹ گورنر ہاؤس میں سینیٹ الیکشن مؤقف اپنایا نئے اراکین دوبارہ حلف حلف برداری جولائی کو اسپیکر نے عدالت نے کے مطابق میں حلف کے لیے کے بعد
پڑھیں:
اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو عالمی اعزاز پر مبارکباد
اسپیکر قومی اسمبلی سردار ایاز صادق نے وزارتِ خزانہ کی ڈپٹی سیکرٹری محترمہ عائشہ جاوید کو عالمی شہرت یافتہ اشاعتی ادارے راؤٹلیج (Routledge) کی کتاب “Women in Public Finance: Stories of Gender in Budgeting” میں بطور مصنفہ شامل کیے جانے پر دلی مبارکباد پیش کی ہے۔
اسپیکر قومی اسمبلی نے محترمہ عائشہ جاوید کی اس شاندار کامیابی کو پاکستان کے لیے باعثِ فخر قرار دیتے ہوئے کہا کہ ان کا تحریر کردہ باب “Limitless Skies and Endless Dreams” ان کی پیشہ ورانہ صلاحیتوں، محنت اور عوامی مالیات، پالیسی سازی اور صنفی حساس بجٹ سازی (Gender-Responsive Budgeting) کے شعبوں میں پاکستانی خواتین کے بڑھتے ہوئے کردار کی بھرپور عکاسی کرتا ہے۔
مزیدپڑھیں:میسی ارجنٹائن کے صدر بنیں گے؟ نئی پیشگوئی نے سب کو حیران کردیا
اسپیکر قومی اسمبلی سردار ایاز صادق نے کہا کہ بین الاقوامی سطح پر پاکستانی خواتین کی کامیابیاں نہ صرف ملک کا مثبت تشخص اجاگر کرتی ہیں بلکہ پاکستان کے سرکاری شعبے سے وابستہ افسران کی غیر معمولی صلاحیتوں، لگن اور پیشہ ورانہ مہارت کا بھی ثبوت ہیں۔ انہوں نے کہا کہ ایسے اعزازات بالخصوص نوجوان خواتین کے لیے باعثِ تحریک ہیں اور انہیں قومی ترقی اور عوامی خدمت میں مؤثر کردار ادا کرنے کی ترغیب دیتے ہیں۔
اسپیکر قومی اسمبلی سردار ایاز صادق نے اس عزم کا اعادہ کیا کہ خواتین کی بااختیار شرکت، قیادت اور پیشہ ورانہ ترقی کے فروغ کے لیے ہر ممکن اقدامات کی حمایت جاری رکھی جائے گی۔ انہوں نے کہا کہ میرٹ، مساوی مواقع اور شمولیتی ماحول ہی مؤثر طرزِ حکمرانی اور پائیدار قومی ترقی کی ضمانت ہیں
بھارت سے جنگ اور افغانستان میں کارروائی خارج ازامکان نہیں، وزیردفاع