عاطف اسلم کی مداح کا اسٹیج پر بےہودہ ڈانس، ویڈیو پر شدید تنقید
اشاعت کی تاریخ: 3rd, September 2025 GMT
عاطف اسلم اکثر اپنے شاندار کنسرٹس کی وجہ سے خبروں میں رہتے ہیں، لیکن اس بار کینیڈا کے شہر وینکوور سے سامنے آنے والی ایک ویڈیو نے انہیں تنقید کی زد میں لا کھڑا کیا ہے۔
سوشل میڈیا پر وائرل ہونے والی اس ویڈیو میں ایک خاتون مداح کو اسٹیج پر چڑھ کر عاطف اسلم کے سامنے ڈانس کرتے دیکھا جا سکتا ہے۔ مداح کے اس انداز کو زیادہ تر صارفین نے نامناسب قرار دیا اور شدید ناپسندیدگی کا اظہار کیا۔
A post shared by Abbas Aadeez (@abbasaadeez)
کسی نے لکھا کہ موسیقی لوگوں کو حد سے زیادہ دیوانہ بنا دیتی ہے، تو کسی نے کہا کہ یہ بےہودگی ہے جسے جدیدیت سمجھا جا رہا ہے۔ ایک صارف نے طنز کرتے ہوئے تبصرہ کیا کہ یہ لڑکی بالکل اس مچھر جیسی ہے جو واش روم میں جاتے وقت کان کے قریب بھنبھناتا ہے۔
چند افراد نے عاطف اسلم کی ذاتی زندگی پر بھی سوال اٹھائے۔ ایک مداح نے کہا کہ ان کے والد کا حال ہی میں انتقال ہوا ہے اور وہ پھر بھی کنسرٹس میں مصروف ہیں۔ ان کا کہنا تھا کہ شاید والد سے رشتہ اتنا مضبوط نہ تھا کہ انہیں روک پاتا۔
Post Views: 4.ذریعہ: Daily Mumtaz
پڑھیں:
پی ٹی آئی کے ایک اور رہنما میاں محمود الرشید بھی طبیعت بگڑنے پر اسپتال منتقل
data-id="863a0a8" data-element_type="widget" data-widget_type="theme-post-content.default">
لاہور: تحریک انصاف (پی ٹی آئی) کے سینئر رہنما اور سابق صوبائی وزیر میاں محمود الرشید کو طبیعت ناساز ہونے کے باعث لاہور کے جناح اسپتال منتقل کردیا گیا ہے، جہاں ان کے مختلف میڈیکل ٹیسٹ جاری ہیں۔
میڈیا رپورٹس کے مطابق میاں محمود الرشید کو جیل میں دورانِ قید طبی تکلیف محسوس ہونے پر اسپتال لایا گیا، ڈاکٹروں نے فوری طور پر ان کا معائنہ کیا اور متعدد ٹیسٹ تجویز کیے تاکہ مرض کی درست تشخیص کی جا سکے، انہیں سینے میں انفیکشن کی شکایت ہے، اسپتال انتظامیہ کا کہنا ہے کہ حتمی تشخیص میڈیکل رپورٹ آنے کے بعد ہی ممکن ہوگی۔
اسپتال ذرائع کے مطابق معائنے کے دوران ڈاکٹروں نے میاں محمود الرشید کی صحت کو مزید نگرانی میں رکھنے کا فیصلہ کیا ہے۔ انہیں اسپتال کے خصوصی وارڈ میں منتقل کردیا گیا ہے جہاں ان کی حالت پر مسلسل نظر رکھی جارہی ہے۔
دوسری جانب پی ٹی آئی کے ایک اور رہنما عمر سرفراز چیمہ بھی پہلے سے اسپتال میں زیر علاج ہیں۔ انہیں بھی جیل سے طبیعت بگڑنے پر اسپتال منتقل کیا گیا تھا اور ان کا علاج تاحال جاری ہے۔
واضح رہے کہ 9 مئی 2023 کے واقعات سے متعلق مختلف مقدمات میں میاں محمود الرشید اور عمر سرفراز چیمہ سمیت متعدد پی ٹی آئی رہنما انسدادِ دہشت گردی عدالت سے سزائیں کاٹ رہے ہیں۔
ذرائع کے مطابق جیل میں قید دیگر رہنماؤں کی صحت سے متعلق رپورٹس بھی حکام کو ارسال کی جا رہی ہیں تاکہ ضرورت پڑنے پر انہیں بروقت طبی سہولت فراہم کی جاسکے۔
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند