عرفان کھوسٹ نے تین شادیاں کیوں کی؟اداکار نے وجہ بتادی
اشاعت کی تاریخ: 31st, August 2025 GMT
لاہور (شوبز ڈیسک)سینئر اداکار عرفان کھوسٹ نے انکشاف کیا ہے کہ پہلی بیوی کے انتقال کے بعد ان کی بہنوں نے محبت اور خیال کے تحت ان کی مزید دو شادیاں کروائیں۔
’نیو ٹی وی‘ کے ٹاک شو میں گفتگو کرتے ہوئے انہوں نے کہا کہ ریڈیو ان کے خاندان کی پہچان رہا ہے، ان کے والد سلطان کھوسٹ نے ریڈیو سے شہرت حاصل کی، انہوں نے خود بھی ریڈیو سے فنی سفر شروع کیا اور بیٹے سرمد کھوسٹ نے بھی اسی پلیٹ فارم سے کیریئر کا آغاز کیا۔
انہوں نے بتایا کہ انہوں نے مجموعی طور پر تین شادیاں کیں۔ پہلی شادی محبت کی بنیاد پر ہوئی جو سرمد کھوسٹ کی والدہ اور معروف نیوز کاسٹر تھیں۔ وہ بیماری کے باعث انتقال کر گئیں، اس وقت بچے چھوٹے تھے، اسی وجہ سے بہنوں نے ان کے خیال کے تحت مزید دو شادیاں کروائیں۔
عرفان کھوسٹ نے کہا کہ دوسری شادی میں بیوی کو وہ پسند نہیں آئے، جب کہ تیسری شادی میں انہیں بیوی پسند نہ آئیں، جس کے بعد انہوں نے مزید شادی نہ کرنے کا فیصلہ کیا اور باقی زندگی اکیلے گزار دی۔
اپنی پہلی بیوی کی تعریف کرتے ہوئے انہوں نے کہا کہ وہ نہ صرف نیوز کاسٹر تھیں بلکہ بہت خوبصورت بھی تھیں۔ ان کی خوبصورتی دیکھ کر کبھی یہ ڈر بھی ہوتا تھا کہ زیادہ دیکھنے سے کہیں ان کی خوبصورتی کم نہ ہو جائے۔
ذریعہ: Daily Mumtaz
پڑھیں:
لاہور؛ شہری کے قتل کا معمہ حل، بیوی اور اسکا آشنا ملوث نکلے،پولیس
لاہور:(نمائندہ خصوصی)گرین ٹاؤن میں شہری آصف کے قتل کا معمہ حل ہوگیا، مقتول کو اس کی بیوی نے اپنے آشنا کے ساتھ مل کر قتل کیا۔پولیس ذرائع کا کہنا ہے کہ ملزمہ قیصرہ نے اپنے آشنا رضوان شاہ کے ساتھ مل کر شوہر کے قتل کی منصوبہ بندی کی۔ رضوان شاہ مقتول آصف کے پاس کام کرتا تھا اور اسی دوران دونوں کے درمیان تعلقات قائم ہوگئے تھے۔پولیس کے مطابق ملزم رضوان نے آصف کو اس کے کارخانے میں قتل کیا اور بعد ازاں لاش کو موٹر سائیکل پر رکھ کر پتوکی کے قریب نہر میں پھینک دیا۔ ذرائع کے مطابق آصف کے قتل کے بعد اس کی بیوی قیصرہ اپنے آشنا رضوان سے شادی کرنا چاہتی تھی۔
پولیس نے بتایا کہ مقتول آصف کے لاپتا ہونے کا مقدمہ 23 اکتوبر کو خود اس کی بیوی قیصرہ نے ہی درج کرایا تھا تاکہ شک اس سے ہٹ جائے۔ تاہم تفتیش کے دوران شواہد اور بیانات میں تضادات سامنے آئے جس پر پولیس نے قیصرہ اور رضوان شاہ کو حراست میں لے لیا۔پولیس کا کہنا ہے کہ ملزمان سے مزید تفتیش جاری ہے جبکہ مقتول کی لاش نہر سے برآمد کر لی گئی ہے۔
ترکیہ برطانیہ سے 20 یورو فائٹر طیارے خریدے گا، معاہدے طے