اسسٹنٹ کمشنر پتوکی فرقان احمد دوران ڈیوٹی چل بسے
اشاعت کی تاریخ: 31st, August 2025 GMT
اسسٹنٹ کمشنر پتوکی، فرقان احمد، سیلاب سے متاثرہ علاقوں کا معائنہ کرنے کے دوران دل کا دورہ پڑنے سے جان بحق ہو گئے۔ یہ واقعہ ہیڈ بلوکی کے علاقے میں پیش آیا، جہاں وہ دریائے راوی کے کنارے سیلاب زدہ مقامات کا دورہ کر رہے تھے۔
افسوسناک خبر
اسسٹنٹ کمشنر پتوکی فرقان احمد سیلابی دورے کے دوران دل کا دورہ پڑنے سے جامِ شہادت نوش کر گئے۔
قوم کا یہ بہادر سپاہی عوام کی خدمت کرتے ہوئے اپنی جان قربان کر گیا۔
اللہ پاک ان کی خدمات قبول فرمائے اور جنت الفردوس میں اعلیٰ مقام عطا کرے pic.
— Pervaiz Sandhila (@chsandhilaa) August 31, 2025
پی ڈی ایم اے پنجاب کے ترجمان کے مطابق، فرقان احمد کی لاش فوری طور پر اسپتال منتقل کر دی گئی ہے۔ مرحوم کی وفات علاقے میں جاری سیلابی حالات کے دوران ایک بہت بڑا صدمہ قرار دی گئی ہے۔
پنجاب میں اس وقت دریائے راوی، چناب اور ستلج میں خطرناک سیلابی صورتحال برقرار ہے، اور مختلف حادثات میں اب تک 33 افراد جاں بحق ہو چکے ہیں جبکہ 20 لاکھ سے زائد افراد متاثر ہوئے ہیں۔
یہ بھی پڑھیں:پنجاب میں تاریخ ساز سیلاب، 20 لاکھ سے زائد افراد متاثر ہوئے، مریم اورنگزیب
میڈیا رپورٹس کے مطابق، مقامی انتظامیہ متاثرہ علاقوں میں فوری امدادی کارروائیاں جاری رکھے ہوئے ہے، اور سیلاب زدگان کے لیے عارضی کیمپ قائم کیے جا رہے ہیں تاکہ انہیں محفوظ مقامات پر منتقل کیا جا سکے۔
یہ واقعہ پنجاب میں جاری سیلابی بحران کی سنگینی اور محکموں کے اہلکاروں کی قربانی کو بھی واضح کرتا ہے، جو مشکل حالات میں عوام کی خدمت کے لیے سرگرم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسسٹنٹ کمشنر انتقال پتوکی سیلابذریعہ: WE News
پڑھیں:
وزیراعلیٰ پنجاب سرگودہا میں الیکٹرک بس سروس کا افتتاح 19 ستمبرکو کریں گی، کمشنر
سرگودہا (اُردو پوائنٹ اخبارتازہ ترین - اے پی پی۔ 17 ستمبر2025ء) کمشنر سرگودہا ڈویژن جہانزیب اعوان نے بتایا ہے کہ وزیر اعلیٰ پنجاب مریم نواز شریف سرگودہا میں جدید اور ماحول دوست الیکٹرک بس سروس کا افتتاح 19 ستمبر کو کریں گی۔ اُنہوں نے بتایا کہ پہلے مرحلے میں 33 الیکٹرک بسیں سرگودہا شہر کے چھ روٹس پر چلائی جائیں گی تاکہ شہریوں کو معیاری اور آرام دہ سفری سہولت فراہم ہو گی۔ اُنہوں نے کہا کہ یہ منصوبہ نہ صرف شہری بلکہ تمام تحصیل ہیڈکوارٹرز کو بھی کوریج فراہم کرے گا۔ کمشنر نے کہا کہ الیکٹرک بسیں وزیر اعلیٰ پنجاب مریم نواز شریف کا سرگودہا کے عوام کے لیے ایک بہترین تحفہ ہیں۔ ان بسوں میں خواتین کے لیے علیحدہ کمپارٹمنٹ مختص کیا گیا ہے جبکہ یہ مکمل طور پر ماحول دوست ہیں اور کسی قسم کی آلُودگی پیدا نہیں کریں گی۔(جاری ہے)
اُنہوں نےبتایا کہ بسوں کے لیے چارجرز کی تنصیب کا عمل جاری ہے۔ ابتدائی طور پر جنرل بس سٹینڈ پر چار بیز قائم کی گئی ہیں جبکہ لاہور روڈ بائی پاس پر ایک جدید اور باقاعدہ سٹیشن قائم کیا جائے گا تاکہ مستقبل میں اس سروس کو مزید وسعت دی جا سکے۔ کمشنر جہانزیب اعوان نے لاری اڈا پر چارجرز کی تنصیب کے کام کا جائزہ لیا اور متعلقہ محکموں کو ہدایت کی کہ منصوبہ بروقت اور اعلیٰ معیار کے مطابق مکمل کیا جائے۔ اس موقع پر ایڈیشنل ڈپٹی کمشنر(ہیڈ کوارٹر) ماجد بن احمد ، سیکرٹری ڈسٹرکٹ ریجنل ٹرانسپورٹ اتھارٹی ملک محمد طاہر اور دیگر افسران بھی موجود تھے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام