یوٹیلیٹی اسٹورز ملازمین کیلیے 30.216 ارب کا پیکج منظور
اشاعت کی تاریخ: 29th, August 2025 GMT
اسلام آباد:
کابینہ کی اقتصادی رابطہ کمیٹی (ای سی سی) نے یوٹیلٹی اسٹورز کارپوریشن کی بندش کے عمل کو احسن انداز میں آگے بڑھانے کیلیے یوٹیلٹی اسٹورز ملازمین کیلیے 30.216ارب روپے کے مالی پیکیج کی منظوری دیدی ہے۔
اس میں سے 25 ارب روپے ملازمین کی برطرفی کیلیے بطورگولڈن ہینڈ شیک جبکہ بقیہ 5 ارب روپے واجبات، تنخواہوں اور عارضی طور پر برقرار 832 ملازمین کی ادائیگی کے لیے مختص کیے گئے ہیں، جنہیں بھی ایک سال کے اندر فارغ کر دیا جائے گا۔
اقتصادی رابطہ کمیٹی کا اجلاس جمعرات کو وفاقی وزیر خزانہ محمد اورنگزیب کی زیرصدارت ہوا۔ اجلاس میں وزرائے خوراک، تجارت،توانائی، معاون خصوصی صنعت و پیداواراوردیگرحکام شریک ہوئے۔
اجلاس میں یوٹیلٹی سٹورز کارپوریشن کی بندش کیلئے تکنیکی ضمنی گرانٹ اورکارپوریشن کی منظم بندش کے لیے فنڈنگ پلان کی منظوری دی گئی۔کمیٹی نے ای سی سی نے ملازمین کے واجبات، گریجویٹی اور مراعات کی ادائیگی یقینی بنانے کا بھی اعلان کیا ہے۔
یوٹیلٹی سٹورز کے اثاثے اور جائیدادیں رواں مالی سال فروخت کی جائیں گی،فروخت سے حاصل رقم بندش کے اخراجات پورے کرنے میں استعمال ہوگی۔اجلاس میں وزارت صنعت و پیداوار کو مالی ضروریات مزید کم کرنے کی ہدایت کی گئی۔
وزیرخزانہ محمد اورنگزیب نے بندش کے عمل کو شفاف اور منظم طریقے سے مکمل کرنے پر زور دیتے ہوئے کہا کہ حکومت ملازمین کے حقوق کے تحفظ اور مالی نظم و ضبط پر پرعزم ہے۔
حکومت کے اس عمل کے ساتھ ہی نصف صدی پرانے اس ادارے پر پردہ گر گیا ہے جو ملک بھر میں غریب عوام کو سبسڈی پر اشیائے خوردونوش فراہم کرتا رہا ہے۔
1971 میں جنرل یحییٰ خان کے دور میں قائم ہونے والا یہ ادارہ 5,600 آؤٹ لیٹس کے ذریعے عام شہریوں کو بنیادی اشیائے ضرورت رعایتی نرخوں پر مہیا کرتا اور قیمتوں کو متوازن رکھنے میں بھی کردار ادا کرتا رہا ہے۔
تاہم برسوں کی بدانتظامی اور نااہل افراد کی تقرریوں کے باعث ادارہ خسارے میں چلا گیا اور بالآخر حکومت نے بغیر کسی کو جوابدہ ٹھہرائے اس کے دروازے بند کرنے کا فیصلہ کر لیا۔
ای سی سی کو بتایا گیا کہ سابق صدر پرویز مشرف کے دور میں یوٹیلٹی سٹورز کا نیٹ ورک 1,023 سے بڑھا کر 5,557 سٹورز اور عملہ 3,892 سے بڑھا کر 12,749 تک کر دیا گیا تھا۔ تاہم موجودہ حکومت نے سالانہ 2 ارب روپے کے نقصان سے بچنے کے لیے ادارے کو بند کرنے کا فیصلہ کیا۔
وزارت خزانہ نے وضاحت دی کہ یہ اقدام قومی خزانے پر یو ایس سی کے مالی بوجھ کو ختم کرنے اور ملازمین کو واجبات کی ادائیگی یقینی بنانے کے لیے کیا گیا ہے تاکہ ان پر سماجی و معاشی اثرات کو کم کیا جا سکے۔
ای سی سی کو آگاہ کیا گیا کہ یو ایس سی کی 21 جائیدادوں کی قیمت 10.
ذریعہ
ذریعہ: Express News
کلیدی لفظ: ملازمین کی ارب روپے بندش کے کے لیے
پڑھیں:
کے پی اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم ہے، الیکشن کمیشن
الیکشن کمیشن نے خیبر پختونخوا اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم قرار دے دیا۔
اسلام آباد سے الیکشن کمیشن کے خط کے مطابق خیبر پختونخوا اسمبلی کی جانب سے کی جانے والی ترمیم آئین اور قانون سے متصادم ہے۔
الیکشن کمیشن آف پاکستان کے ایڈیشنل ڈائریکٹر جنرل چوہدری ندیم قاسم کی جانب سے چیف سیکریٹری خیبر پختونخوا کو تحریر کیے گئے خط کے مطابق خیبر پختونخوا اسمبلی نے بلدیاتی حکومت کا نیا ترمیمی بل 6 جولائی کو منظور کیا۔
الیکشن کمیشن کے خط کے مطابق گورنر کے پی نے بلدیاتی حکومت کے نئے ترمیمی بل کی توثیق کر دی ہے، ترمیم کے مطابق ضلع میں ویلیج اور نیبر ہڈ کونسل کی آبادی 30 سے 40 ہزار کے درمیان ہوگی، ترمیم کے مطابق الیکشن کمیشن حکومت سے مشاورت سے کوئی تبدیلی کر سکے گا۔
خط کے مطابق الیکشن ایکٹ اور آئین کے مطابق بلدیاتی حکومتوں کے الیکشن کے لیے حلقہ بندی کرنا الیکشن کمیشن کا اختیار ہے، حلقہ بندی کے معاملے پر حکومت سے مشاورت بھی آئین کی روح کے خلاف ہے۔
الیکشن کمیشن کے خط کے مطابق الیکشن کمیشن کے لیے اس ترمیم کے تحت 30 سے 40 ہزار کی آبادی کے لیے حلقہ بندی کرنا قابل عمل نہیں۔
خط کے متن کے مطابق آئین کے تحت کوئی قانون الیکشن کمیشن کے اختیارات نہیں لے سکتا، اتنی تاخیر سے یہ ترمیم کرنا بظاہر بلدیاتی انتخابات میں تاخیر کا حربہ ہے۔
الیکشن کمیشن کے خط کے مطابق خیبر پختونخوا حکومت اس معاملے پر معاونت کرے تاکہ بلدیاتی انتخابات کا انعقاد کیا جا سکے۔
بھارت سے جنگ اور افغانستان میں کارروائی خارج ازامکان نہیں، وزیردفاع