سپریم کورٹ بار کی عدالتی اصلاحات کے لیے تجاویز کیا ہیں؟
اشاعت کی تاریخ: 3rd, September 2025 GMT
سپریم کورٹ بار ایسوسی ایشن نے عدالتی اصلاحات کے لیے اپنی تجاویز پیش کردی ہیں، عدالتوں میں شام کی شفٹ شروع کرنے کی تجویز دی گئی ہے۔
سپریم کورٹ بار ایسوسی ایشن کے صدر میاں رؤف عطا اور سینئر وکیل حافظ احسان کھوکھر نے سپریم کورٹ میں 12 صفحات پر مشتمل تحریری تجاویز جمع کرا دی ہیں جن میں عدالتی فیسوں میں اضافے کی واپسی کا مطالبہ کیا گیا ہے۔
یہ بھی پڑھیں: عدالتی اصلاحات کا ہر قدم سائلین کی ضروریات اور توقعات کے مطابق اٹھایا جائے، چیف جسٹس یحییٰ آفریدی
تجاویز میں مؤقف اپنایا گیا ہے کہ عدالتی فیسوں میں اضافہ آئین کی شق 37-ڈی کے منافی ہے جو سستے اور فوری انصاف کی ضمانت دیتی ہے۔ ان کے مطابق ناروے اور جرمنی میں عدالتی فیس نہایت معمولی ہے جبکہ انصاف کی رسائی صرف مالی طور پر مضبوط افراد تک محدود نہیں ہونی چاہیے بلکہ یہ سہولت تمام شہریوں کو حاصل ہونی چاہیے۔
عدالتوں میں شام کی شفٹ کی تجویزتحریری تجاویز میں کہا گیا ہے کہ برطانیہ اور بھارت میں فوری شنوائی والے مقدمات کے لیے شام تک عدالتیں لگتی ہیں، اسی طرز پر سپریم کورٹ میں بھی شام کو عدالتی بنچز تشکیل دیے جائیں۔
کیسز کے فیصلے کی مدتتجاویز میں مزید کہا گیا ہے کہ سپریم کورٹ میں دائر ہر اپیل کا فیصلہ ایک سال میں جبکہ سول اپیل کا فیصلہ 6 ماہ میں کیا جائے۔
یہ بھی پڑھیں: پشاور میں چیف جسٹس آف پاکستان کی زیر صدارت اجلاس، عدالتی اصلاحات پر زور
بار ایسوسی ایشن نے تجویز دی ہے کہ سپریم کورٹ میں جب کوئی مقدمہ کاز لسٹ میں فکس ہوجائے تو غیر معمولی صورتحال یا ایمرجنسی کے بغیر اسے ڈی لسٹ نہ کیا جائے، اور اگر ڈی لسٹ ہو تو لازمی طور پر اگلے ورکنگ ڈے میں دوبارہ فکس کیا جائے۔
شارٹ آرڈر فیصلے کے دن جاری کیا جائےپیش کردہ تجاویز میں یہ بھی کہا گیا ہے کہ مقدمے کا شارٹ آرڈر اُسی دن جاری ہونا چاہیے جبکہ تفصیلی فیصلہ ایک ماہ کے اندر سامنے آنا چاہیے۔ سپریم کورٹ میں دائر اپیلیں دو ماہ کے اندر سماعت کے لیے مقرر کی جائیں اور ہر مقدمے کا فیصلہ ایک سال کے اندر سنا دیا جائے۔
سپریم جوڈیشل کونسل کی اوپن پروسیڈنگسپریم کورٹ بار ایسوسی ایشن نے ججز کے احتساب کے حوالے سے سپریم جوڈیشل کونسل کی اوپن پروسیڈنگ کا مطالبہ کرتے ہوئے کہا ہے کہ کسی بھی جج کے خلاف آنے والی شکایت پر چھ ماہ کے اندر فیصلہ کیا جانا چاہیے۔
یہ بھی پڑھیں: عدالتی اصلاحات میں عوامی رائے جاننے کے لیے سپریم کورٹ کا آن لائن فیڈ بیک فارم جاری
بار نے اس بات پر زور دیا ہے کہ عدالتی اصلاحات اور مؤثر نظام انصاف کے بغیر عوام تک سستا اور فوری انصاف پہنچانا ممکن نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news سپریم جوڈیشل کونسل سپریم کورٹ سپریم کورٹ بار ایسوسی ایشن شارٹ آرڈر عدالتی اصلاحات میاں رؤف عطا.ذریعہ: WE News
کلیدی لفظ: سپریم جوڈیشل کونسل سپریم کورٹ سپریم کورٹ بار ایسوسی ایشن عدالتی اصلاحات میاں رؤف عطا سپریم کورٹ بار ایسوسی ایشن عدالتی اصلاحات سپریم کورٹ میں تجاویز میں گیا ہے کہ کیا جائے کے اندر یہ بھی کے لیے
پڑھیں:
سپریم کورٹ؛ پولیس نے عمران خان کی بہنوں کو چیف جسٹس کے چیمبر میں جانے سے روک دیا
سپریم کورٹ؛ پولیس نے عمران خان کی بہنوں کو چیف جسٹس کے چیمبر میں جانے سے روک دیا WhatsAppFacebookTwitter 0 18 September, 2025 سب نیوز
اسلام آباد(آئی پی ایس) پولیس نے عمران خان کی بہنوں کو چیف جسٹس آف پاکستان کے چیمبر میں جانے سے روک دیا۔
تفصیلات کے مطابق سپریم کورٹ میں اس وقت ہلکی کشیدگی دیکھنے میں آئی جب پولیس نے بانی پاکستان تحریک انصاف (پی ٹی آئی) کی بہنوں کو چیف جسٹس کے چیمبر کی طرف جانے سے روک دیا۔
پولیس حکام کے مطابق بغیر اجازت کسی کو بھی آگے جانے کی اجازت نہیں دی جا سکتی۔ اس موقع پر وکیل سردار لطیف کھوسہ نے مؤقف اختیار کیا کہ علیمہ بی بی سائلہ ہیں اور وہ بانی پی ٹی آئی کا خط چیف جسٹس کو دینا چاہتی ہیں، اس لیے انہیں آگے جانے دیا جائے۔
پولیس اہلکاروں کا کہنا تھا کہ رجسٹرار آفس کے نمائندوں کی اجازت کے بغیر کسی کو آگے نہیں جانے دیا جا سکتا جب کہ چیف جسٹس کی عدالت بھی ختم ہو چکی ہے۔
واضح رہے کہ اس موقع پر بانی پی ٹی آئی کی بہنوں کے ہمراہ پارٹی کی لیگل ٹیم بھی موجود تھی، جس کی سربراہی سردار لطیف کھوسہ اور انتظار پنجوتھا کر رہے تھے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرتوشہ خانہ ٹو کیس کے 2 اہم گواہان کے بیانات سامنے آگئے، سیٹ کی قیمت کم لگانے کا اعتراف کرلیا توشہ خانہ ٹو کیس کے 2 اہم گواہان کے بیانات سامنے آگئے، سیٹ کی قیمت کم لگانے کا اعتراف کرلیا اسلام آباد ہائیکورٹ: چیئرمین پی ٹی اے کو ہٹانے کا فیصلہ معطل، عہدے پر بحال خضدار: سکیورٹی فورسز کے آپریشن میں بھارتی سرپرستی یافتہ 4 دہشتگرد ہلاک طاقتور حلقوں کو فارم 47 سے بنی حکومت کا بوجھ نہیں اٹھانا چاہیے، اعظم سواتی سعودیہ اور پاکستان، جارح کے مقابل ایک ہی صف میں، ہمیشہ اور ابد تک: سعودی وزیر دفاع جعلی فٹبال ٹیم، انسانی اسمگلر کے بڑے انکشاف سامنے آ گئےCopyright © 2025, All Rights Reserved
رابطہ کریں ہماری ٹیم
دریائے چناب میں سیلابی صورتحال، ٹرین سروس معطل