ریٹائرمنٹ کے 4 سال بعد اے بی ڈویلیئرز کی کرکٹ میں واپسی؟
اشاعت کی تاریخ: 26th, August 2025 GMT
جنوبی افریقہ کے سابق اسٹار بلے باز اے بی ڈویلیئرز نے اشارہ دیا ہے کہ وہ ایک بار پھر انڈین پریمیئر لیگ (آئی پی ایل) میں واپسی کر سکتے ہیں، تاہم اس بار کھلاڑی کے طور پر نہیں بلکہ کوچ یا مینٹور کی حیثیت سے۔
اے بی ڈویلیئرز، جنہوں نے 2021 میں تمام طرز کی کرکٹ سے ریٹائرمنٹ کا اعلان کیا تھا، اپنے کیریئر کا بڑا حصہ رائل چیلنجرز بنگلور (آر سی بی) کے ساتھ کھیلتے رہے۔
انہوں نے کہا کہ میں مستقبل میں آئی پی ایل کا حصہ بن سکتا ہوں، مگر ایک مکمل سیزن بطور پروفیشنل کھیلنا اب ممکن نہیں۔ پھر بھی آپ کبھی نہیں کہہ سکتے کہ کبھی نہیں۔ میرا دل ہمیشہ آر سی بی کے ساتھ ہے۔ اگر ٹیم کو لگتا ہے کہ میرے لیے کوئی کردار ہے، تو وہ ضرور کوچ یا مینٹور کے طور پر ہوگا۔
مزید پڑھیں: ورلڈ چیمپیئن شپ آف لیجنڈز فائنل: جنوبی افریقہ نے پاکستان کو ہرا کر ٹائٹل اپنے نام کرلیا
ڈویلیئرز کا آر سی بی میں شاندار سفر2011 سے 2021 تک آر سی بی کے لیے کھیلا۔
157 میچز میں 4,522 رنز اسکور کیے۔
اوسط: 41.
2 سینچریاں اور 37 نصف سینچریاں۔
ان کے مجموعی آئی پی ایل کیریئر کے اعدادوشمار بھی شاندار ہیں:184 میچز، 5,162 رنز۔
اسٹرائیک ریٹ: 151.68۔
مزید پڑھیں: ایشیا کپ: پاکستانی کرکٹ ٹیم کولمبو پہنچ گئی
3 سینچریاں اور 40 نصف سینچریاں۔
ریکارڈز اور یادگار لمحات2016 میں ویرات کوہلی کے ساتھ 229 رنز کی شراکت (آئی پی ایل کی سب سے بڑی پارٹنرشپ)۔ اسی سال 687 رنز اسکور کرکے ٹورنامنٹ کے ٹاپ اسکوررز میں تیسرے نمبر پر رہے۔ 2022 میں انہیں کرس گیل کے ساتھ آر سی بی ہال آف فیم میں شامل کیا گیا۔
کرکٹ ماہرین کا ماننا ہے کہ اگر اے بی ڈویلیئرز آر سی بی میں کوچنگ یا مینٹورشپ کے ساتھ واپس آتے ہیں، تو نوجوان کھلاڑیوں کے لیے یہ ایک بڑا اثاثہ ثابت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے بی ڈویلیئرز جنوبی افریقہ رائل چیلنجرز بنگلور
ذریعہ
ذریعہ: WE News
کلیدی لفظ: جنوبی افریقہ رائل چیلنجرز بنگلور آئی پی ایل کے ساتھ
پڑھیں:
علماء کا سرویکل کینسر سے بچاؤ کی مہم میں محکمہ صحت کے ساتھ تعاون کا اعلان
پشاور (بیورو رپورٹ) خیبر پی کے کے علماء کرام نے سرویکل کینسر سے بچاؤ کی مہم میں محکمہ صحت کے ساتھ بھرپور تعاون کا اعلان کر دیا۔ اس ضمن میں محکمہ صحت خیبر پی کے نے یونیسیف کے تعاون سے متحدہ علماء بورڈ خیبر پی کے اور تنظیمات المدارس خیبر پی کے کے اشتراک سے سرویکل کینسر سے بچاؤ کے موضوع پر ایک اہم مشاورتی ورکشاپ کا انعقاد کیا۔ ورکشاپ میں مختلف مکاتب فکر سے تعلق رکھنے والے ممتاز علماء کرام نے شرکت کی۔ ورکشاپ کا مقصد علماء کرام اور محکمہ صحت کے درمیان اعتماد، تعاون اور مشترکہ کوششوں کو فروغ دینا تھا تاکہ خواتین اور بچیوں کو سروائیکل کینسر سے محفوظ رکھنے کے لیے مؤثر آگاہی پیدا کی جا سکے۔ اجلاس کے دوران علماء کرام نے اس اقدام کو سراہا اور کئی اہم سفارشات پیش کیں۔ انہوں نے ویکسین کے اجزاء، حفاظت اور تیاری کے بارے میں واضح معلومات فراہم کرنے، سوشل میڈیا، ٹی وی، ریڈیو، جمعہ کے خطبات، بل بورڈز، ہسپتالوں اور دیگر ذرائع سے بھرپور آگاہی مہم چلانے، علماء اور ماہر ڈاکٹروں کی مشاورت سے مشترکہ فتویٰ جاری کرنے، کینسر کے ماہرین اور علماء کے درمیان مسلسل رابطہ رکھنے، تمام مکاتب فکر کو ساتھ لے کر چلنے، بچیوں کی رازداری اور پردے کا مکمل خیال رکھنے اور محکمہ صحت کی قیادت میں آگاہی مہم کو آگے بڑھانے پر زور دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع