کوئٹہ؛ بھائی پر بہن سے مسلسل جنسی زیادتی کا الزام، ملزم گرفتار
اشاعت کی تاریخ: 31st, August 2025 GMT
کوئٹہ:
شہر کے وسطی علاقے جان محمد روڈ پر ایک دل دہلا دینے والے واقعے میں شہری پر اپنی بہن کے ساتھ مسلسل جنسی زیادتی کے سنگین الزامات عائد کیے گئے ہیں۔
پولیس ذرائع کے مطابق ملزم کو گرفتار کرلیا گیا ہے اور اس کیس کی تفتیش سیریس کرائم انویسٹی گیشن یونٹ کر رہا ہے۔
پولیس حکام نے بتایا کہ واقعہ 22 اگست کو رپورٹ ہوا جب متاثرہ خاتون اور اس کے خاندان کی جانب سے شکایت درج کرائی گئی۔
پولیس کے مطابق متاثرہ خاتون نے الزام عائد کیا ہے کہ اس کا بھائی نہ صرف اس کے ساتھ جنسی زیادتی کا مرتکب ہوا بلکہ اسے طویل عرصے سے قابلِ استغراب زیادتی کا نشانہ بناتا رہا ہے۔
شکایت کے بعد ملزم کو فوری طور پر حراست میں لے لیا گیا جبکہ متاثرہ خاتون کو طبی معائنہ اور نفسیاتی امداد کے لیے اسپتال منتقل کیا گیا ہے۔
پولیس ذرائع کے مطابق ملزم کے خلاف پاکستان پینل کوڈ کی متعلقہ دفعات کے تحت ایف آئی آر درج کی گئی ہے۔
پولیس نے مزید بتایا کہ سیریس کرائم انویسٹی گیشن یونٹ نے شواہد اکٹھے کرنے کے لیے جائے وقوع کا معائنہ شروع کر دیا ہے اور متاثرہ کے بیانات قلم بند کیے جارہے ہیں، ڈی این اے ٹیسٹ سمیت دیگر فرانزک شواہد جمع کیے گئے ہیں تاکہ الزامات کی تصدیق اور تفتیش کو مضبوط بنایا جاسکے۔
سیریس کرائم انویسٹی گیشن ٹیم کے ایک سینئر افسر نے بتایا کہ اس کیس کی حساسیت کے پیش نظر تحقیقات کو انتہائی شفافیت اور تیزی سے آگے بڑھایا جارہا ہے۔
انہوں نے کہا کہ ملزم کو عدالت میں پیش کر دیا گیا ہے اور اس کے خلاف قانونی کارروائی عمل میں لائی جائے گی۔
واقعہ رپورٹ ہونے کے بعد مقامی کمیونٹی میں شدید غم و غصہ پایاجاتا ہے، شہریوں اور انسانی حقوق کے کارکنوں نے اس سنگین جرم کی شدید مذمت کی اور خواتین کے تحفظ کے لیے سخت قوانین کے نفاذ اور ان پر عمل درآمد کا مطالبہ کیا ہے۔
مقامی رہنماؤں نے بھی انتظامیہ سے فوری انصاف اور ملزم کو عبرت ناک سزا کے لیے آواز اٹھائی ہے۔
دوسری جانب پولیس نے عوام سے اپیل کی ہے کہ وہ اس طرح کے جرائم کی روک تھام کے لیے قانون نافذ کرنے والے اداروں کے ساتھ تعاون کریں اور کسی بھی مشکوک سرگرمی کی فوری اطلاع دیں۔
پولیس ذرائع نے بتایا کہ سیریس کرائم انویسٹی گیشن حکام تحقیقات مکمل ہونے تک مزید تفصیلات ظاہر کرنے سے گریز کر رہے ہیں۔
.
ذریعہ
ذریعہ: Express News
کلیدی لفظ: سیریس کرائم انویسٹی گیشن بتایا کہ ملزم کو کے لیے
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار